'પૈસા આજે છે, કાલે નહીં હોય'...સુરતના વેપારીએ દિવાળી પર કર્મચારીઓને દિલ ખોલીને આપ્યું બોનસ, સ્ટાફ રડી પડ્યો

કર્મચારીઓને એક લાખથી વધુનું બોનસ આપ્યું

મળતી માહિતી મુજબ સુરતના મોટા વરાછાના કાપડના વેપારી રામસ્વરૂપ મુંડેએ કર્મચારીઓને ₹10થી ₹500ની નોટોના બંડલથી પૂજાની થાળીઓ સજાવી કર્મચારીઓને સોંપી. દરેક કર્મચારીને થાળી સાથે રોકડ રકમ આપીને દિવાળીની ખુશીઓ બમણી કરી.

'આ બધુ કાગળના ટુકડાં છે'

વેપારી રામસ્વરૂપ મુંડેએ કર્મચારીઓને કહ્યું કે તમે મારું કેટલું ધ્યાન રાખો છો. તમારો પ્રેમ એટલો છે કે આ બધુ કાગળના ટુકડાં છે. હું બધાના માટે કામ કરું છું. પૈસાનો શોખ પણ નથી. તમારી મહેનત છે. જોબ બધા મજબૂરીમાં કરે છે. શોખની નથી કરતા.

કર્મચારીઓ મારો પરિવાર

વેપારીએ કહ્યું કે, ‘કર્મચારીઓ માત્ર સ્ટાફ નહીં, મારો પરિવાર છે’. કર્મચારીઓ અને તેમના પરિવારજનો દિવાળી ધામધૂમથી ઉજવી શકે તે હેતુથી બોનસ આપ્યું.

ધનતેરસની શુભેચ્છા પાઠવી આપ્યું તોતિંગ બોનસ

ધનતેરસની શુભેચ્છા પાઠવતા વેપારીએ કહ્યું કે એવું નથી કે મારી પાસે પોટલા ભરેલા પડ્યા છે. હું એવું વિચારું છે કે મારા ઘરમાં જે ખુશી હોય તે ખુશી તમને બધાને આપું. પૈસા આજે છે કાલે નહીં હોય. મે એ બધુ કામ કર્યું છે. મારા ઘરમાં ખાવા માટે એક ટાઈમનો લોટ રહેતો એક ટાઈમનો નહતો. તમે બધા મહેનત કરો છો, હું કોશિશ કરું છું કે મહેનતનું વધુ નહીં પરંતુ થોડું મળે.

વાયરલ થયો વીડિયો

નોટોની થાળી સાથે બોનસ આપવાનો વીડિયો સોશિયલ મીડિયા પર વાઇરલ, વેપારીની ઉદારતાના વખાણ થઈ રહ્યા છે.