Farali Recipe: નવરાત્રીમાં વ્રતમાં નાસ્તામાં બનાવો ફરાળી મસાલા પરોઠા, દહીં સાથે ખાવાની મજા પડી જશે

Rajgara Paratha Recipe: 11 ઓક્ટોબરથી નવરાત્રીનો પાવન પર્વ શરુ થયો છે. નવરાત્રી દરમિયાન લોકો ઉપવાસ કરતાં હોય છે. વ્રત દરમિયાન ઘણા લોકોને તો વારંવાર ભુખ લાગી જાય છે. આવું ન થાય તે માટે એવી વસ્તુ ખાવી જોઈએ જેને ખાધા પછી પેટ કલાકો સુધી ભરેલું રહે. પેટ ભરેલું રહે તે માટે તમે નાસ્તામાં ફરાળી પરોઠા બનાવીને ખાઈ શકો છો. દહીં સાથે આ પરોઠા ખાઈ લેશો તો સાંજ સુધી પેટ ભરેલું રહેશે.

વ્રત દરમિયાન પણ સવારે નાસ્તો કરવો જરૂરી હોય છે. ઘણા લોકો ફરાળમાં વેફર, ચેવડો જેવો નાસ્તો કરે છે જેના કારણે વારંવાર ભુખ લાગે છે. જેના કારણે વ્રત હોવા છતાં આખો દિવસ કંઈ કંઈ ખવાતું રહે છે. પરંતુ જો તમે તળેલા નાસ્તાને બદલે સવારે પરોઠા, દહીં લેશો તો પેટ સાંજ સુધી ભરેલું રહેશે અને વ્રત દરમિયાન વારંવાર ખાવાની ઈચ્છા પણ નહીં થાય.

રાજગરાના લોટના ફાયદા

આ પણ વાંચો: Sabudana Vada: આ માપ અનુસાર સાબુદાણા અને બાફેલા બટેટા લેશો તો વડા ક્રિસ્પી બનશે, વધારે તેલ પણ નહીં પીવે

વ્રત દરમિયાન ખવાતો રાજગરાનો લોટ પ્રોટીનથી ભરપુર હોય છે. તેને ખાવાથી પેટ કલાકો સુધી ભરેલું રહેશે. રાજગરામાં જરૂરી એમિનો એસિડ પણ હોય છે. રાજગરાનો લોટ ગ્લુટન ફ્રી હોય છે. રાજગરો કેલ્શિયમ અને મેગ્નેશિયમથી ભરપુર હોય છે. ફરાળમાં ખવાતો રાજગરાનો લોટ તમને વ્રત દરમિયાન એનર્જી આપશે.

ફરાળી પરોઠા માટેની સામગ્રી

2 કપ રાજગરાનો લોટ
100 ગ્રામ ખમણેલું પનીર
2 બાફેલા બટેટા
શેકેલા સિંગદાણાનો પાવડર
કોથમીર ઝીણી સમારેલી
આદુ મરચાંની પેસ્ટ
શેકેલું જીરું
મીઠું
તેલ

આ પણ વાંચો: Farali Idli: નવરાત્રીના વ્રતમાં ખાઈ શકાય તેવી સામાની ઈડલી બનાવવાની નોંધી લો રીત

મસાલા પરોઠા બનાવવાની રીત

- સૌથી પહેલા એક મોટા બાઉલમાં બટેટાને મેશ કરો અને તેમાં મીઠું, સીંગદાણાનો પાવડર અને રાજગરાનો લોટ મિક્સ કરો.
- ત્યારબાદ તેમાં આદુ-મરચાંની પેસ્ટ, કોથમીર, શેકેલું જીરું ઉમેરો અને મિશ્રણને હળવા હાથે હલાવો.
- પરોઠાના લોટમાં તેલ અને પનીર એડ કરી લોટ બાંધો. જો લોટ વધારે કોરો લાગતો હોય તો દહીં ઉમેરી પરોઠાનો લોટ બાંધો.
- લોટને 10 મિનિટ ઢાંકીને રાખો અને ત્યારબાદ તેમાંથી પરોઠા વણી ઘી સાથે શેકો.
- તૈયાર કરેલા પરોઠા ગ્રીન ચટણી અથવા દહીં સાથે ખાઈ શકો છો.