છેલ્લા બે નોરતા બગાડશે વરસાદ? અંબાલાલ પટેલે કરી આગાહી, વાવાઝોડાનો પણ ખતરો!

અંબાલાલ પટેલની આગાહી

હવામાન નિષ્ણાંત અંબાલાલ પટેલે જણાવ્યું કે 18 ઓક્ટોબરથી 20 ઓક્ટોબર દરમિયાન સૌરાષ્ટ્રના દરિયાકાંઠાના વિસ્તારમાં હળવા વરસાદ પડી શકે છે. એટલે કે નવરાત્રિના છેલ્લા બે દિવસ કેટલીક જગ્યાએ વરસાદની સંભાવના છે.

રાજ્યમાં વાદળછાયું વાતાવરણ

હવામાન નિષ્ણાંત અંબાલાલ પટેલે જણાવ્યું કે રાજ્યમાં 23 ઓગસ્ટ સુધી વાદળછાયું વાતાવરણ રહી શકે છે.

વાવાઝોડાની સંભાવના

અંબાલાલ પટેલે કહ્યુ કે આ મહિનાના અંતમાં અરબી સમુદ્ર અને બંગાળની ખાડીમાં વાવાઝોડું બનવાની શક્યતા છે. અરબી સમુદ્રમાં બનતી સિસ્ટમ સામાન્ય રીતે ઓમાન તરફ જતી હોય છે, પરંતુ આ સિસ્ટમ ગુજરાત આવવાની સંભાવના નકારી શકાય નહીં.

વાતાવરણમાં આવશે પલટો

અંબાલાલે કહ્યુ કે 28 ઓક્ટોબરથી 5 નવેમ્બર સુધી દરિયાકાંઠાના વિસ્તારોમાં પવન ફૂંકાશે. જ્યારે 7થી 9 નવેમ્બર દરમિયાન વાતાવરણમાં પલટો આવી શકે છે.

અંબાલાલની આગાહી

ગુજરાતના હવામાન નિષ્ણાંતે કહ્યુ કે ઓક્ટોબરના અંત અને નવેમ્બરની શરૂઆતમાં વેસ્ટર્ન ડિસ્ટર્બન્સ આવવાને કારણે અમુક વિસ્તારોમાં હળવાથી મધ્યમ વરસાદ પડી શકે છે. આ સિવાય 18 નવેમ્બરથી ડિસેમ્બર વચ્ચે બંગાળની ખાડીમાં મજબૂત ચક્રવાત બની શકે છે.