માત્ર ખાંસી જ નહીં, આ 7 ગંભીર લક્ષણો પણ હોઈ શકે છે ટીબી (TB) ની નિશાની; તમે પણ જાણો

TB Symptoms: ટ્યૂબરકુલોસિસ એટલે કે ટીબી એક બેક્ટીરિયલ ઈન્ફેક્શન છે જે ફેફસાને પ્રભાવિત કરે છે. ટીબી ફેફસાથી શરીરના અન્ય હિસ્સા સુધી ફેલાઈ છે. કેટલાક લોકોમાં ઇનએક્ટિવ ટીબી હોય છે જેના લક્ષણ શરીર પર જોવા મળતા નથી. તેની અસર સમય પર સારવાર કરી લેવામાં આવે અને એન્ટીબાયોટિક્સ લેવાનું શરૂ કરી દેવામાં આવે તો તે ઠીક થઈ શકે છે. પરંતુ તેનાથી ઉલટ જો એક્ટિવ ટીબીની સારવાર ન કરવામાં આવે તો તે ખતરનાક સાબિત થઈ શકે છે. સ્વાસ્થ્ય મંત્રાલય અનુસાર ટીબી થવા પર જલ્દી તપાસથી સારવાર ઝડપી બને છે. તેનાથી ગંભીર બીમારીનો ખતરો પણ ઘટે છે. તેવામાં અહીં જાણો સ્વાસ્થ્ય મંત્રાલય અનુસાર ટીબીના ક્યા લક્ષણ હોય છે અને ક્યા લોકો માટે ખતરો વધુ રહે છે.

ટીબીના લક્ષણ શું હોય છે
ટીવીનું એક સામાન્ય લક્ષણ છે ઉધરસ. સતત બે સપ્તાહથી વધુ ઉધરસ રહે અને ઠીક ન થાય તો ટીબીનું લક્ષણ હોઈ શકે છે. પરંતુ ખાંસી સિવાય અન્ય લક્ષણ પણ છે, જે ટીબીમાં જોવા મળે છે, જેમ કે-

• રાતના સમયે પરસેવો આવવો
• છાતીમાં દુખાવો થવો
• રાતના સમયે તાવ આવવો
• શ્વાસ ચઢવો
• શરીરમાં દરેક સમયે થાકનો અનુભવ થવો
• લોહીવાળો કફ બહાર આવવો
• કારણ વગર વજન ઓછું થવું

ક્યા સમૂહોમાં ટીબીનો ખતરો વધુ હોય છે

• છેલ્લા 5 વર્ષમાં ટીબી થયો હોય
• 60 વર્ષ કે તેનાથી વધુ ઉંમર
• ધૂમ્રપાન કે દારૂનું સેવન કરનાર લોકો
• કુપોષિત જેના શરીરમાં પોષક તત્વોની ઉણપ હોય
• ડાયાબિટીસના દર્દી
• HIVથી પીડિત લોકો

તેમાંથી કોઈપણ વ્યક્તિને ટીબીના લક્ષણ જોવા મળે તો તપાસમાં વિલંબ ન કરાવવો જોઈએ.

ટીબીના દર્દી માટે પોષણની જરૂરિયાત
પૌષ્ટિક આહાર ટીવીની વિરુદ્ધ સૌથી મોટું હથિયાર સાબિત થાય છે. જો પૌષ્ટિક આહાર લેવામાં આવે તો તેનાથી ટીબીની સારવારમાં સારૂ પરિણામ જોવા મળે છે અને રિકવરી ઝડપી થાય છે.

ટીબીના દર્દીને ભોજનમાં એનર્જી, મેક્રોન્યૂટ્રિએન્ટ્સ જેવા કાર્બોહાઇડ્રેટ્સ, પ્રોટીન અને ફેટ્સ જોઈએ. આ સિવાય જેમ કે વિટામિન, ખનિજ અને ટ્રેસ એલિમેન્ટ્સની જરૂર હોય છે.

એક્ટિવ ટીબીના દર્દીની પોષણની જરૂરિયાત અલગ-અલગ હોઈ શકે છે. આ જરૂરિયાત દર્દીની ઉંમર, લિંગ અને તેમની એક્ટિવિટી પર નિર્ભર કરે છે.

સ્વાસ્થ્ય મંત્રાલય અનુસાર જો ટીબીના દર્દીને સારૂ પોષણ મળે તો તેનું વજન વધારવામાં મદદ મળે છે, મસલ સ્ટ્રેન્થ વધે છે અને જીવન જીવવાની ક્વોલિટીમાં સુધાર થાય છે. આ સિવાય મોતનું જોખમ ઘટે છે અને જલ્દી સાજા થવામાં મદદ મળે છે.