ઝી ન્યૂઝ ગુજરાતી
/ગુજરાત
/પ્રેમ લગ્નનો લોહિયાળ અંત: વાપીમાં પતિએ પત્નીને જાહેરમાં રહેંસી નાખી!, જાણી લો લવમેરેજ કેમ હત્યામાં બદલાયા

પ્રેમ લગ્નનો લોહિયાળ અંત: વાપીમાં પતિએ પત્નીને જાહેરમાં રહેંસી નાખી!, જાણી લો લવમેરેજ કેમ હત્યામાં બદલાયા

Love Marriage : પ્રેમ, જે બે દિલોને જોડે છે, પરંતુ શું આ જ પ્રેમ ક્યારેય કોઈનો કાળ બની શકે? સાત ફેરાના પવિત્ર સોગંદ અને જીવનભર સાથ નિભાવવાના વાયદા. જ્યારે આ વાયદાઓ લોહીથી લખાવા લાગે, ત્યારે સંબંધોનો કેવો ભયાનક અંત આવે છે, તેનો એક ચોંકાવનારો કિસ્સો વાપીથી સામે આવ્યો છે.

Written ByKaran Rajput

Published: Oct 01, 2026, 05:06 PM IST|Updated: Oct 01, 2026, 05:08 PM IST

join share

પ્રેમ લગ્નનો લોહિયાળ અંત: વાપીમાં પતિએ પત્નીને જાહેરમાં રહેંસી નાખી!, જાણી લો લવમેરેજ કેમ હત્યામાં બદલાયા

Image Credit: Love Marriage Tragedy

Vapi Murder Case : વાપીના છરવાડા વિસ્તારમાં આવેલી સાઈ સંસ્કાર સોસાયટી. રોજની જેમ સામાન્ય લાગતી આ સોસાયટીમાં અચાનક ચીસાચીસ અને દોડધામ મચી ગઈ.. બ્યુટી પાર્લર ચલાવતી સીમા નામની યુવતી પોતાના ઘરેથી પાર્લર જવા માટે બિલ્ડિંગની નીચે પહોંચી જ હતી, ત્યાં જ કાળ બનીને આવેલા એક યુવકે તેના પર તીક્ષ્ણ હથિયારથી હુમલો કરી દીધો.

લવ મેરેજની લોહિયાળ કહાની
ભરણપોષણના વિવાદમાં લોહીની હોળી
યુવતીની નિર્મમ હત્યા...હત્યારો કોણ?

જાહેરમાં સોસાયટીની વચ્ચે જ યુવતી પર ચપ્પુના ઉપરાઉપરી ઘા ઝીંકી તેને મોતને ઘાટ ઉતારી દેવાઈ. સ્થાનિકોએ તાત્કાલિક ડુંગરા પોલીસને જાણ કરી. પોલીસે પણ ત્વરિત એક્શન લેતા ભાગી રહેલા પરેશ કંટારીયા નામના આરોપીને લોહીલુહાણ ચપ્પુ સાથે દબોચી લીધો. પરંતુ જ્યારે તપાસ શરૂ થઈ ત્યારે પ્રેમ લગ્ન પાછળનું કડવું સત્ય સામે આવ્યું.

લવ મેરેજની લોહિયાળ કહાની
ભરણપોષણના વિવાદમાં લોહીની હોળી
યુવતીની નિર્મમ હત્યા...હત્યારો કોણ?
પત્નીની હત્યા કરનાર પતિની ધરપકડ
ચાર વર્ષના કંકાસનો ખૌફનાક અંજામ

પોલીસની પ્રાથમિક પૂછપરછમાં જે ખુલાસો થયો તે ચોંકાવનારો હતો. હત્યારો પરેશ કંટારીયા બીજું કોઈ નહીં, પણ મૃતક સીમાનો પતિ હતો! વર્ષો પહેલા બંનેએ પ્રેમ લગ્ન કર્યા હતા, પણ છેલ્લા ચાર વર્ષથી સંબંધોમાં એવી કડવાશ આવી કે બંને અલગ રહેતા હતા.

વિવાદ એટલો વકર્યો કે મામલો કોર્ટના પગથિયે પહોંચ્યો. કોર્ટ કેસ દરમિયાન સીમાએ પતિ પરેશ પાસે ભરણપોષણ પેટે મોટી રકમની માંગણી કરી હતી. બસ, આ જ આર્થિક બોજ અને પારિવારિક કંકાસ પરેશના મગજ પર સવાર થઈ ગયો. ઘટનાના દિવસે તે સીમાના ઘરે આવ્યો, કોર્ટ કેસ બાબતે ઉગ્ર બોલાચાલી થઈ અને આવેશમાં આવીને પરેશે પોતાની જ પત્નીને સરેઆમ રહેંસી નાખી.

આ જીવતો જાગતો પુરાવો

પતિ-પત્નીના પારિવારિક ઝઘડા જ્યારે અહંકાર અને ક્રોધનું રૂપ લે છે, ત્યારે સંસાર કેવી રીતે છિન્ન-ભિન્ન થઈ જાય છે તેનો આ જીવતો જાગતો પુરાવો છે. જે દંપતીએ ક્યારેક સાથે જીવવા-મરવાના વાયદા કર્યા હતા, આજે તેમાં પતિ જ પત્નીનો કાતિલ બની ગયો. આ લવ મેરેજનો અંજામ એટલો ભયાનક આવ્યો છે કે એક હસતો-રમતો પરિવાર વિખેરાઈ ગયો છે.

આ દંપતીને એક માસૂમ સંતાન પણ છે. જેની માતા હવે આ દુનિયામાં નથી રહી, અને પિતા જિંદગીના ગણતરીના વર્ષો જેલના સળિયા પાછળ સડશે. પતિ-પત્નીની આ જીવલેણ લડાઈમાં આખરે એ માસૂમ બાળક અનાથ અને નોંધારું બની ગયું છે.

Add Zee News as a Preferred Source

TAGS:

Gujarat News

About the Author

Karan Rajput

કરણ રાજપૂત ગુજરાતના અગ્રણી અને પ્રતિષ્ઠિત પત્રકારો તથા ડિજિટલ મીડિયા લીડર્સમાં ગણાય છે. પત્રકારત્વ ક્ષેત્રે તેમને ૨3 વર્ષોથી વધુનો સમૃદ્ધ અને દીર્ઘ અનુભવ છે. પોતાની લાંબી અને સફળ કારકિર્દી દરમિયાન તેમણે પ્રિન્ટ અને ડિજિટલ એમ બંને માધ્યમોમાં મહત્વપૂર્ણ ભૂમિકાઓ ભજવી છે.વર્તમાનમાં તેઓ Zee 24 Kalak માં ડિજિટલ લીડ (Digital Lead) તરીકે સેવા આપી રહ્યા છે. આ પદ પર રહીને તેઓ ડિજિટલ કન્ટેન્ટ સ્ટ્રેટેજી, ન્યૂઝરૂમના ડિજિટલ ટ્રાન્સફોર્મેશન અને હાયપર-લોકલ ટ્રાફિકને નોંધપાત્ર રીતે વધારવાની રણનીતિનું સફળ નેતૃત્વ કરી રહ્યા છે. ડેટા-ડ્રિવન કન્ટેન્ટ અને આધુનિક ટેકનોલોજીના પ્રયોગો દ્વારા ન્યૂઝરૂમને નવી ઊંચાઈઓ પર લઈ જવામાં તેમને વિશેષ મહારત છે. મર્યાદિત અને ઓછા સ્ટાફ સાથે પણ શ્રેષ્ઠ પરિણામો આપવાની તેમની ક્ષમતા તેમને એક સક્ષમ સંપાદક બનાવે છે. ગુજરાતના અગ્રણી અખબારો જેમ કે ગુજરાત સમાચાર, સંદેશ અને દિવ્ય ભાસ્કરમાં મહત્વપૂર્ણ જવાબદારીઓ સંભાળી છે. આ સિવાય તેઓ ગુજરાત સમાચારની ચેનલ GSTVના તેઓ ડિજિટલ એડિટર રહી ચૂકયા છે.એગ્રીકલ્ચર (કૃષિ) ક્ષેત્રે ઉત્કૃષ્ટ પત્રકારત્વ માટે તેમને બે રાષ્ટ્રીય પુરસ્કારોથી સન્માનિત કરવામાં આવ્યા છે. પડકારોને તકમાં બદલવાની સૂઝબૂઝ, સાહસિક નિર્ણયો અને સતત નવીન કન્ટેન્ટ પ્રયોગો (Content Experiments) થકી તેમણે મીડિયા જગતમાં એક આગવી અને મજબૂત ઓળખ બનાવી છે.