સુરેન્દ્રનગરમાં તાલિબાની રાજ: પ્રેમી સાથે ભાગેલી પરિણીતાને ઝાડ સાથે બાંધીને અમાનવીય અત્યાચાર, વીડિયો વાયરલ

પરવેઝ સંધિ, સુરેન્દ્રનગરઃ એક એવી ખૌફનાક અને કાળજું કંપાવી દેનારી ઘટના...જે સાંભળીને કાયદા અને વ્યવસ્થા પરથી તમારો વિશ્વાસ ઊઠી જશે! શું સભ્ય સમાજમાં કોઈ સ્ત્રી પર આ હદની ક્રૂરતા ગુજારી શકાય? સુરેન્દ્રનગરમાં પ્રેમ કરવાની એવી ખતરનાક સજા આપવામાં આવી છે, જેણે તાલિબાની શાસનની યાદ અપાવી દીધી છે!...

વાયરલ વીડિયોથી ખુલ્યો અત્યાચારનો ભયાનક ખેલ!
સુરેન્દ્રનગર જિલ્લામાં કાયદો અને વ્યવસ્થાના લીરેલીરા ઉડાવતો એક અત્યંત ઘૃણાસ્પદ કિસ્સો પ્રકાશમાં આવ્યો છે...અહીં કૌટુંબિક અદાવત અને કૂટેવોની એવી પરાકાષ્ઠા જોવા મળી, જેને જોઈને આખો સમાજ શરમથી માથું ઝુકાવી દેશે...પોતાના પતિને છોડીને અન્ય પુરુષ સાથે ભાગી ગયેલી મહિલાને પાછી લાવીને જે ત્રાસ આપવામાં આવ્યો, તેણે તાલિબાની ક્રૂરતાની યાદ અપાવી દીધી છે...શુદ્ધિકરણના નામે અહીં રમાયો ખૌફનાક ખેલ!.

આરોપીઓ પરિણિત મહિલા અને તેના પ્રેમીને પકડીને સુરેન્દ્રનગર લાવ્યા હતા...અહીં બંનેને લાકડાના ધોકા અને લાતોથી ઢોરમાર મારવામાં આવ્યો...એટલું જ નહીં, બંનેને બળજબરીથી પેશાબ પીવડાવવામાં આવ્યો હોવાનો પણ  આક્ષેપ છે...હેવાનોની હેવાનિયત અહીં જ ન અટકી...નરાધમોએ પરિણીતાને ઝાડ સાથે બાંધી દીધી અને તેના જ પ્રેમીને મરજી વિરુદ્ધ શારીરિક સંબંધ બાંધવાની ફરજ પાડી! આ અતિ ગંભીર અને વિકૃત માનસિકતા ધરાવતા ગુનાનો નરાધમોએ મોબાઈલમાં વીડિયો પણ શૂટ કર્યો!

આ પણ વાંચોઃ ફેસબુક પર ફ્રેન્ડ રિક્વેસ્ટ પડી શકે છે ભારે: અમદાવાદમાં વૃદ્ધને હનીટ્રેપમાં ફસાવી પડાવ્યા 24

જ્યારે આ અમાનવીય કૃત્યનો વીડિયો સોશિયલ મીડિયામાં વાયરલ થયો, ત્યારે સમગ્ર પંથકમાં ખળભળાટ મચી ગયો...વીડિયો પોલીસના ધ્યાને આવતા જ સુરેન્દ્રનગર સીટી એ ડિવિઝન પોલીસ તાત્કાલિક હરકતમાં આવી હતી...પોલીસે ગણતરીના કલાકોમાં પીડિતાને શોધી કાઢી અને ગુનો નોંધી કાયદેસરની કાર્યવાહી હાથ ધરી...આ શરમજનક કાંડમાં પીડિતાના પતિ સહિત કુલ 9 આરોપીઓની ધરપકડ કરવામાં આવી છે, જેમાં બે મહિલાઓ પણ સામેલ છે!.

પોલીસે તમામ આરોપીઓને ઘટના સ્થળે લઈ જઈને સમગ્ર ઘટનાનું રી-કન્સ્ટ્રક્શન કરાવ્યું છે...પકડાયેલા તમામ નરાધમો- પોપટ સરવૈયા, રમેશ સરવૈયા, જયંતી સરવૈયા સહિતની આખી ટોળકીનો ગુનાહિત ઈતિહાસ પણ તપાસવામાં આવી રહ્યો છે...

સોશિયલ મીડિયામાં વાયરલ થયેલા એક વીડિયોએ સમાજની આ કાળી અને વરવી વાસ્તવિકતા દેશ સામે લાવી દીધી છે, જ્યાં પ્રેમ કરવા બદલ એક મહિલા પર આટલો ભયાનક અત્યાચાર ગુજારવામાં આવ્યો.

આ ઘટનાએ સાબિત કરી દીધું છે કે વિકૃત માનસિકતા ધરાવતા લોકો માટે કાયદાનો કોઈ ડર રહ્યો નથી...જોકે, પોલીસે ત્વરિત કાર્યવાહી કરીને તમામ 9 આરોપીઓને જેલના સળિયા પાછળ ધકેલી દીધા છે...આશા રાખીએ કે આ નરાધમોને કડકમા કડક સજા થાય જેથી ભવિષ્યમાં કોઈ આવી હિંમત ન કરી શકે.