પેશાબ કરવા સમયે આ લક્ષણ જોવા મળે તો નજરઅંદાજ ન કરો, હોઈ શકે છે Bladder Cancer

Bladder Cancer Symptoms And Signs: મૃત્રાશયના કોઈ હિસ્સામાં થનાર કેન્સરને બ્લેડર કેન્સર કે મૂત્રાશયનું કેન્સર કહેવાય છે. બ્લેડરના જે હિસ્સા પર કેન્સર થાય છે તેના પર નિર્ભર કરે છે કે કેન્સર ક્યા પ્રકારનું છે. મૂત્રાશય શરીરનું તે અંગ છે જેમાં પેશાબ એકત્ર થાય છે અને રહે છે. તેવામાં મૂત્રાશયના કેન્સરમાં તેના મોટા ભાગના લક્ષણ પેશાબ સાથે જોડાયેલા હોય છે. નેશનલ હેલ્થ સર્વિસ યુકેથી જાણો મૂત્રાશયના કેન્સરના લક્ષણ કેવા દેખાય છે.

પેશાબ કરવા સમયે બળતરા થવી
મૂત્રાશયના કેન્સરમાં પેશાબ થવા સમયે બળતરા થાય છે. બળતરા સિવાય દુખાવો થાય છે અને પેશાબ કરવા સમયે ખંજવાળનો અનુભવ થાય છે.

વારંવાર ઈન્ફેક્શન
વારંવાર યુરિનરી ટ્રેક્ટ ઈન્ફેક્શનનું થવું બ્લેડર કેન્સરનું લક્ષણ હોઈ શકે છે. બ્લેડર કેન્સરમાં પેશાબ સાથે જોડાયેલા ઈન્ફેક્શન ગમે ત્યારે થઈ શકે છે.

આ પણ વાંચોઃ ડાયાબિટીસ અને વધતી શુગરથી છો પરેશાન? દવા વગર પણ કાબૂમાં આવશે શુગર

વારંવાર પેશાબ લાગવો
મૂત્રાશયના કેન્સરમાં દિવસમાં ઘણીવાર પેશાબ આવતો રહે છે. આ સિવાય અચાનક પેશાબ કરવાની ઇચ્છા થાય છે અને કંટ્રોલ કરવું મુશ્કેલ થઈ જાય છે.

ભૂખનો અનુભવ ન થવો
મૂત્રાશયના કેન્સરમાં વ્યક્તિની ભૂખ મરી જાય છે. ભૂખ લાગતી નથી અને કોઈ કારણ વગર વજન ઘટવાનું શરૂ થઈ જાય છે.

કમર અને પેટમાં દુખાવો
બ્લેડર કેન્સરમાં દર્દીના પેટના નીચેના હિસ્સામાં અને કમરમાં દુખાવાનો અનુભવ થઈ શકે છે. બ્લેડરની આસપાસ દુખાવો થાય છે.

હાડકામાં દુખાવો થવો
હાડકામાં દુખાવાનો અનુભવ થાય છે. હાડકા નબળા પડવા લાગે છે, દરેક સમયે થાકનો અનુભવ થાય છે અને દરેક સમયે બીમાર હોવ તેવો અનુભવ થવા લાગે છે.