Lifehacks: તુલસીના માંજર ફેંકવાની ભુલ ન કરો, માંજરને સુકવી આ રીતે બનાવો સુગંધી ધુપબત્તી

Lifehacks: તુલસીના છોડમાં થોડા થોડા દિવસે માંજર આવતા હોય છે. ધાર્મિક માન્યતા છે કે તુલસી પર માંજર આવે તેને ઉતારી લેવા જોઈએ. તુલસીના છોડમાંથી ઉતારેલા માંજરને મોટાભાગના લોકો ફેંકી દેતા હોય છે. પરંતુ શું તમે જાણો છો કે આ માંજરમાંથી સુગંધી ધુપબત્તી બને છે. ? તુલસીની સુગંધવાળી ધુપબત્તી તમે તુલસીના માંજરમાંથી બનાવી શકો છો.

આ પણ વાંચો: Amla Hair Oil: વાળ કાળા અને લાંબા થાય તેવું આમળાનું તેલ ઘરે બનાવવાની સાચી રીત જાણી લો

ઘરે તુલસીના માંજરની ધુપબત્તી બનાવવી એકદમ સરળ છે. આ ધુપબત્તી બનાવવા માટે જરૂરી મોટાભાગનો સામાન ઘરમાંથી જ મળી રહેશે. ધુપબત્તી કેવી રીતે બને છે ચાલો જાણીએ.

તુલસીના માંજરની ધુપબત્તી માટેની સામગ્રી

તુલસીના માંજર
તમાલપત્ર 4થી 5
લવિંગ 3
કપૂર 10 થી 15
હળદર
થોડી હવન સામગ્રી
ગુલાબજળ
ઘી

આ પણ વાંચો: Rangoli Sticker: ગયા વર્ષે લગાવેલા રંગોળી સહિતના સ્ટિકર કાઢવાનો સરળ ઉપાય, ટાઈલ્સ પરથી ગ્લુના ડાઘ પણ નીકળી જશે

તુલસીના માંજરની ધુપબત્તી બનાવવાની રીત

• ધુપબત્તી બનાવવી હોય તો તુલસીના માંજરને બરાબર સુકાઈ જવા દો અને પછી ઉતારો. જો તમે લીલા માંજર ઉતારતા હોય તો ઉતારેલા માંજરને તડકામાં રાખી સુકવી લેવા.
• જ્યારે માંજર સુકાઈ જાય તો એક બાઉલમાં સુકાયેલા માંજર, તમલાપત્ર, કપૂર, લવિંગ, હળદર અને હવન સામગ્રી મિક્સ કરો. આ બધી જ સામગ્રીનો બારીક પાવડર તૈયાર કરો.
• પાવડર તૈયાર થઈ જાય એટલે તેમાં થોડું ગુલાબજળ અને ઘી ઉમેરો. ઘી એટલું ઉમેરવું કે તૈયાર કરેલો પાવડર લોટની જેમ બંધાઈ જાય અને તેમાંથી સરળતાથી ધુપબત્તી વાળી શકાય.
• જ્યારે મિશ્રણ તૈયાર થઈ જાય તો તેમાંથી નાની ગોળીઓ લઈ ધુપબત્તી બનાવો. ધુપબત્તીને પેપર પર રાખી 2 દિવસ સુકાવા દો. ધુપબત્તી બરાબર સુકાઈ જાય પછી તેનો ઉપયોગ શરુ કરો.

(Disclaimer: અહીં આપવામાં આવેલી માહિતી સામાન્ય જાણકારી પર આધારિત છે. ZEE 24 કલાક તેની પુષ્ટિ કરતું નથી.)