દિવાળી તહેવારને લઈ GMRCનો મોટો નિર્ણય: સુરક્ષાના કારણોસર 8મી નવેમ્બરે સાંજે 7:00 વાગ્યા પછી મેટ્રો સેવા બંધ

Ahmedabad News: દિવાળીના તહેવારને ધ્યાનમાં રાખીને ગુજરાત મેટ્રો રેલ કોર્પોરેશન (GMRC) દ્વારા વિશેષ સમયપત્રક જાહેર કરવામાં આવ્યું છે. દિવાળીના દિવસે મુસાફરો પોતાના ગંતવ્ય સ્થાન સુધી સમયસર પહોંચી શકે તે માટે આ આયોજન કરાયું છે. આગામી 8 નવેમ્બરે મેટ્રો સેવાઓ નિર્ધારિત સમય કરતાં વહેલી બંધ કરવામાં આવશે. તંત્ર દ્વારા લેવાયેલા આ પગલાનો હેતુ મુસાફરોની સુરક્ષા સુનિશ્ચિત કરવાનો છે.

'ટ્રમ્પના મિત્ર' નેતન્યાહુને મોટો ઝટકો, ગાદી આઈસેનકોટને નવી સરકાર બનાવવાનું આમંત્રણ, જાણો ઇઝરાયલમાં કેવી રીતે થઈ સત્તા પરિવર્તન?

વસ્ત્રાલ ગામ - થલતેજ અને એપીએમસી કોરિડોર પર સાંજે ૭:૦૦ વાગ્યા સુધી જ મેટ્રો સેવાઓ ઉપલબ્ધ

આ વિશેષ વ્યવસ્થા હેઠળ મેટ્રો રૂટ્સ પર સમય મર્યાદિત કરવામાં આવ્યો છે. વસ્ત્રાલ ગામ - થલતેજ અને એપીએમસી કોરિડોર પર સાંજે 7 વાગ્યા સુધી જ મેટ્રો સેવાઓ ઉપલબ્ધ રહેશે. વિવિધ ટર્મિનલ સ્ટેશનો પરથી સાંજે તથા રાત્રે ઉપડતી છેલ્લી ટ્રેનનો પ્રસ્થાન સમય પણ આ જ કારણોસર મર્યાદિત કરવામાં આવ્યો છે.

GMRC દ્વારા નાગરિકોને અપીલ

દિવાળીની રાત્રે મોટા પ્રમાણમાં ફટાકડા ફોડવામાં આવતા હોય છે, જેના કારણે સુરક્ષાના ભાગરૂપે આ સાવચેતીપૂર્વકનું પગલું લેવાયું છે. GMRC દ્વારા નાગરિકોને અપીલ કરવામાં આવી છે કે તેઓ આ બદલાયેલા સમયને ધ્યાનમાં રાખીને જ પોતાની મુસાફરીનું આયોજન કરે.

જાપાનમાં ભયાનક ભૂકંપથી ડરનો માહોલ; રિક્ટર સ્કેલ પર 5.7ની તીવ્રતા, ઘરોની બારીઓ તૂટી, 22 લોકો ગંભીર રીતે ઘાયલ

સમાચારનો મુખ્ય અંશો;-

• દિવાળીના દિવસે ૮મી નવેમ્બરે મેટ્રો ટ્રેન સેવા વહેલી બંધ થશે
• મેટ્રો સમયમાં ફેરફાર: દિવાળીના તહેવારને ધ્યાનમાં રાખીને ગુજરાત મેટ્રો રેલ કોર્પોરેશન (GMRC) દ્વારા વિશેષ સમયપત્રક જાહેર કરાયું છે. 
• ૮મી નવેમ્બરે વ્યવસ્થા: મુસાફરો અને સંચાલનની સુરક્ષાને કારણે ૮ નવેમ્બરે મેટ્રો સેવાઓ નિર્ધારિત સમય કરતાં વહેલી બંધ થશે.   
• કોરિડોર મુજબ સમય: વસ્ત્રાલ ગામ - થલતેજ અને એપીએમસી કોરિડોર પર સાંજે ૭:૦૦ વાગ્યા સુધી જ મેટ્રો સેવાઓ ઉપલબ્ધ રહેશે.   
• છેલ્લી ટ્રેન: વિવિધ ટર્મિનલ સ્ટેશનો પરથી રાત્રે અથવા સાંજે છેલ્લી ટ્રેનના પ્રસ્થાનનો સમય મર્યાદિત કરવામાં આવ્યો છે.  
• સુરક્ષા પ્રાથમિકતા: દિવાળીની રાત્રે ફટાકડા ફોડવાના કારણે થતી અસરોને રોકવા માટે આ સુરક્ષાત્મક પગલું લેવાયું છે.