બ્લડ પ્રેશર લો થવા પર દેખાઈ શકે છે આ 5 લક્ષણો, તરત જ આ કામ કરશો તો હાઈપોટેન્શનથી મળશે રાહત

આજે ભારતમાં મોટી સંખ્યામાં લોકો હાઈ બ્લડ પ્રેશરની સમસ્યાથી પીડિત છે. હાઈ અને લો બ્લડ પ્રેશર શરીર માટે ગંભીર સમસ્યા ઉભી કરે છે. ઘણા લોકો બ્લડ પ્રેશરને કંટ્રોલમાં રાખવા માટે સતત દવાઓ પણ લે છે. આજે અમે તમને લો બ્લડ પ્રેશરના મુખ્ય લક્ષણો અને તેને કંટ્રોલ કરવા વિશે જણાવીશું.

બ્લડ પ્રેશર થવા પર કેવા લક્ષણો જોવા મળે છે?
બ્લડ પ્રેશર ઘટવા પર ચક્કર આવવા લાગે છે, બીમાર હોવાનો અનુભવ થાય છે, શરીરમાં નબળાઈ લાગે છે. બેભાન થઈ જવાય છે અને આંખની દ્રષ્ટિ પર અસર પડે છે.

લો બ્લડ પ્રેશર રીડિંગ કેટલું હોય છે
જો બ્લડ પ્રેશરની તપાસ કરવા પર રીડિંગ 90/60mmHg થી ઓછું આવે છે તો તેને લો બ્લડ પ્રેશર કહેવાય છે. તેમાં 90 સિસ્ટોલિક અને 60 ડાયસ્ટોલિક નંબર છે.

બ્લડ પ્રેશર કઈ રીતે ચેક કરાય
બ્લડ પ્રેશર ચેક કરવા માટે તમે ફાર્માસિસ્ટની પાસે જઈ શકો છો, કોઈ પ્રેક્ટિસ નર્સ કે ડોક્ટર પાસે તપાસ કરાવી શકો છો અને ઘર પર જો બ્લડ પ્રેશર મોનીટર છે તો બીપીની તપાસ કરી શકો છો.

ડોક્ટરનો ક્યારે સંપર્ક કરવો જોઈએ
જો તમને વારંવાર લો-બ્લડ પ્રેશરના લક્ષણ જોવા મળે છે તો ચક્કર આવે છે કે બેભાની જેવું લાગે છે તો ડોક્ટરનો સંપર્ક કરો.

લો બ્લડ પ્રેશરની સારવાર કઈ રીતે થાય છે
લો બ્લડ પ્રેશરમાં ડોક્ટર દવા આપી શકે છે અને લાઇફસ્ટાઇલમાં ફેરફારની સલાહ આપે છે. આ સિવાય બ્લડ સર્કુલેશનમાં સુધાર માટે સપોર્ટ સ્ટોકિંગ પહેરવા માટે આપવામાં આવે છે.

લો બ્લડ પ્રેશરમાં તત્કાલ શું કરવું જોઈએ
જો તમે બેઠેલા છો અને બ્લડ પ્રેશર લો થયા બાદ ઉભા થાવ છો તો ધીમે-ધીમે ઉભા થાવ. ખાસ કરી પલંગમાંથી ઉતરવા સમયે સાવધાની રાખો. ધીમે-ધીમે ભોજન કરો અને ભોજન કર્યા બાદ ધીમે-ધીમે બેસો. પાણી પીવાની માત્રા વધારો.

લો બ્લડ પ્રેશરમાં શું ન કરવું જોઈએ
લાંબા સમય સુધી ઉભા કે બેઠા ન રહો, અચાનક ઝુકો નહીં કે તમારા પોશ્ચરમાં અચાનક ફેરફાર ન કરો. વધુ પડતું આલ્કોહોલનું સેવન ન કરો.

ડિસ્ક્લેમરઃ આ સમાચાર તમને જાગૃત કરવાના ઉદ્દેશ્યથી લખવામાં આવ્યા છે. જો તમને કોઈ સ્વાસ્થ્ય સમસ્યા હોય તો કોઈ નિષ્ણાંતની સલાહ લઈ શકો છો. ઝી 24 કલાક તેની પુષ્ટિ કરતું નથી.