તોફાની શરૂઆત બાદ હાલત ખરાબ, 20 મીનિટમાં બદલાઈ ગયું બજારનું મુડ, શું RBIનો છે તેમાં હાથ? જાણો

Share Crash Reason: સોમવાર અને 12 ઓક્ટોબરના રોજ અઠવાડિયાના પહેલા જ દિવસે ભારે ઘટાડો જોવા મળ્યો હતો. સેન્સેક્સ અને નિફ્ટી બન્નેમાં તેજી જોવા મળી હતી, પણ 10 વાગ્યાની સાથે જ એવો ઘટાડો થયો કે માર્કેટ તેના દિવસના હાઈથી 1200 પોઈન્ટનો ઘટાડો થયો હતો. સેન્સેક્સ 547.65 ઘટીને 71924 રૂપિયા પર બંધ થયો હતો, બપોરે 3 વાગ્યા સુધી સેન્સેક્સ 730 પોઈન્ટ ઘટી ચુક્યો હતો.

ઉછાળા સાથે ખુલેલું બજાર કેમ ઘટ્યું?

આજે બજાર ખુલતાં રોકાણકારો ખુશ થયા. સેન્સેક્સ 72,771 પર ખુલ્યો, જે તેના અગાઉના બંધ 72,472થી ઉપર હતો. 412 પોઈન્ટના પ્રારંભિક વધારાથી સેન્સેક્સ 73,884 પર પહોંચ્યો, પરંતુ થોડીવારમાં જ આ ગતિ ઓછી થવા લાગી. 10 વાગ્યા સુધીમાં, સેન્સેક્સ અને નિફ્ટી ગંભીર સ્થિતિમાં હતા.

153 રૂપિયા પર પહોંચ્યો GMP, 15 ઓક્ટોબરે ખુલશે આ IPO, જાણો પ્રાઇસ બેન્ડ

20 મિનિટમાં સમાપ્ત થઈ ગઈ ગેમ

માત્ર 20 મિનિટમાં નિફ્ટીએ તેનો વધારો ગુમાવી દીધો હતો. શુક્રવારે 22,520.45 પર બંધ થયેલ નિફ્ટી સોમવારે 22,593.20 પર ખુલ્યો. શરૂઆતની ખરીદીએ તેને 22,651.10ની ઇન્ટ્રાડે હાઈ લેવલેએ પહોચાડ્યો હતો. આ તેજી સવારે 9:20 વાગ્યા સુધી ચાલુ રહી, પરંતુ સવારે 9:40 વાગ્યા સુધીમાં, નિફ્ટી તેના ફાયદા ગુમાવવા લાગ્યો અને 22,550ના તેના હાઈ લેવલથી નીચે સરકી ગયો. હવે પ્રશ્ન એ છે કે જ્યારે બજાર સકારાત્મક રીતે ખુલ્યું, ત્યારે અચાનક ઘટાડો કેવી રીતે થયો?

બજાર નીચે શા માટે આવ્યું?

• RBIના કડક દૈનિક રોકડ અનામત નિયમોની બેંકિંગ શેરો પર અસર પડી. મોંઘુ ક્રૂડ તેલ કોર્પોરેટ ખર્ચ અંગે ચિંતા વધારી રહ્યું છે, જેના કારણે શેરબજારમાં વેચવાલી જોવા મળી રહી છે. ટેક મહિન્દ્રા, ITC, L&T, હિન્ડાલ્કો અને HUL આજે ટોચના લુઝર્સની યાદીમાં જોડાયા. બજાજ ઓટો, ભારત ઇલેક્ટ્રોનિક્સ અને ટાટા મોટર્સ પેસેન્જર વ્હીકલ્સના શેર ઘટતા બજારમાં પણ સ્થિર રહ્યા.
• બે દિવસના વધારા પછી, આજે બજારમાં પ્રોફિટ બુકિંગ જોવા મળ્યું. પ્રોફિટ  બુકિંગ ઉપરાંત, FII વેચાણે પણ બજારને નીચે ધકેલી દીધું. વિદેશી રોકાણકારો દ્વારા વેચવાલીનો દોર ચાલુ રહ્યો, અને આજે, ઓક્ટોબરના 6 ટ્રેડિંગ સત્રોમાં, વિદેશી રોકાણકારોએ ભારતીય શેરબજારોમાંથી આશરે 45,125 કરોડ રૂપિયા પાછા ખેંચી લીધા છે.
• ભારતીય રિઝર્વ બેંક (RBI)એ રૂપિયાને સ્થિર કરવા માટે એક મોટું પગલું ભર્યું. રૂપિયાને ટેકો આપવા અને વિદેશી વિનિમય બજારમાં દબાણ ઓછું કરવા માટે, RBIએ સ્પોટ માર્કેટમાંથી તેલ કંપનીઓની ડોલર ખરીદી દૂર કરી અને હેડિંગ નિયમો કડક કર્યા, જેનું પરિણામ આજે બજારમાં સ્પષ્ટ જોવા મળ્યું.
• આ ઉપરાંત, RBIએ રોકડ અનામત ગુણોત્તર માટે લઘુત્તમ દૈનિક જાળવણી મર્યાદા 90 ટકાથી વધારીને 99 ટકા કરી. આ નિયમ 16 ઓક્ટોબરથી અમલમાં આવશે. સેન્ટ્રલ બેંકે બેંકિંગ સિસ્ટમમાં વધારાની તરલતા ઘટાડવા માટે 25,000 કરોડ રૂપિયાના સરકારી બોન્ડના વેચાણની પણ જાહેરાત કરી.
• બેંકિંગ સિસ્ટમમાં ઘટતી તરલતા અને વધતા બોન્ડ યીલ્ડ નાણાકીય પરિસ્થિતિઓને કડક બનાવી રહ્યા છે, જે ઇક્વિટીમાં રોકાણકારોના રસને અસર કરી રહ્યા છે. જોકે, RBI ના નિર્ણયની આજે રૂપિયા પર અસર પડી છે. ભારતીય રૂપિયો ડોલર સામે 96 પૈસા મજબૂત થઈને 95.77 પર પહોંચી ગયો.

જિયો-બીપીના ભાવવધારા બાદ સરકારી કંપનીઓએ પણ જાહેર કર્યા પેટ્રોલ-ડીઝલના નવા દર, જાણો શું છે કિંમત