Gujarat News Live: સાઉદી અરબમાં હૂતી વિદ્રોહીઓના હુમલામાં ભારતીયનું મોત, અમિત શાહના રાહુલ ગાંધી પર આકરા પ્રહાર, ડ્રગ્સના દૂષણ સામે સ્ટ્રાઈક

મહીસાગર જિલ્લામાં ચર્ચાસ્પદ બનેલા 'નલ સે જલ' યોજનાના કૌભાંડમાં કાયદાનો ગાળો વધુ કસ્સાઈ રહ્યો છે, જેમાં વધુ એક આરોપી તરીકે લુણાવાડા APMCના પૂર્વ ચેરમેન અને કોઠંબાના સરપંચ ગોવિંદભાઈ પટેલની ધરપકડ કરવામાં આવી છે. તપાસમાં ખુલાસો થયો છે કે ગોવિંદભાઈ પટેલે કોઠંબા પાણી સમિતિના બેંક ખાતામાંથી પોતાના અંગત ખાતામાં 14 લાખ રૂપિયા ટ્રાન્સફર કરી લીધા હતા. આ બહુચર્ચિત કૌભાંડમાં અત્યાર સુધી કુલ 72 આરોપીઓની ધરપકડ કરવામાં આવી ચૂકી છે, જેના કારણે એક પછી એક સંડોવાયેલા સરપંચો અને કોન્ટ્રાક્ટરોમાં મોટો ફફડાટ ફેલાઈ ગયો છે.
 

સુરતના સચીન GIDC વિસ્તારમાં 21 ઓક્ટોબર, 2026ના રોજ માત્ર 8 વર્ષની નાનકડી બાળકી સાથે દુષ્કર્મની દર્દનાક ઘટના બનતાં સમગ્ર વિસ્તારમાં ભારે ચકચાર મચી ગઈ છે. માસુમ બાળકી ઘરની નજીક આવેલી ઝાડીમાંથી શૌચક્રિયા કરીને પરત ફરી રહી હતી ત્યારે રસ્તામાં જ તેને રોકીને જબરદસ્તી અવાવરુ જગ્યાએ લઈ જઈ માર મારીને દુષ્કર્મ આચરવામાં આવ્યું હતું. ઘટનાની ગંભીરતા જોઈને સચીન GIDC પોલીસે ત્વરિત તપાસ હાથ ધરી ગણતરીના કલાકોમાં જ આરોપી સર્વેશ રામલખન નિશાદને ઝડપી પાડ્યો હતો. મૂળ ઉત્તરપ્રદેશનો રહેવાસી અને સચીન GIDCમાં રહેતો આ આરોપી, જેની પત્ની અગાઉ અન્ય સાથે ભાગી ગઈ હતી, તેની સામે પોલીસે ગુનો નોંધી વધુ કાયદેસરની તપાસ શરૂ કરી છે.

વડોદરાના સાવલી તાલુકાના લસુન્દ્રા ગામની સીમમાં તળાવ પાસે અજાણ્યા વાહનચાલકો દ્વારા મોટા પ્રમાણમાં કાળું કેમિકલ ખુલ્લેઆમ ઠાલવી દેવામાં આવતા કેમિકલ માફિયાઓ બેફામ બન્યા હોવાનું સામે આવ્યું છે. આ ગંભીર કૃત્યથી સ્થાનિક જમીન અને જળસ્રોતોને ભારે નુકસાન થવાની પૂરેપૂરી આશંકા સેવાઈ રહી છે, જેના કારણે પર્યાવરણની સુરક્ષા સામે પણ ગંભીર સવાલો ઊભા થયા છે. આ ઘટનાની જાણ થતાં જ મંજુસર પોલીસ અને એફ.એસ.એલ. (FSL) ની ટીમ તાત્કાલિક ઘટનાસ્થળે દોડી ગઈ હતી અને આ ઝેરી કેમિકલ ક્યાંથી આવ્યું તથા કોણ ઠાલવી ગયું તે અંગેની સઘન તપાસ શરૂ કરી છે.
 

દિલ્હીના બીકાનેર હાઉસ ખાતે આયોજિત પ્રિયંકા ગાંધીના પુત્ર રેહાન વાડ્રાના ફોટો પ્રદર્શન દરમિયાન મોટો વિવાદ સર્જાયો છે. પ્રદર્શનમાં વિરોધ પ્રદર્શનો દર્શાવતી તસવીરો સામે બીકાનેર હાઉસના સંચાલકોએ વાંધો ઉઠાવ્યો હતો અને આશરે 74 થી 75 જેટલી કલાકૃતિઓ હટાવી લેવાનું કહેવામાં આવ્યું હોવાનો દાવો કરાયો છે. જોકે રેહાન વાડ્રાએ પોતે તસવીરો હટાવવાનો સ્પષ્ટ ઇનકાર કરી દીધો હતો. આ સમગ્ર ઘટના બાદ રાજકારણ ગરમાયું છે; પ્રિયંકા ગાંધીએ સોશિયલ મીડિયા પર પુત્રના સમર્થનમાં પોસ્ટ મૂકીને તેને ટેકો આપ્યો હતો, રોબર્ટ વાડ્રાએ પણ રેહાનની પોસ્ટ શેર કરીને પોતાનું સપોર્ટ વ્યક્ત કર્યું હતું, જ્યારે કોંગ્રેસ નેતા પવન ખેડાએ પણ આ મુદ્દે સરકાર પર આકરા પ્રહારો કર્યા છે.
 

ડાંગ જિલ્લામાં સાંસદ ધવલ પટેલના હસ્તે માર્ગમકાન હસ્તકના વિકાસકાર્યોની ભેટ. વઘઈ અને આહવા તાલુકામાં એક જ દિવસમાં 16 જેટલા વિકાસકાર્યોનું ખાતમુહૂર્ત. અંદાજે રૂ. 24 કરોડ 81 લાખના ખર્ચે વિવિધ વિકાસકાર્યો હાથ ધરાશે. રસ્તાઓ, આંગણવાડીઓ, બ્રિજ અને ગ્રામ પંચાયત ભવનો સહિતનાં કામોને મળશે વેગ. વિકાસકાર્યો માટે મોટી રકમની ફાળવણી બદલ મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષભાઈ સંઘવીનો સાંસદે આભાર વ્યક્ત કર્યો.

શાળા પ્રવેશ સમયે ફોટોગ્રાફી-વિડિયોગ્રાફી મુદ્દે સરકારના પરિપત્ર સામે કોંગ્રેસનો વિરોધ. શિક્ષણની નિષ્ફળતા છુપાવવા સરકારનો પ્રયાસ હોવાનો કોંગ્રેસનો આક્ષેપ. શિક્ષકોની 40 હજાર જેટલી ખાલી જગ્યાઓ ભરવામાં સરકાર નિષ્ફળ હોવાનો દાવો. શાળાઓમાં વર્ગખંડોની અછત અને વિદ્યાર્થીઓની સુરક્ષાના મુદ્દે પણ કામગીરી નથી કરવામાં આવી. ગુજરાતની 14,565 શાળાઓમાં એક કરતાં વધુ ધોરણના વિદ્યાર્થીઓ સાથે અભ્યાસ કરતા હોવાનો કોંગ્રેસનો દાવો. શિક્ષકોને બિનશૈક્ષણિક કામગીરી સોંપવા અને બાળકોને રાજકીય કાર્યક્રમોમાં લઈ જવા સામે સવાલો. શિક્ષણ વ્યવસ્થામાં સુધારા, શિક્ષકોની ભરતી અને વર્ગખંડોની સુવિધા માટે તાત્કાલિક પગલાં ભરવાની કોંગ્રેસની માગણી.
 

એકતાનગરમાં સ્ટેચ્યૂ ઓફ યુનિટી ખાતે પ્રવાસીઓ માટે ₹12 કરોડના ખર્ચે 12 એકર વિસ્તારમાં રેન ફોરેસ્ટ પ્રોજેક્ટ તૈયાર કરવામાં આવ્યો છે. આગામી 31 ઓક્ટોબરે પ્રધાનમંત્રી નરેન્દ્ર મોદીના હસ્તે આ પ્રોજેક્ટ પ્રવાસીઓ માટે ખુલ્લો મૂકવામાં આવે તેવી શક્યતા છે. આ પ્રોજેક્ટમાં રેન ગનના 20 ટાવર દ્વારા વર્ષભર કૃત્રિમ વરસાદનો અનુભવ કરાવી શકાશે. સાથે જ બબલ ફાઉન્ટન, વોટરફોલ અને વિવિધ રાજ્યોનાં વૃક્ષો પ્રવાસીઓ માટે આકર્ષણનું કેન્દ્ર બનશે.

રાજ્યની સૌથી મોટી યુનિવર્સીટી એવી ગુજરાત યુનિવર્સિટી ફરી વિવાદોમાં. યુનિવર્સીટીના M. Sc. વિભાગના વિદ્યાર્થીઓ માટે કેમેસ્ટ્રીની લેબ ન બનતા હોવાને લઇ બળાપો. ગુજરાત યુનિવર્સિટીના સાયન્સ વિભાગના HOD એ બડાપો ઠાલાવ્યો. યુનિવર્સિટીના વૉટ્સએપ્પ ગ્રુપની ચેટ થઇ વાયરલ . ઇન્ચાર્જ વાઇસ ચાન્સલરે પોતાના બંગલાનું રીનોવેશન શરુ કરતા પ્રોફેસર અકડાયા . વિદ્યાર્થીઓ માટેની કેમેસ્ટ્રી લેબની રીનોવેશન માટેની મુકાયેલી ફાઇલ ત્રણ વખત ખોવાઈ ગઈ. વારંવાર HOD ફાઇલ લઈને જતા હોવા છતાં તેમને વેઇટિંગ એરિયામાં બેસાડી રાખતા હોવાની રજુઆત. તેની સામે ઇન્ચાર્જ વાઇસ ચાન્સલરને આવ્યાના ત્રણ જ મહિનામાં તેમના બંગલાના રીનોવેશનની ફાઇલ મંજુર થઇ ગઈ. જો બંગલાનું રીનોવેશન જરૂરી હોય તો બાળકો માટેની કેમેસ્ટ્રી લેબની નહી? તેવો HOD નો વૈદ્યક સવાલ. ખુરશી પર બેસી પગાર લો છો, સુવિધા લો છો તે જવાબ આપો તેવી પ્રોફેસરે કરી માંગ.
 

હવામાન વિભાગની આગાહી. આગામી 7 દિવસ વાતાવરણ સૂકું રહેશે. ઉત્તર થી ઉત્તરપુર્વના પવન ફૂંકાયા. ઓક્ટોબર મહિનામાં રાજકોટ રહ્યું ગરમ. રાજકોટમાં 2002 ના ઓક્ટોબરમાં મહત્તમ તાપમાન 41.9 ડીગ્રી નોંધાયું હતું. ત્યાર બાદ રાજકોટમાં 2020  મહત્તમ તાપમાન 40.2 ડીગ્રી નોંધાયું. ચાલુ વર્ષ 20026 ઓક્ટોબર મહિનામાં મહતમ તાપમાન 40.8 ડીગ્રીએ પહોંચ્યું. રાજકોટ માં મહતમ તાપમાન સામાન્ય કરતા 4 ડીગ્રી ઊંચું નોંધાયું. રાજ્યમાં  મહત્તમ તાપમાન સામાન્યથી 2 થી 4 ડીગ્રી ઊંચું. ઓક્ટોબરમાં મહત્તમ તાપમાન ઊંચું રહેતા ઉનાળાની ગરમી જેવો અહેસાસ.

અમદાવાદ ઇન્ટરનેશનલ બુક ફેસ્ટિવલ 2026નો 24 ઓક્ટોબરથી પ્રારંભ. 1 નવેમ્બર સુધી સાબરમતી રિવરફ્રન્ટ ઇવેન્ટ સેન્ટર ખાતે યોજાશે પુસ્તક મહોત્સવ. બાળકો માટે આર્ટ એન્ડ ક્રાફ્ટ નું અયીજન. સ્ટાર્ટપનાં અલગ.. અલગ પ્રોડક્ટ નું પ્રદર્શન. 700 જેટલાં બુક સ્ટોલ માં વિવિધ પ્રકારના પુષતક મળશે. ફૂડ સ્ટોલ ની પણ વ્યવસ્થા ઉભી કરવમાં આવશે. 12મોં બુક ફેર માં નાનાથી લઈને મોટા વયક્તિ માટે આયોજન. 700થી વધુ બુક સ્ટોલ્સ સાથે નવ દિવસીય પુસ્તક મહોત્સવનું આયોજન. મુખ્યમંત્રી ભૂપેન્દ્ર પટેલ અને દિલ્હીના લેફ્ટનન્ટ ગવર્નર તરનજીત સિંહ સંધુની ઉપસ્થિતિમાં પુસ્તકનું વિમોચન કરાશે. સાહિત્ય કવિતા ગઝલ સંગીત નાટક અને સર્જનાત્મક કાર્યક્રમો બનશે આકર્ષણનું કેન્દ્ર. પુસ્તક વિમોચન કાર્યક્રમો અને મુલાકાતીઓ માટે પ્રવેશ નિઃશુલ્ક.

સાઉથ બોપલ વિસ્તારમાં ડિમોલીશન કામગીરી. ઘાટલોડિયા મામલતદાર કચેરી દ્વારા ડિમોલીશન. સરકારી જમીન પર થયેલા દબાણ દુર કરાયા. વિભાગ દ્વારા અનેક વખત નોટિસ અપાઇ હતી. અંદાજીત સાત હજાર ચોમી જગ્યા સરકારી જમીન પર દબાણ કરવામાં આવ્યા હતા. કાચા પાકા અલગ અલગ સેડ દુર કરી જગ્યા ખુલી કરાઇ.

સુરતમાં માનવતાને શર્મસાર કરતી એક અત્યંત શરમજનક ઘટના સામે આવી છે, જ્યાં એક નરાધમે 8 વર્ષીય માસૂમ બાળકીને અવાવરુ જગ્યા પર લઈ જઈને તેની પર દુષ્કર્મ આચર્યું હતું. આ ઘટના બાદ પોલીસે ત્વરિત કાર્યવાહી કરીને ગણતરીના કલાકોમાં જ આરોપીને ઝડપી પાડ્યો છે અને કાયદેસરની કડક કાર્યવાહી હાથ ધરી છે.

બોલિવૂડ અભિનેતા ટાઈગર શ્રોફ સાથે જોડાયેલા ફાયરિંગ કેસમાં મહારાષ્ટ્ર અને ગુજરાત પોલીસે તપાસનો ધમધમાટ તેજ કર્યો છે. આ કેસમાં સામે આવ્યું છે કે ત્રણેય આરોપીઓ મુંબઈથી ટેક્સીમાં બેસીને સુરત આવ્યા હતા, અને પોલીસને આશંકા છે કે તેમણે રસ્તામાં ક્યાંક હથિયાર છૂપાવ્યા હશે. આ મા ષે વધુ માહિતી મેળવવા માટે પોલીસે ટેક્સી ડ્રાઈવરની કડક પૂછપરછ હાથ ધરી છે.

સુરત અને અમદાવાદ ક્રાઈમબ્રાંચે સંયુક્ત ઓપરેશન હાથ ધરીને ડ્રગ્સ માફિયાઓ વિરુદ્ધ મોટી કાર્યવાહી કરી છે. એક્સપ્રેસ હાઈવે પરથી અંદાજે સાડા ચાર કિલો હેરોઈન અને અઢી કિલો MD ડ્રગ્સ સહિત કુલ 25.5 કરોડ રૂપિયાનો પ્રતિબંધિત જથ્થો જપ્ત કરવામાં આવ્યો છે, અને આ કેસમાં સંડોવાયેલા ત્રણ શખ્સોની ધરપકડ કરીને વધુ તપાસ શરૂ કરવામાં આવી છે.

કેન્દ્રીય ગૃહમંત્રી અમિત શાહે કોંગ્રેસ નેતા રાહુલ ગાંધી પર નિશાન સાધતા કડક પ્રહારો કર્યા છે. તેમણે ચેતવણી આપી હતી કે આગામી 30 વર્ષ સુધી સત્તામાં આવવાનો તમારો કોઈ નંબર નથી, અને જો તમે જનતાની પીડા નહીં સમજો તો અત્યારે જ્યાં સત્તામાં છો ત્યાંથી પણ સત્તા ગુમાવી દેશો.

સાઉદી અરબમાં હૂતી વિદ્રોહીઓ દ્વારા કરવામાં આવી રહેલા હુમલાઓ સતત ચાલુ છે, જેમાં તાજેતરમાં દમ્મામ એરપોર્ટને નિશાન બનાવીને એક ઘાતક હુમલો કરવામાં આવ્યો છે. આ દુઃખદ ઘટનામાં એક ભારતીય નાગરિકનું કરુણ મોત નિપજ્યું છે, જ્યારે અન્ય બે ભારતીય વ્યક્તિઓ ગંભીર રીતે ઘાયલ થઈ છે. વિદ્રોહીઓના વળતા પ્રહારોને કારણે વિસ્તારમાં તણાવ અને અસુરક્ષાનો માહોલ વધુ ઘેરો બન્યો છે.