બુલિયન માર્કેમાં સોનું ફરી ચમક્યું સોનું, જાણો આજે કેટલો ભાવમાં થયો વધારો

Bullion Market Gold Rate Today: સોના અને ચાંદીના ભાવ શુક્રવાર અને 9 ઓક્ટોબરના ફરી વધ્યા છે. બુલિયન બજારમાં સોના અને ચાંદીના ભાવમાં વધારો નોંધાયો છે, જેમાં  સોનાના ભાવ 1,440 રૂપિયા વધીને 1,50,820 રૂપિયા થયા. આ 24 કેરેટ સોનાના 10 ગ્રામનો ભાવ છે. જો કે ગઈકાલે એટલે કે ગુરૂવાર અને 8 ઓક્ટોબરના રોજ પણ સોનાના ભાવમાં વધારો થયો હતો.

આંતરરાષ્ટ્રીય બજારમાં સોનાના ભાવમાં વધારાથી ભારતીય બુલિયન બજાર પર પણ અસર પડી છે. યુએસ ડોલરના નબળા પડવા અને યુએસ બોન્ડ યીલ્ડમાં ઘટાડાથી સોનાની માંગને ટેકો મળ્યો છે. બજાર યુએસ અને ઈરાન વચ્ચેની વાતચીતના સમાચાર પર પણ નજીકથી નજર રાખી રહ્યું છે. જો તમે સોનાના દાગીના ખરીદવાનું આયોજન કરી રહ્યા છો, તો આજના લેટેસ્ટ ભાવ જાણવા મહત્વપૂર્ણ છે. જો કે, શહેરોમાં સોનાના ભાવમાં થોડો ફેરફાર થઈ શકે છે.

સોના અને ચાંદીના વાયદાના ભાવમાં વધારો

9 ઓક્ટોબરની સવારે, મલ્ટિ કોમોડિટી એક્સચેન્જ (MCX) પર સોનાના વાયદા 0.72 ટકા વધીને 1,50,990 રૂપિયા પ્રતિ 10 ગ્રામ થયા. ચાંદીના વાયદા 1.22 ટકા વધીને 2,24,180 રૂપિયા પ્રતિ કિલોગ્રામ પર ટ્રેડ થઈ રહ્યા હતા.

આંતરરાષ્ટ્રીય બજારમાં પણ સોનાના ભાવ મજબૂત થયા. સ્પોટ ગોલ્ડ 0.9 ટકા વધીને 4,169.32 ડોલર પ્રતિ ઔંસ થયું. બુધવારે શરૂઆતમાં, સોનું બે મહિનાના નીચલા સ્તરે પહોંચી ગયું હતું. યુએસ સોનાના વાયદામાં પણ 0.9 ટકાનો વધારો થયો હતો.

ઘરેણાં ખરીદતા પહેલા આ બાબતો ધ્યાનમાં રાખો

સોના ખરીદતી વખતે તેની શુદ્ધતા તપાસવાની ખાતરી કરો. 24 કેરેટ સોનું સૌથી શુદ્ધ માનવામાં આવે છે, જ્યારે 22કેરેટ સોનાનો ઉપયોગ સામાન્ય રીતે ઘરેણા બનાવવા માટે કરવામાં આવે છે, કારણ કે 22 કેરેટ સોનામાં બીજુ ધાતુઓ એડ કરવામાં આવે છે અને તેના કારણે તે મજબૂત બને છે.  

ઉપરોક્ત કિંમતો ઉપલબ્ધ બજાર ડેટા પર આધારિત છે. ઝવેરીના અંતિમ ભાવમાં મેકિંગ ચાર્જ, GST અને અન્ય લાગુ ફી ઉમેરી શકાય છે. તેથી, ખરીદી કરતા પહેલા કૃપા કરીને તમારા લોકલ જ્વેલર્સ સાથે ભાવ ચેક કરો.