સવારે ઊઠતાની સાથે જ હાથ-પગ અકડાઈ જાય છે? આ લક્ષણો હોઈ શકે છે આર્થરાઈટિસ (સંધિવા) નો સંકેત!

સવારે ઉઠી હાથ-પગ અકડાઈ જવા, આંગળીઓ વાળવામાં મુશ્કેલી થવી કે સાંધામાં દુખાવો રહેવો આર્થરાઇટિસનો શરૂઆતી સંકેત હોઈ શકે છે. સામાન્ય રીતે લોકો તેને ઉંમર વધવા, થાક કે સામાન્ય નબળાઈ સમજી નજરઅંદાજ કરે છે, પરંતુ સતત આવું થાય તો તે સાંધા સાથે જોડાયેલી બીમારીનો સંકેત હોઈ શકે છે. નિષ્ણાંત ડોક્ટરે જણાવ્યું કે તમારે ક્યા સંકેતોનો નજરઅંદાજ ન કરવા જોઈએ.

આર્થરાઇટિસના પ્રકાર

ડોક્ટર એચ.એસ. છાબડા કહે છે કે આર્થરાઇટિસ ઘણા પ્રકારના હોય છે, જેમાં રૂમેટાઇડ આર્થરાઇટિસ અને ઓસ્ટિયોઆર્થરાઇટિસ મુખ્ય છે.

રૂમેટાઇડ આર્થરાઇટિસઃ રૂમેટાઇડ આર્થરાઇટિસમાં શરીરની રોગ ઈમ્યુનિટી ભૂલમાં પોતાના જ સાંધા પર હુમલો કરવા લાગે છે, જેથી તેમાં સોજા, દુખાવો અને જકડન થવા લાગે છે. જેમાં સવારે ઉઠ્યા બાદ અકડન સામાન્ય રીતે 30 મિનિટથી વધુ સમય રહે છે.

ઓસ્ટિયોઆર્થરાઇટિસઃ તો ઓસ્ટિયોઆર્થરાઇટિસમાં સાંધાની વચ્ચે રહેલ કાર્ટિલેજ ધીમે-ધીમે ઘસાવા લાગે છે, જેનાથી ચાલવા-ફરવા, સીડીઓ ચઢવા કે કોઈ સામાન ઉઠાવવા પર દુખાવો થઈ શકે છે. આ ઉપરાંત, સાંધાઓમાં સોજો, ગરમાવો અને લાલાશ, પકડ નબળી પડવી તથા ઘૂંટણમાં દુખાવો થવો એ પણ લક્ષણો હોઈ શકે છે.

આ પણ વાંચોઃ મળમાં લોહીથી લઈને પેટ ફૂલવા સુધી: આ લક્ષણોને સામાન્ય ગણી ભૂલ ન કરો, હોઈ શકે છે પેટનું કેન્સર

ડોક્ટર અનુસાર સવારે ઉઠવા પર હાથ-પગ કે સાંધામાં લાંબા સમય સુધી રહેતી અકડન, સોજા, લાલાશ કે ચાલવા-ફરવામાં મુશ્કેલી જેવી સમસ્યાને નજરઅંદાજ ન કરવી જોઈએ. જો આ સમય લાંબા સમય સુધી રહે તો ડોક્ટરની સલાહ લો.

કઈ રીતે આ સમસ્યાને કંટ્રોલ કરી શકાય?

ડોક્ટર કહે છે કે જો આ સમસ્યા લાંબા સમય સુધી રહે છે કે ધીમે-ધીમે વધી રહી છે તો તેને સામાન્ય દુખાવો સમજી નજરઅંદાજ કરવાની જગ્યાએ ડોક્ટરને મળો. સમય પર ડોક્ટર પાસે તપાસ કરાવવી જરૂરી છે. આ સાથે નિયમિત હળવી કસરત કરો, વજન નિયંત્રણમાં રાખો, સંતુલિત ખાનપાન અને સાંધા પર જરૂર કરતા વધુ ભાર આપવાથી બચવું ફાયદાકારક સાબિત થઈ શકે છે.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.