Gujarat Breaking News Live: ગુજરાત સહિત દેશ-વિદેશના બ્રેકિંગ ન્યૂઝ અને લેટેસ્ટ અપડેટ તમને અહીં મળશે. તમામ સમાચારો માટે ઝી 24 કલાક સાથે જોડાયેલા રહો.
કેન્દ્રીય ગૃહમંત્રી અમિત શાહ આજે માણસાની મુલાકાતે છે. અમિત શાહની સાથે ICC ચેરમેન જય શાહ પણ માણસા પહોંચ્યા છે. નવરાત્રિ પર્વ નિમિતે અમિત શાહ કુળદેવી બહુચર માતાજીની આરતી કરશે. દર વર્ષે નવરાત્રિમાં પરિવાર સાથે અમિત શાહ કુળદેવીના દર્શને આવે છે.
દિલ્હીના કનોટ પ્લેસમાં પ્રદર્શનકારીઓને હટાવવા માટે પોલીસની કાર્યવાહી ચાલી રહી છે. સ્થળ પર પહોંચેલા ડીસીપીએ પ્રદર્શનકારીઓને ત્યાંથી હટી જવાનું કહ્યું છે.
AISA અધ્યક્ષ નેહા બોરા અને સીજેપી ફાઉન્ડર અભિજીત દીપકેની અટકાયત કર્યા બાદ સીજેપી, આપ અને લેફ્ટ પાર્ટીઓના ઘણા સમર્થક કનોટ પ્લેસની પાસે સેન્ટ્રલ પાર્ક તરફથી હાથમાં તિરંગા લઈ આગળ વધી રહ્યાં છે. દિલ્હી પોલીસે ઘણા લોકોની અટકાયત કરી બસમાં ભર્યાં છે.
દિલ્હી આપ અધ્યક્ષ સૌરભ ભારદ્વાજે કહ્યુ કે, એક તિરંગા યાત્રાનું આહ્વાન કરવામાં આવ્યું છે અને અમે તૈયાર છીએ, અમારી પાસે મોટી સંખ્યામાં તિરંગા છે. આજે અમે મધ્ય દિલ્હીના અલગ-અલગ વિસ્તારમાં રાષ્ટ્રીય ધ્વજ ફરકાવીશું.
AISA અધ્યક્ષ નોહા બોરાની પણ દિલ્હી પોલીસે અટકાયત કરી છે. તેની મંડી હાઉસ પાસેથી અટકાયત કરવામાં આવી છે. નેહાએ વીડિયો જારી કરી મંડી હાઉસ આવી લોકોને માર્ચમાં સામેલ થવાનું આહ્વાન કર્યું હતું. કસ્ટડીમાં લેવા પર નેહાએ કહ્યું કે, આ હિન્દુસ્તાનને બચાવવાની લડાઈ છે, તિહાડ મોકલી દો. આ પહેલા પોલીસે દીપકેની અટકાયત કરી છે.
