યુવરાજ સિંહની IPLમાં વાપસી, સિક્સર કિંગની એન્ટ્રીથી આ ટીમની બદલાશે કિસ્મત

Yuvraj Singh : ભારતના ભૂતપૂર્વ વિસ્ફોટક ઓલરાઉન્ડર યુવરાજ સિંહે તેની કોચિંગ કારકિર્દીના એક નવા અધ્યાયની શરૂઆત કરી છે. આગામી IPL સીઝન માટે તેની દિલ્હી કેપિટલ્સના સહાયક અને બેટિંગ કોચ તરીકે નિમણૂક કરવામાં આવી છે. આ નિમણૂક સાથે તે સૌરવ ગાંગુલી સાથે ફરી એકવાર મેદાન પર જોવા મળશે. યુવરાજ સિંહ અગાઉ ખેલાડી તરીકે દિલ્હીની ટીમનો ભાગ રહી ચૂક્યો છે, પરંતુ આ વખતે તે એક નવી ભૂમિકામાં ટીમ સાથે જોડાઈ રહ્યો છે.

એક સમયે દિલ્હીએ યુવરાજ પર ₹16 કરોડનો દાવ લગાવ્યો હતો

ભારતના 2007ની T20 વર્લ્ડ કપ અને 2011ની વન-ડે વર્લ્ડ કપમાં જીતના હીરો રહેલો યુવરાજ સિંહ આ ફ્રેન્ચાઇઝી સાથે પોતાની IPL કોચિંગ કારકિર્દી શરૂ કરી રહ્યો છે. દિલ્હી ફ્રેન્ચાઇઝી સાથે તેનો લાંબો નાતો રહ્યો છે.

પૃથ્વી શો અને આકૃતિ અગ્રવાલ ફરી એક થયા, જાણો કેમ તૂટી હતી સગાઈ

વર્ષ 2015માં દિલ્હી કેપિટલ્સે જે તે સમયે દિલ્હી ડેયરડેવિલ્સ તરીકે ઓળખાતી હતી યુવરાજ સિંહને ₹16 કરોડની રેકોર્ડ રકમમાં ખરીદ્યા હતો. આ કિંમત સાથે યુવરાજ સિંહ તે સમયે IPLના ઇતિહાસમાં સૌથી મોંઘો ખેલાડી બન્યો હતો.

યુવરાજ સિંહે કોચ બનવા પર શું કહ્યું?

આ નવી ભૂમિકા અંગે ખુશી વ્યક્ત કરતા યુવરાજે કહ્યું કે, હું દિલ્હી કેપિટલ્સ સાથે મારા જીવનનો નવો અધ્યાય શરૂ કરવા માટે અત્યંત ઉત્સાહિત છું. આ ફ્રેન્ચાઇઝી સાથે મારો લાંબા સમયથી સંબંધ છે અને હું તેના માલિકોને સારી રીતે ઓળખું છું, જેના કારણે આ મારા માટે એક વિશેષ તક છે. તેણે વધુમાં જણાવ્યું હતું કે તે દાદા સાથે કામ કરવા માટે પણ ખૂબ આતુર છે, જે આ વખતે કોચ તરીકે ટીમ સાથે જોડાયેલા છે.

યુવા ખેલાડીઓને તૈયાર કરવાનો અનુભવ

જોકે કોઈ ફ્રેન્ચાઇઝી સાથે કોચિંગમાં યુવરાજની આ પ્રથમ ભૂમિકા છે, તેમ છતાં તે લાંબા સમયથી અભિષેક શર્મા અને શુભમન ગિલ જેવા અનેક યુવા અને ઉભરતા ભારતીય બેટ્સમેનોને માર્ગદર્શન આપી રહ્યો છે. ખાસ કરીને અભિષેક શર્મા સાથેના તેના તાલમેલે વિશેષ ધ્યાન ખેંચ્યું છે. શર્માએ પોતાની આક્રમક બેટિંગ સ્ટાઈલ દ્વારા T20 ફોર્મેટમાં પોતાની એક અલગ ઓળખ બનાવી છે.