ફુટબોલ પર આધારિત આ સીરીઝ તમે જોઈ કે નહીં ? IMDb પર રેટિંગ છે 8.2, એમી એવોર્ડમાં પણ મળ્યું છે નોમિનેશન

Real Kashmir Football Club Series OTT: આજે તમને ઓટીટી પ્લેટફોર્મની એવી એક વેબ સિરીઝ વિશે જણાવીએ જેને પ્રતિષ્ઠિત એમી એવોર્ડ 2026 માં નોમિનેશન મળ્યું છે. આ વેબ સીરીઝ ની સ્ટોરી દમદાર છે અને તેને આંતરરાષ્ટ્રીય સ્તર પર ઓળખ મળી છે તેમ છતાં ભારતમાં એવા અનેક લોકો હશે જેને આ વેબ સિરીઝ વિશે ખબર જ નહીં હોય. જો તમે પણ આવા લોકોમાંથી જ એક છો તો ચાલો તમને જણાવીએ એવી કઈ વેબ સિરીઝ છે જેને ઇન્ટરનેશનલ એવોર્ડમાં નોમિનેશન મળ્યું છે.

અહીં વાત થઈ રહી છે તે વેબ સિરીઝ નું નામ છે રીયલ કાશ્મીર ફૂટબોલ ક્લબ. વેબ સીરીઝ ના નામ પરથી જ સમજાય જાય છે કે વેબ સિરીઝ કાશ્મીર અને ફૂટબોલને કનેક્ટ કરે છે. અને વાત પણ સાચી છે. આ વેબ સીરીઝમાં કાશ્મીર ના લોકોને મુશ્કેલ સમયમાં ફૂટબોલની રમત કેવી રીતે જોડે છે તે દેખાડવામાં આવ્યું છે. રીયલ કાશ્મીર ફૂટબોલ ક્લબમાં સંઘર્ષ, મિત્રતા, સપના અને યુવાનોની મહેનત દેખાડવામાં આવી છે. સપ્ટેમ્બર મહિનામાં એમી એવોર્ડ્સ માટે નોમિનેશન જાહેર થયા હતા તેમાં આ સિરીઝ નું નામ પણ છે.. આ વેબી સીરીઝ ને એની એવોર્ડ્સમાં ડ્રામા સીરીઝ કેટેગરીમાં નોમિનેશન મળ્યું છે.

સત્ય ઘટનાથી પ્રેરિત વેબ સિરીઝની સ્ટોરી

રીયલ કાશ્મીર ફૂટબોલ ક્લબ વેબ સિરીઝની સ્ટોરી કાશ્મીરની સત્ય ઘટનાથી પ્રેરિત છે. વેબ સિરીઝમાં દેખાડવામાં આવ્યું છે કે કાશ્મીર ઘાટીના 20 યુવાનો ફૂટબોલના માધ્યમથી પોતાની અલગ ઓળખ બનાવવા માંગે છે અને સપના પૂરા કરવા માંગે છે. આ 20 યુવાનોને ફૂટબોલ એકબીજા સાથે જોડે્ છે. અનેક મુસીબતોનો સામનો કરીને 20 યુવાનો સાથે ફૂટબોલની એક ટીમ બનાવવામાં આવે છે. આ ટીમ કાશ્મીરના લોકો માટે ફક્ત ફૂટબોલની ટીમ નહીં પરંતુ નવી આશા પણ જગાડે છે.

રીયલ કાશ્મીર ફૂટબોલ ક્લબની સ્ટાર કાસ્ટ

રીયલ કાશ્મીર ફૂટબોલ ક્લબ વેબ સીરીઝમાં મુખ્ય ભૂમિકામાં માનવ કોલ અને મોહમ્મદ જીશાન અયુબ જોવા મળશે. આ સિવાય આ વેબ સિરીઝમાં અભિશાંત રાણા પણ મહત્વની ભૂમિકામાં છે. વેબ સિરીઝ નું નિર્દેશન મહેશ મથાઈએ કર્યું છે.

રીયલ કાશ્મીર ફૂટબોલ ક્લબ ઓટીટી પર

આ વેબ સીરીઝ વિશે જાણીને તમને પણ સ્પોર્ટ્સ આધારિત આ વેબ સિરીઝ જોવાની ઈચ્છા થઈ હોય તો ફટાફટ સોની લીવ એપ ઓપન કરી લો. કારણ કે આ બેબી સીરીઝ sonyliv પર જોવા મળશે. 

9 ડિસેમ્બર 2025 ના રોજ સોની લીવ પર રિયલ કાશ્મીર ફૂટબોલ ક્લબ રિલીઝ થઈ હતી. કુલ આઠ એપિસોડની છે. વેબ સિરીઝના આઈએમડીબી રેટિંગ ની વાત કરીએ તો તેનું રેટિંગ 8.2 છે. એટલે કે આ વેબ સિરીઝ મિસ કરવા જેવી નથી.