કોણ છે નમન ધીર, જેણે ભારત માટે કર્યું ડેબ્યૂ? 64 બોલમાં 173 રન ફટકાર્યા બાદ ટીમ ઈન્ડિયામાં મળ્યું સ્થાન

Who is Naman Dhir : ભારત અને વેસ્ટ ઈન્ડિઝ વચ્ચેની પ્રથમ વનડે મેચ માટે નમન ધીરનો પ્લેઈંગ ઈલેવનમાં સમાવેશ કરવામાં આવ્યો છે. આ ભારતીય ટીમ માટે તેનું ડેબ્યૂ છે. કેપ્ટન શુભમન ગિલે તેને ભારતીય ટીમની કેપ અર્પણ કરી હતી. ત્યારે નમન ધીર કોણ છે, તેના વિશે આ લેખમાં જાણીશું.

નમન ધીરે અગાઉ IPLમાં પોતાની વિસ્ફોટક બેટિંગ અને શાનદાર ફિલ્ડિંગથી સૌનું ધ્યાન ખેંચ્યું હતું. જોકે, શેર એ પંજાબ લીગમાં શાનદાર પ્રદર્શન બાદ તેને ભારતીય ટીમમાં સ્થાન મળ્યું છે, જ્યાં તેણે માત્ર 64 બોલમાં 173 રન ફટકાર્યા હતા. પંજાબ માટે રમતા નમન ધીરે 20 ફર્સ્ટ ક્લાસ મેચોમાં 669 રન બનાવ્યા છે અને 17 વિકેટ ઝડપી છે. તેણે 14 લિસ્ટ-A મેચો પણ રમી છે, જેમાં 351 રન બનાવ્યા છે અને 7 વિકેટ લીધી છે.

કોણ છે નમન ધીર ?

નમન ધીરનો જન્મ 31 ડિસેમ્બર 1999ના રોજ હરિયાણાના અંબાલામાં થયો હતો. તે એક ઓલરાઉન્ડર છે, બેટિંગ અને ઓફ-બ્રેક સ્પિન બોલિંગ પણ કરે છે. તે મિડલ ઓર્ડરમાં બેટિંગ કરે છે. નમન સ્થાનિક ક્રિકેટમાં પંજાબ માટે અને IPLમાં મુંબઈ ઈન્ડિયન્સ માટે રમે છે. તેણે 2022માં પંજાબ માટે ફર્સ્ટ-ક્લાસ ક્રિકેટમાં પદાર્પણ કર્યું હતું અને સ્થાનિક ક્રિકેટમાં તેનો રેકોર્ડ ઘણો પ્રભાવશાળી રહ્યો છે.

નમન ધીર IPL અને સ્થાનિક T20 લીગ દ્વારા ચર્ચામાં આવ્યો હતો. IPL 2024માં તેણે મુંબઈ ઈન્ડિયન્સ માટે 28 બોલમાં 62 રનની ઇનિંગ રમી હતી. ત્યારબાદ તેને ઈન્ડિયા A માટે રમવાની તક મળી અને તેણે સારું પ્રદર્શન કર્યું. તાજેતરમાં તેણે શેર એ પંજાબ T20 લીગમાં બેટિંગમાં અદભુત પ્રદર્શન કર્યું હતું. આ પ્રદર્શનના આધારે જ તેને પ્રથમ વખત ભારતીય ટીમમાં સ્થાન મળ્યું છે.

Nothing tops this feeling 🤌💙

📸 Naman Dhir receives his maiden ODI cap from skipper Shubman Gill 🧢

Drop a 💙 in the replies to wish him the very best on his international debut 👇🇮🇳#TeamIndia | #INDvWI pic.twitter.com/qgCRZN7ujo

— BCCI (@BCCI) September 27, 2026

64 બોલમાં 173 રનની શાનદાર ઇનિંગ

અમૃતસર સોર્માસ માટે રમતા ધીરે 10 મેચોમાં 217.6ના સ્ટ્રાઈક રેટ સાથે 655 રન બનાવ્યા હતા. ટુર્નામેન્ટ દરમિયાન તેણે બે સદી અને ત્રણ અડધી સદી ફટકારી હતી, જેમાં મોહાલી કિંગ્સ સામે 64 બોલમાં 173 રનની કારકિર્દીની શ્રેષ્ઠ ઇનિંગનો પણ સમાવેશ થાય છે. તેણે બોલિંગમાં 7 વિકેટ પણ ઝડપી હતી. કાયમી કેપ્ટન અભિષેક શર્મા નેશનલ ટીમમાં ગયા બાદ નમન ધીરે કેપ્ટનશીપ સંભાળી હતી અને પોતાની ટીમને ચેમ્પિયન બનાવી હતી.