ઓક્ટોબરમાં આગામી 15માંથી 10 દિવસ બંધ રહેશે બેંકો, ફટાફટ ચેક કરી લો RBIની રજાઓની યાદી
October Bank Holiday : ઓક્ટોબર મહિનામાં હવે માત્ર 15 દિવસ બાકી છે અને તેમાંથી 10 દિવસ બેંકો બંધ રહેશે. તેથી બેંક શાખાની મુલાકાત લેતા પહેલા RBIની રજાઓની યાદી તપાસી લેવી હિતાવહ રહેશે.
October Bank Holiday : ઓક્ટોબર મહિનામાં હવે માત્ર 15 દિવસ બાકી છે. જો તમે આ સમયગાળા દરમિયાન કોઈ કામ માટે બેંકમાં જવાનું વિચારી રહ્યા હોવ, તો આ માહિતી તમારા માટે છે. ઓક્ટોબરના બીજા પખવાડિયા દરમિયાન બેંકો 10 દિવસ બંધ રહેશે.
રિઝર્વ બેંક ઓફ ઈન્ડિયા (RBI)ની રજાઓની યાદી મુજબ, 15 ઓક્ટોબરથી 30 ઓક્ટોબર, 2026 દરમિયાન દેશના વિવિધ ભાગોમાં બેંકો અલગ-અલગ 10 દિવસ બંધ રહેશે. આનું કારણ એ છે કે આ સમયગાળા દરમિયાન દુર્ગા પૂજા, દશેરા, લક્ષ્મી પૂજા અને કરવા ચોથ જેવા અનેક તહેવારો આવે છે.
અમેરિકાથી આવ્યા એક સમાચાર અને ચાંદી ધડામ! સોનાના ભાવમાં પણ મોટો ઘટાડો
15થી 30 ઓક્ટોબર વચ્ચેની બેંક રજાઓ:
17 ઓક્ટોબર (શનિવાર) – મહા સપ્તમીના અવસરે અગરતલામાં બેંકો બંધ રહેશે. આ મહિનાનો ત્રીજો શનિવાર હોવાથી, દેશના બાકીના ભાગોમાં બેંકો ખુલ્લી રહેશે.
18 ઓક્ટોબર (રવિવાર) – સાપ્તાહિક રજા હોવાને કારણે સમગ્ર દેશમાં બેંકો બંધ રહેશે.
19 ઓક્ટોબર (સોમવાર) – મહાનવમી / આયુધ પૂજાના અવસરે અગરતલા, આઈઝોલ, ભુવનેશ્વર, ચેન્નાઈ, ગુવાહાટી, ઈમ્ફાલ, ઈટાનગર, કોહિમા, કોલકાતા, પટના, રાંચી અને શિલોંગમાં બેંકો બંધ રહેશે.
20 ઓક્ટોબર (મંગળવાર) – વિજયા દશમી / દશેરાના અવસરે ગંગટોક અને ઈમ્ફાલ સિવાય દેશના મોટાભાગના વિસ્તારોમાં બેંકો બંધ રહેશે.
21 ઓક્ટોબર (બુધવાર) – વિજયા દશમીના અવસરે અગરતલા, બેંગલુરુ, ગંગટોક, ગુવાહાટી, કોચી, કોલકાતા અને તિરુવનંતપુરમમાં બેંકો બંધ રહેશે.
22 અને 23 ઓક્ટોબર (ગુરુવાર અને શુક્રવાર) – દુર્ગા પૂજા નિમિત્તે માત્ર ગંગટોક (સિક્કિમ)માં બેંકો બંધ રહેશે.
24 ઓક્ટોબર (શનિવાર) – મહિનાનો ચોથો શનિવાર હોવાથી સમગ્ર દેશમાં બેંકો બંધ રહેશે.
25 ઓક્ટોબર (રવિવાર) – આ રવિવારની રજા છે. આ ઉપરાંત, ઓડિશા અને પશ્ચિમ બંગાળમાં લક્ષ્મી પૂજા નિમિત્તે વિશેષ રજા રહેશે.
26 ઓક્ટોબર (સોમવાર) – લક્ષ્મી પૂજા, એક્સેસન ડે અને વાલ્મીકિ જયંતિના કારણે અગરતલા, ચંદીગઢ, જમ્મુ, શિમલા અને શ્રીનગરમાં બેંકો બંધ રહેશે.
29 ઓક્ટોબર (ગુરુવાર) – કરવા ચોથની સ્થાનિક રજાને કારણે માત્ર શિમલામાં બેંકો બંધ રહેશે.
રજાના દિવસોમાં ઓનલાઇન બેંકિંગનો ઉપયોગ કરો
બેંકો બંધ હોવાનો અર્થ એ નથી કે તમે આવશ્યક ડિજિટલ બેંકિંગ સેવાઓનો ઉપયોગ કરી શકતા નથી. તમે Paytm, PhonePe અને Google Pay જેવી UPI એપ્સનો ઉપયોગ કરીને નાણાકીય વ્યવહારો કરી શકો છો, બિલ ચૂકવી શકો છો, રિચાર્જ કરી શકો છો અને ઘણું બધું કરી શકો છો. રોકડ ઉપાડવા માટે તમે ATMનો પણ ઉપયોગ કરી શકો છો. આ ઉપરાંત, બેંકિંગ એપ્સ દ્વારા તમે તમારા ખાતાનું બેલેન્સ તપાસી શકો છો, ફંડ ટ્રાન્સફર કરી શકો છો અને અન્ય વિવિધ સેવાઓનો લાભ લઈ શકો છો.
