ખેલૈયાઓ થઈ જાવ તૈયાર... નવરાત્રિમાં નહીં નડે વરસાદ! અંબાલાલ પટેલની મોટી આગાહી

Ambalal Patel Prediction: નવરાત્રિ આડે હવે ગણતરીના કલાકો જ બાકી રહ્યા છે, ત્યારે ખેલૈયાઓ માટે આનંદના સમાચાર સામે આવ્યા છે. હવામાન નિષ્ણાંત અંબાલાલ પટેલે વરસાદને લઈને મોટી આગાહી કરી છે. તેમના જણાવ્યા અનુસાર, રાજ્યના મોટાભાગના વિસ્તારોમાં નવરાત્રિ દરમિયાન વરસાદની શક્યતા નહિવત છે.

હવામાન નિષ્ણાંત અંબાલાલ પટેલે આગામી દિવસોમાં હવામાન કેવું રહેશે તેને લઈને આગાહી કરી છે. તેમના જણાવ્યા અનુસાર, હજુ પણ આગામી દિવસોમાં ગરમી યથાવત્ રહેશે. મધ્ય ગુજરાતમાં 38થી 39 ડિગ્રી સુધી તાપમાન જઈ શકે છે.