સાબરમતીમાં મોતને વ્હાલું કરવા ગયેલો યુવક દોઢ કલાક સુધી જાળી પર લટકતો રહ્યો! જાણો એલિસબ્રિજ પર કેવી રીતે થયો બચાવ?

Ahmedabad News: શહેરના એલિસબ્રિજ પર મોડી રાત્રે મોતને વ્હાલું કરવા માટે બ્રિજ પર લગાવેલી ઝાડી પર ચઢીને યુવક કુદવા જતો હતો. જોકે આસપાસના લોકોને જાણ થતા પોલીસ અને ફાયરને જાણ કરવામાં આવી હતી. ફાયરની ટીમ તાત્કાલિક પહોંચી હતી અને મોતને વ્હાલું કરવા ઉતરેલા યુવકને લાંબા સમય સુધી સમજાવવામાં આવ્યો જે બાદ યુવકને દોરડું બાંધી બ્રિજ પરથી નીચે ઉતારવામાં આવ્યો હતો. સમગ્ર ઘટનાનો વિડીયો પણ સામે આવ્યો છે. પોલીસ દ્વારા આ મામલે યુવકની પૂછપરછ પણ કરવામાં આવી હતી.

અમદાવાદમાં નવરાત્રી દરમિયાન વાસી કે દૂષિત ખોરાક વેચ્યો તો ખેર નથી! AMCની ફ્લાઈંગ સ્ક્વોર્ડ લેશે કડક પગલાં

રેસ્ક્યુ ટીમ સાબરમતી નદીમાં બોટલ લઈને પહોંચી
સુનિલ ચુનારા નામનો એક વ્યક્તિ એલિસબ્રિજ પરથી કૂદીને મોતને વ્હાલું કરવા માટે બ્રિજ પર લગાવેલી ઝાડી ચઢીને નીચે કૂદવા જઈ રહ્યો હતો ત્યારે સ્થાનિકો ભેગા થઈ ગયા હતા. સ્થાનિકોએ યુવકને સમજાવી રહ્યા હતા. આ દરમિયાન ફાયર અને પોલીસને પણ જાણ કરવામાં આવી હતી. જેથી પોલીસની ટીમ બ્રિજ નીચે પહોંચી હતી અને ફાયર વિભાગની રિવર રેસ્ક્યુ ટીમ સાબરમતી નદીમાં બોટલ લઈને પહોંચી હતી.

ફાયરની ટીમ બોટ સાથે જ યુવક કુદે તે પહેલા પહોંચી ગઈ
યુવક લાંબા સમય સુધી ઝાડી પર લટકતો રહ્યો હતો, જેથી યુવકને સમજાવવામાં આવ્યો હતો. લગભગ દોઢ કલાક જેટલું સમજાવ્ય બાદ યુવક સમજ્યો હતો. યુવકને બ્રિજ પરથી દોરડું બાંધીને રિવરફ્રન્ટ પર ઉતારવામાં આવ્યો હતો. યુવકના રેસ્ક્યુ દરમિયાન ફાયર વિભાગની કામગીરી મહત્વની રહી હતી કારણ કે ઘટનાની જાણ થતા ફાયરની ટીમ બોટ સાથે જ યુવક કુદે તે પહેલા પહોંચી ગઈ હતી. લગભગ દોઢ કલાક જેટલો સમય બોટ નદીમાં હોલ્ટ પર રાખવામાં આવી હતી.

દેશના 15 રાજ્યોમાં ભારે વરસાદ-આંધીનું એલર્ટ: ગુજરાતમાં નવરાત્રીમાં વરસાદ અને વાવાઝોડાને લઈને અંબાલાલની મોટી આગાહી

રિવરફ્રન્ટ પોલીસ દ્વારા સમગ્ર બાબતે જાણવા જોગ નોંધ
દોઢ કલાકના અંતે યુવકનો જીવ બચાવી લેવામાં આવ્યો હતો જે બાદ યુવકનું નામ સરનામું પૂછીને કયા કારણથી મોતને વ્હાલું કરતો હતો તે પોલીસ દ્વારા તપાસ કરવામાં આવી હતી. યુવકને સમજાવીને તેના પરિવારને જાણ કરવામાં આવી હતી. રિવરફ્રન્ટ પોલીસ દ્વારા સમગ્ર બાબતે જાણવા જોગ નોંધીને તપાસ કરવામાં આવી રહી છે.