દિલ્હીમાં નહીં રમાય ભારત-શ્રીલંકા વચ્ચેની વનડે મેચ, જાણો અચાનક કેમ બદલાયું વેન્યૂ

India vs Sri Lanka : ભારત અને શ્રીલંકા વચ્ચેની પ્રથમ વનડે મેચ, જે 13 ડિસેમ્બરે દિલ્હીમાં યોજાવાની હતી, તે હવે દિલ્હીને બદલે વિશાખાપટ્ટનમના ACA-VDCA ક્રિકેટ સ્ટેડિયમમાં રમાશે, આ અંગે BCCIએ જાહેરાત કરી છે. આ ફેરફાર દિલ્હી એન્ડ ડિસ્ટ્રિક્ટ ક્રિકેટ એસોસિએશન (DDCA)ની વિનંતી પર કરવામાં આવ્યો છે, આ નિર્ણય હવામાન અને સ્ટેડિયમમાં ચાલી રહેલા રિનોવેશનના કારણે લેવામાં આવ્યો છે.

સૂર્યકુમાર યાદવનું ફરી ચમક્યું નસીબ! T20માં મળી કેપ્ટનશિપ, હવે બે ટ્રોફી પર નજર

BCCIએ ભારત અને શ્રીલંકા વચ્ચેની વનડે શ્રેણી અંગે એક મહત્વપૂર્ણ અપડેટ આપી છે. શ્રેણીની પ્રથમ મેચ 13 ડિસેમ્બરે યોજાવાની છે. શરૂઆતમાં આ મેચ દિલ્હીમાં યોજાવાની હતી, પરંતુ હવે તેનું સ્થળ બદલીને વિશાખાપટ્ટનમ કરવામાં આવ્યું છે. બંને ટીમો વચ્ચેની આ શ્રેણીની પ્રથમ વનડે મેચ હશે.

રોનાલ્ડોએ અચાનક લીધી નિવૃત્તિ, હવે પોર્ટુગલ માટે નહીં રમે, 23 વર્ષ લાંબી કારકિર્દીનો આવ્યો અંત

અચાનક કેમ બદલાયું વેન્યૂ?

આ ફેરફાર પાછળનું કારણ પણ સ્પષ્ટ કરવામાં આવ્યું છે. દિલ્હી એન્ડ ડિસ્ટ્રિક્ટ ક્રિકેટ એસોસિએશન (DDCA)એ હવામાનને કારણે આવી શકતી વિક્ષેપોની શક્યતાને ધ્યાનમાં રાખીને સ્થળ બદલવાની વિનંતી કરી હતી.

આ ઉપરાંત સ્ટેડિયમમાં નવીનીકરણનું કામ પણ ચાલુ છે. એવી પણ અટકળો છે કે પ્રદૂષણ પણ એક કારણ હોઈ શકે છે, જોકે BCCIના સત્તાવાર નિવેદનમાં માત્ર હવામાન સંબંધિત ચિંતાઓ અને સ્ટેડિયમના નવીનીકરણના કામનો જ ઉલ્લેખ છે. પરિણામે, દિલ્હીનું સ્ટેડિયમ હવે આ મેચનું યજમાન નહીં હોય.

તારીખમાં કોઈ ફેરફાર કરાયો નથી

હવે નવી મેચનું સ્થળ વિશાખાપટ્ટનમનું ACA-VDCA ક્રિકેટ સ્ટેડિયમ છે, જ્યાં ભારત અને શ્રીલંકા વચ્ચેની પ્રથમ વનડે રમાશે. તારીખમાં કોઈ ફેરફાર કરવામાં આવ્યો નથી. મેચ 13 ડિસેમ્બર, 2026ના રોજ જ યોજાશે. BCCIએ 5 નવેમ્બરે સોશિયલ મીડિયા પ્લેટફોર્મ X પર આ માહિતી શેર કરી અને પુષ્ટિ કરી કે DDCAની વિનંતીને પગલે આ ફેરફાર કરવામાં આવ્યો છે.