સપનાનું ઘર ખરીદવાની લાલચમાં યુવક બન્યો લૂંટારૂ: 34 લાખની લૂંટનો માસ્ટરમાઇન્ડ ઝડપાયો, હાથમાં ના આવ્યો એક પણ રૂપિયો!

ઉદય રંજન/અમદાવાદ: બાપુનગર પાસે આવેલી એન.આર આંગડિયા પેઢીમાં કામ કરતા કેતન પરીખ સાથે 21 ઓક્ટોબરના રોજ રાતના સમયે અપહરણ અને લૂંટની ઘટના બની હતી, કેતન પરીખ બેંકમાંથી 34 લાખ રોકડ લઈને ઓઢવ બ્રિજ પરથી પસાર થઈ રહ્યો હતો. ત્યારે એક કારમાં આવેલા બે શખ્સોએ પોતાની ઓળખ GST અધિકારી તરીકેની આપી કેતન પરીખને કારમાં બેસાડ્યો અને અપહરણ કરી અલગ અલગ જગ્યાઓ પર લઈ જઈ માર મારીને 34 લાખ રોકડાની લૂંટ ચલાવી, જે મામલે ઓઢવ પોલીસ સ્ટેશનમાં ફરિયાદ નોંધાતા પોલીસે આરોપીઓની શોધખોળ શરૂ કરી અને અમદાવાદ શહેર ક્રાઈમ બ્રાન્ચને આખા ગુનાનો માસ્ટર માઈન્ડ પ્રિતમ ગોહિલ હાથે લાગ્યો. જે આરોપીની તપાસમાં ચોંકાવનારા ખુલાસા થયા.

ગુજરાતીઓની ચિંતા વધી! નવેમ્બરમાં બંગાળની ખાડીમાં વધુ એક વાવાઝોડું સર્જાશે, હવામાન નિષ્ણાત અંબાલાલ પટેલની આગાહી

આરોપીએ લૂંટ કરવા માટે 5 લાખ રૂપિયાની લાલચ આપી

આરોપી પ્રીતમ ગોહિલ ની પૂછપરછમાં સામે આવ્યું કે તે ફરિયાદી કેતન પરીખ ને પહેલાથી જાણતો હતો જેથી તેણે પોતાના પરિચિત વિશ્વજીત ગોસ્વામીને લૂંટ કરવાના ગુનામાં સામેલ કર્યો અને લૂંટ કરવા માટે પાંચ લાખ રૂપિયાની લાલચ આપી જે બાદ પ્રીતમ ગોહિલે વિશ્વજીતને કેતન પરીખ નો ફોટો અને અન્ય વિગતો આપી. વિશ્વજીત ગોસ્વામી પોતાના અન્ય એક પરિચિત મહિપાલ સાથે મળીને અપહરણ અને લૂંટ કરવાનો પ્લાન બનાવ્યો. આરોપીઓએ લૂંટ કર્યા બાદ પ્રીતમ ગોહિલને દિલ્હી લૂંટની રકમમાંથી તેનો હિસ્સો આપવા માટે બોલાવ્યો હતો.

વિશ્વજીત અને મહિપાલ પોતાનો ફોન બંધ કરીને રફુચક્કર

આરોપી પ્રીતમ ગોહિલ પોતાનો હિસ્સો લેવા માટે દિલ્હી ગયો, પરંતુ વિશ્વજીત અને મહિપાલ પોતાનો ફોન બંધ કરીને રફુચક્કર થઈ ગયા, જે બાદ પ્રીતમ ગોહિલ અમદાવાદ પરત આવ્યો અને અમદાવાદ ક્રાઈમ બ્રાન્ચના હાથે પકડાઈ ગયો, આરોપીની પૂછપરછમાં સામે આવ્યું કે પ્રીતમ ગોહિલ અને ફરિયાદી કેતન પરીખની પત્ની એક જ આંગડિયા પેઢીમાં કામ કરે છે જેના કારણે પ્રીતમ ગોહિલને કેતન પરીખ વિશે માહિતી હતી.

PM મોદીનો બે દિવસીય ગુજરાત પ્રવાસ, બનાસકાંઠાથી લઈને કેવડિયા સુધી વિકાસકાર્યોની ભેટ, જાણો કયા કયા કાર્યક્રમોમાં લેશે ભાગ?

આરોપીના ત્રણ દિવસના રિમાન્ડ મેળવી અન્ય ફરાર બે આરોપીઓની શોધખોળ

વધુ તપાસમાં સામે આવ્યું કે પ્રીતમ ગોહિલને પોતાનું ઘર લેવું હોય અને ઘર 40 લાખ રૂપિયાની આસપાસનું હોય જેથી તેણે શોર્ટકટમાં પૈસા કમાવા માટે આ લૂંટને અંજામ આપ્યો હતો. હાલ તો ઓઢવ પોલીસે પકડાયેલા આરોપીના ત્રણ દિવસના રિમાન્ડ મેળવી અન્ય ફરાર બે આરોપીઓની શોધખોળ શરૂ કરી છે.