હવે અજાણ્યા નંબરથી છેતરાવાનું બંધ: 1 નવેમ્બરથી મોટો ફેરફાર: મોબાઈલ સ્ક્રીન પર દેખાશે કોલરનું નામ!
1 નવેમ્બરથી કોલિંગ નેમ પ્રેઝન્ટેશન (CNAP) સેવા ફરજીયાત લાગૂ થશે. તેનાથી કોલ કરનારના નંબરની સાથે ટેલીકોમ રેકોર્ડમાં નોંધાયેલું નામ દેખાશે. તેનાથી સ્પેમ કોલને ઓળખવામાં મદદ મળી શકે છે.
મોબાઈલ પર અજાણ્યા નંબરથી આવનાર કોલને લઈને 1 નવેમ્બર 2026થી મોટો ફેરફાર થવાનો છે. દૂરસંચાર વિભાગ (DoT) એ ટેલીકોમ કંપનીઓને કોલિંગ નેમ પ્રેઝન્ટેશન (CNAP) સેવા લાગૂ કરવાનો નિર્દેશ આપ્યો છે. તે હેઠળ ફોન પર આવનાર કોલ દરમિયાન નંબરની સાથે કોલ કરનારનું નામ પણ જોવા મળશે. વિભાગના 13 ઓક્ટોબરના સર્કુલર પ્રમાણે આ સુવિધા તમામ સર્વિસ એરિયામાં લાગૂ કરવાની છે.
CNAP સેવા હેઠળ કોલ રિવીસ કરનારના મોબાઈલ પર બે જાણકારીઓ જોવા મળશે- પ્રથમ કોલ કરનારનો મોબાઈલ નંબર અને બીજી તેની ઓળખ સાથે જોડાયેલું નામ. જો કોલ કરનારનો નંબર પહેલાથી ફોનના કોન્ટેક્ટ લિસ્ટમાં સેવ છે, તો તે લિસ્ટમાં નોંધાયેલું નામ દેખાશે. નંબર સેવ નહીં હોવા પર ઘરેલું કોલ માટે ટેલીકોમ ઓપરેટરના સબ્સક્રાઇબર રેકોર્ડમાં નોંધાયેલું નામ જોવા મળશે. આંતરરાષ્ટ્રીય કોલના મામલામાં અજાણ્યા નંબરની સાથે ‘International Call’ લખેલું જોવા મળશે.
અલગથી કોઈ સેવા લેવાની નથી
દૂરસંચાર વિભાગના નિર્દેશ અનુસાર ટેલીકોમ કંપનીઓએ આ સુવિધા ગ્રાહકોને કોઈ અલગ વિનંતી વગર ઉપલબ્ધ કરાવવી પડશે એટલે કે ગ્રાહકે અલગથી સેવા લેવા કે તેને એક્ટિવેટ કરાવવાની જરૂર પડશે નહીં. પરંતુ શરૂઆતી નિર્દેશોમાં 4જી અને તેની નવી તકનીકવાળા વાયરલેસ નેટવર્ક પર સેવા લાગૂ કરવાની વાત કહેવામાં આવી ગઈ છે. 2G, 3G અને લેન્ડલાઈન નેટવર્ક માટે તેને લાગૂ કરવા પર અલગથી વિચાર કરવામાં આવશે.
આ પણ વાંચોઃ ફેસ્ટિવ સિઝનમાં ટોયોટાનો ધમાકો: માત્ર 6.99 લાખમાં લોન્ચ થઈ નવી કાર, જાણો ફીચર્સ
સ્પેમ અને નકલી કોલને ઓળખવામાં મળશે મદદ?
CNAP નો ઉદ્દેશ્ય અજાણ્યા કોલ કરનારની ઓળખ સામે લાવવા અને લોકોને કોલ રિસીવ કરતાં પહેલા નિર્ણય લેવામાં મદદ કરવાનો છે. તેનાથી સ્પેમ અને છેતરપિંડીના કોલની ઓળખ કરવામાં સહાયતા મળી શકે છે. પરંતુ માત્ર નામ દેખાવાથી દરેક નકલી કોલની ઓળખ થશે નહીં.
ક્યા મામલામાં નામ જોવા મળશે નહીં?
જે ગ્રાહકોએ નિર્ધારિત નિયમો હેઠળ કોલિંગ લાઇન આઇડેન્ટિફિકેશન રિસ્ટ્રિક્શન (CLIR) સુવિધા લીધી છે, તેનું કોલિંગ નેમ જાહેર કરવામાં આવશે નહીં. તો કારોબાર કે બલ્ક કનેક્શન રાખનારી કંપનીઓ અને સંસ્થાઓને ખાતરી બાદ પોતાના રજીસ્ટર્ડ ટ્રેડમાર્ક કે GST પોર્ટલ પર નોંધાયેલા વ્યાવસાયિક નામને પ્રદર્શિત કરાવવાની સુવિધા આપવામાં આવી શકે છે. આ વ્યવસ્થાને લાગૂ કરવાની જવાબદારી ટેલીકોમ કંપનીઓની હશે. તેણે ખોટું નામ પ્રદર્શિત કરવા સાથે જોડાયેલી ફરિયાદ નોંધાવા અને તેનો ઉકેલ લાવવાની વ્યવસ્થા પણ કરવી પડશે.
