તબાહી મચાવવા તૈયાર છે ખૂંખાર વાવાઝોડું 'અર્નબ', દેશના 4 રાજ્યોમાં મોટો ખતરો, શું ગુજરાતમાં વરસાદ પડશે?

પવનની ગતિ અત્યંત જોખમી સ્તરે પહોંચી જશે

જ્યારે આ ચક્રવાત દરિયા કિનારે પહોચશે ત્યારે પવનની ગતિ અત્યંત જોખમી સ્તરે પહોંચી જશે. IMD મુજબ વાવાઝોડાના લેન્ડફોલ વખતે પવનની ગતિ 115 થી 125 કિલોમીટર પ્રતિ કલાક રહેશે, જે વધીને 140 કિલોમીટર પ્રતિ કલાક સુધી પણ પહોંચી શકે છે.

કાચા મકાનોને વ્યાપક નુકસાન થઈ શકે

આટલી તીવ્ર ઝડપના પવનો ભારે તબાહી લાવવાની ક્ષમતા ધરાવે છે. જો આ વાવાઝોડું પૂરતી તીવ્રતા ધારણ કરે, તો વીજળીની લાઈનો અને થાંભલાઓ પડી શકે છે, મોટા વૃક્ષો ઉખડી શકે છે અને કાચા મકાનોને વ્યાપક નુકસાન થઈ શકે છે.

6 લાખ લોકોને સલામત સ્થળે ખસેડવાની તૈયારી સાથે ઓડિશામાં એલર્ટ

આફતના જોખમને ધ્યાનમાં રાખીને સરકારી તંત્ર સજ્જ બન્યું છે. આંધ્ર પ્રદેશના સંવેદનશીલ વિસ્તારોમાંથી આશરે 6 લાખ લોકોને સલામત સ્થળોએ ખસેડવાની વ્યાપક તૈયારીઓ કરવામાં આવી છે. અનેક દરિયાકાંઠાના જિલ્લાઓમાં ભારે વરસાદનું રેડ એલર્ટ જાહેર કરાયું છે.

28 અને 29 ઓક્ટોબરે સ્કૂલો અને કોલેજો બંધ

આ વાવાઝોડાની સૌથી વધુ અસર આંધ્રની નજીક આવેલા ઓડિશા પર પણ થશે. રાજ્યમાં બચાવ અને રાહત કામગીરી માટે ODRAF (ઓડિશા ડિઝાસ્ટર રેપિડ એક્શન ફોર્સ) ની 60 ટીમો તૈનાત કરવામાં આવી છે. સાવચેતીના ભાગરૂપે 6 જિલ્લાઓમાં 28 અને 29 ઓક્ટોબરે સ્કૂલો અને કોલેજો બંધ રાખવાનો આદેશ આપવામાં આવ્યો છે.

માછીમારો માટે ચેતવણી જાહેર, ચાર રાજ્યોમાં અપાયું એલર્ટ

સંભવિત ખતરાને જોતા માછીમારોને 29 ઓક્ટોબર સુધી દરિયામાં ન જવાની કડક સલાહ આપવામાં આવી છે. જો દરિયામાં રહેલી બોટો પલટી જાય તો જીવનું મોટું જોખમ સર્જાઈ શકે છે. IMDની ચેતવણી અનુસાર, ઓડિશા, આંધ્રપ્રદેશ, તમિલનાડુ અને પુડુચેરીના દરિયાકાંઠાના રહેવાસીઓએ આગામી ચાર દિવસ સુધી અત્યંત સતર્ક રહેવું પડશે, કારણ કે જરાય બેદરકારી મોટું નુકસાન કરી શકે છે.