શું તમને ખબર છે ટાઈગર શ્રોફનું સાચું નામ? જેકી શ્રોફનો દિકરો કઈ રીતે બન્યો Tiger, જાણો

Tiger Shroff Real Name: બોલિવુડ અભિનેતા ટાઈગર શ્રોફ રવિવારના રોજથી સમાચારના હેડલાઈન બન્યા છે. ત્રણ બાઇક પર આવેલ હુમલાખોરોએ ટાઈગર શ્રોફ પર ફાયરિંગ કર્યું હતું, જો કે ટાઈગર શ્રોફને તેમાં કોઈ ગંભીર નુકસાન થયું નથી, પણ તેમના ડ્રાયવરને ગોળી વાગી છે, જો કે તે હાલ ખતરાથી બહાર છે, મુંબઈ પોલી, આ મામલાની તપાસ કરી રહી છે, અને ત્રણેય હુમલો કરનારની ધરપકડ કરવામાં આવી છે.

2014માં ટાઈગર શ્રોફે કરી હતી કરિયરની શરૂઆત

ટાઇગર શ્રોફ ઓછામાં ઓછા 10 વર્ષથી ફિલ્મ જગતમાં કામ કરી રહ્યો છે. ટાઇગરે 2014માં આવેલી ફિલ્મ હીરોપંતીથી પોતાનું ડેબ્યૂ કર્યું હતું. ટાઇગર શ્રોફ બોલિવુડમાં એક જાણીતું નામ છે, પરંતુ બહુ ઓછા લોકો જાણે છે કે 'ટાઇગર' ખરેખર તેનું સાચું નામ નથી.

તેના માતાપિતાએ ટાઇગર શ્રોફને શું નામ આપ્યું હતું?

ટાઇગર શ્રોફ બોલીવુડના અનુભવી અભિનેતા જેકી શ્રોફ અને આયેશા શ્રોફનો પુત્ર છે. તેનો જન્મ 2 માર્ચ, 1990ના રોજ થયો હતો. ટાઇગરના માતાપિતાએ તેનું નામ જય હેમંત શ્રોફ રાખ્યું હતું. ચાલો જાણીએ કે જય હેમંત શ્રોફ બોલિવૂડનો ટાઇગર કેવી રીતે બન્યો?

ટાઇગર શ્રોફને લોકોને બચકા ભરવાની આદત હતી

2014માં એક ખાસ ઇન્ટરવ્યુમાં, ટાઇગર શ્રોફે કહ્યું કે, જ્યારે હું નાનો હતો, ત્યારે હું લોકોને બચકા ભરતો હતો... હું બધાને બચકા ભરતો હતો. મેં એક વખત મારા સ્કૂલના શિક્ષકને બચકું ભર્યું હતું, અને મને તેના માટે સજા પણ મળી હતી.

જય હેમંત શ્રોફ ટાઇગર શ્રોફ કેવી રીતે બન્યો?

2024માં એક ઇન્ટરવ્યુમાં, ટાઇગર શ્રોફે કહ્યું હતું કે જ્યારે તે નાનો હતો, ત્યારે તે લોકોને બચકા ભરતો હતો, તેથી જ તેનું નામ ટાઇગર પડ્યું. આ ઇન્ટરવ્યુ દરમિયાન, ટાઇગર શ્રોફે તેના ઓરીજનલ નામની કહાની પણ જાહેર કરી. તેણે કહ્યું કે, તે લોકોને પ્રેમ બતાવવાની મારી રીત હતી, હું તેમને સીધો બચકા ભરતો. મારું નામ જય હેમંત હતું. મારા પિતાનું નામ જય કિશન છે, જે ફિલ્મો માટે જેકી બન્યું. મારા કાકાનું નામ હેમંત હતું, અને આ રીતે મારું નામ જય હેમંત શ્રોફ પડ્યું. બાળપણથી જ લોકો મને ટાઇગર કહેતા હતા, અને આ રીતે મારું નામ પડ્યું. મેં ફિલ્મો માટે મારું નામ સત્તાવાર રીતે ટાઇગર રાખ્યું છે.

ટાઇગર શ્રોફ આ ફિલ્મોમાં દેખાયો

ટાઇગર શ્રોફની ફિલ્મોની સફર 2014ની ફિલ્મ હીરોપંતીથી શરૂ થઈ હતી. ત્યારથી તે બાગી, અ ફ્લાઇંગ જટ, મુન્ના માઇકલ, બાગી 2, સ્ટુડન્ટ ઓફ ધ યર 2, વોર, બાગી 3, હીરોપંતી 2 અને બાગી 4 જેવી ફિલ્મોમાં દેખાયો છે.