જો મિડ ટર્મમાં ટ્રમ્પ હારી ગયા તો? : ટ્રમ્પની રિપબ્લિકન પાર્ટી 10માંથી 9 સર્વેક્ષણોમાં પાછળ, કપાઈ જશે પાંખો, એમ જ નથી ભારત પર રિઝ્યા
Midterm Elections : આજથી 8 મહિના પહેલા ડોનાલ્ડ ટ્રમ્પે આપેલા નિવેદનો યાદ કરો. 28 ફેબ્રુઆરીએ ઈરાન પર અચાનક હુમલા બાદ ટ્રમ્પે એક પછી એક અનેક દાવા કર્યા હતા. ટ્રમ્પે કહ્યું હતુ કે, ઈરાનને 7 દિવસમાં ઘૂંટણિયે લાવી દઈશું. ઈરાનની કટ્ટરપંથી સરકારને ઉખાડી ફેંકીશ અને ઈરાનને માટીમાં ભેળવી દઈશ પરંતુ આજે 8 મહિના બાદ શું સ્થિતિ છે. ઈરાન પહેલા કરતા વધુ શક્તિશાળી દેખાઈ રહ્યું છે અને અમેરિકાના નવા હુમલાનો ઘાતક જવાબ આપવાની વાત કરી રહ્યું છે. હવે અમેરિકાની જનતા ટ્રમ્પને પુછી રહી છે કે, ઈરાન સાથેના યુદ્ધથી અમેરિકાને શું મળ્યું. કરદાતાઓના સાડા ત્રણ ટ્રિલિયન ડોલર યુદ્ધમાં શા માટે ખર્ચી નાખવામાં આવ્યા 3 નવેમ્બરે યોજાનારી મિડટર્મ ચૂંટણી પહેલાં અમેરિકાની જનતાના આ સવાલો ટ્રમ્પ માટે કેવી રીતે મુશ્કેલી ઊભી કરી રહ્યા છે, સમજો આ અહેવાલમાં
મિડટર્મ ચૂંટણીના બે અઠવાડિયાં પહેલાં આ સવાલ અમેરિકાના મીડિયામાં ચર્ચાનો વિષય બન્યો છેે. ચૂંટણી પહેલાં કરવામાં આવેલા મોટા ભાગના સર્વેક્ષણોમાં ટ્રમ્પ પાછળ દેખાઈ રહ્યા છે. મિડટર્મ ચૂંટણી પહેલાં ટ્રમ્પને લગતા આ ચૂંટણીલક્ષી આંકડા ચોંકાવનારા છે. કારણ કે છેલ્લા 8 મહિનાથી ટ્રમ્પ અમેરિકાની જનતાને એવું કહીને ઈરાન પર હુમલા કરી રહ્યા હતા કે આ યુદ્ધથી અમેરિકાને સૌથી મોટો ફાયદો થવાનો છે. છેલ્લા 8 મહિનામાં અલગ-અલગ પ્રસંગોએ ટ્રમ્પે ઈરાન સાથેના યુદ્ધના અસંખ્ય ફાયદા ગણાવ્યા હતા.
ઈરાન સાથેના યુદ્ધથી ટ્રમ્પે ગણાવેલા ફાયદા
1. મધ્ય પૂર્વમાં ઈરાન અમેરિકાનો સૌથી મોટો દુશ્મન છે
2. ઈરાન પાસે પરમાણુ બોમ્બ હોવો અમેરિકા માટે જોખમ છે
3. ઈરાનની કટ્ટરપંથી સરકારનો અંત અમેરિકાના હિતમાં છે
4. ઈરાનની હાર બાદ દુનિયામાં અમેરિકાનો દબદબો વધશે
5. ઈરાન નબળું પડશે તો અમેરિકામાં તેલ અને ગેસ સસ્તાં થશે
ટ્રમ્પ તેલ-ગેસની વધતી કિંમતો અને તેના કારણે વધી રહેલી મોંઘવારીને ઈરાન સાથેના યુદ્ધની નાની કિંમત ગણાવી રહ્યા છે પરંતુ આ નાની કિંમતથી અમેરિકાની જનતા કેટલી પરેશાન થઈ ગઈ છે, તે કેટલાક આંકડાઓ પરથી સમજો.....
ઈરાન યુદ્ધ બાદ કેટલી મોંઘવારી?
| પેટ્રોલ | કિંમત-4.35 ડોલર પ્રતિ ગેલન |
| ડીઝલ | કિંમત – 6.30 ડોલર પ્રતિ ગેલન |
| ગેસ | કિંમત – 5 ડોલર પ્રતિ ગેલન |
| અસર | પ્રતિ ગેલન 1થી 2 ડોલર વધુ ખર્ચ, ઈંધણનો ખર્ચ વધતાં મોંઘવારી ચરમસીમાએ પહોંચી |
જો કે, ઈરાન સાથેના યુદ્ધના બદલામાં તેલ અને ગેસની જે મોંઘવારી વધી છે, તેને ટ્રમ્પ ભલે નાની કિંમત ગણાવતા હોય, પરંતુ અમેરિકાની જનતા મહિનાઓથી તેનો હિસાબ માંગી રહી છે. ચૂંટણી પ્રચાર પહેલાંથી જ અમેરિકામાં ટ્રમ્પ વિરુદ્ધ પ્રદર્શનો થઈ રહ્યાં છે. લોકો ટ્રમ્પને પૂછી રહ્યા છે...
અમેરિકાની જનતાના ટ્રમ્પને સવાલો
- ઈરાન પર હુમલાથી શું હાંસલ થયું?
- ઈરાન સાથેના યુદ્ધનો અસલી હેતુ શું છે?
- આ યુદ્ધથી અમેરિકાને શું ફાયદો થયો?
- કરદાતાઓના 3.7 લાખ કરોડ ડોલર યુદ્ધમાં શા માટે ખર્ચી નાખ્યા?
- યુદ્ધ ક્યારે પૂરું થશે અને જીતથી શું મળશે?
આ વાત દુનિયાથી છુપાયેલી નથી કે ઈરાન સાથે 8 મહિનાથી વધુ સમય ચાલેલું યુદ્ધ અમેરિકા માટે સૌથી મોંઘાં યુદ્ધોમાંનું એક સાબિત થયું છે. આ યુદ્ધમાં ટ્રમ્પ અત્યાર સુધીમાં 38 અબજ ડોલરથી વધુ ખર્ચી ચૂક્યા છે. આ ઉપરાંત મધ્ય પૂર્વમાં અમેરિકાનાં સૈન્ય ઠેકાણાં, અનેક ફાઇટર જેટ્સ અને ડ્રોન પણ ગુમાવવા પડ્યાં છે.
- શું અમેરિકાના રાજકારણમાં વર્તમાન રાષ્ટ્રપતિ ડોનાલ્ડ ટ્રમ્પની આ છેલ્લી બાજી છે?
- અમેરિકાના લોકોની ભાષામાં કહીએ તો, શું આ તેમની છેલ્લી ચૂંટણીની રમત છે?
ટ્રમ્પની રમત પૂરી?
- 10માંથી 9 ચૂંટણી સર્વેક્ષણોમાં પાછળ
- 70% અમેરિકનો ટ્રમ્પની વિરુદ્ધ
હવે અમેરિકાની જનતા ટ્રમ્પ પાસેથી આ તમામ ખર્ચનો હિસાબ માંગી રહી છે. કારણ કે આ પૈસા કરદાતાઓના છે. લોકો સવાલ કરી રહ્યા છે કે કોઈ સ્પષ્ટ હેતુ ન દેખાતો હોય એવા યુદ્ધમાં ટ્રમ્પે આટલી મોટી રકમ શા માટે ખર્ચી નાખી? અમેરિકાની જનતાની આ નારાજગી ચૂંટણી પહેલાં થઈ રહેલાં સર્વેક્ષણોમાં પણ સ્પષ્ટ જોવા મળી રહી છે.
જો મિડટર્મમાં ટ્રમ્પ હારી ગયા તો?
- અમેરિકામાં રાષ્ટ્રપતિનો કાર્યકાળ 4 વર્ષનો હોય છે
- કાર્યકાળનાં પ્રથમ બે વર્ષ બાદ ચૂંટણી યોજાય છે, જેને મિડટર્મ ચૂંટણી કહેવામાં આવે છે
- આ ચૂંટણીમાં અમેરિકાની સંસદનાં બંને ગૃહો માટે મતદાન થાય છે.
- ટ્રમ્પની રિપબ્લિકન પાર્ટી 10માંથી 9 સર્વેક્ષણોમાં પાછળ દેખાઈ રહી છે.
- 62માંથી 41 બેઠકો પર ટ્રમ્પની પાર્ટીના ઉમેદવારો જ તેમની સાથે અસહમત છે.
- જો વિપક્ષી ડેમોક્રેટ્સ બહુમતી મેળવે છે, તો ટ્રમ્પની મુશ્કેલીઓ વધી શકે છે.
- ટ્રમ્પ સંસદના સહકાર વિના પોતાની મરજી મુજબ નિર્ણયો લાગુ કરી શકશે નહીં.
- ટ્રમ્પ માટે પોતાના નિર્ણયોનો અમલ કરવો મુશ્કેલ બનશે અને તેમના ઘણા પ્રસ્તાવો અટકી શકે છે.
- ટ્રમ્પ વિરુદ્ધ મહાભિયોગથી લઈને વિવિધ મામલાઓની તપાસ પણ ઝડપી બની શકે છે.
મિડટર્મ ચૂંટણીમાં હારવા છતાં ટ્રમ્પ અમેરિકાના રાષ્ટ્રપતિ બની રહેશે, પરંતુ તેમની સત્તા અને નિર્ણયો લેવાની ક્ષમતા પર મોટાં નિયંત્રણો આવી શકે છે. ટ્રમ્પ મનસ્વી રીતે યુદ્ધ માટે બજેટ માંગી શકશે નહીં અને તેને મંજૂર કરાવવા માટે સંસદ પર દબાણ પણ બનાવી શકશે નહીં.
18 વાર રાષ્ટ્રપતિની પાર્ટી મિડટર્મ ચૂંટણી હારી છે
ટ્રમ્પે એ જ કરવું પડશે, જે અમેરિકાની સંસદમાં ચૂંટાયેલા જનપ્રતિનિધિઓની બહુમતી ઈચ્છશે અને અમેરિકામાં આવું પહેલી વાર નહીં બને. છેલ્લા 76 વર્ષના ઇતિહાસમાં 18 વખત એવું બન્યું છે, જ્યારે વર્તમાન રાષ્ટ્રપતિની પાર્ટીને મિડટર્મ ચૂંટણીમાં હારનો સામનો કરવો પડ્યો છે.
- ઈરાન યુદ્ધ ટ્રમ્પ માટે બન્યું મુસીબત
- ટ્રમ્પના દાવા સામે ઈરાનનો પડકાર
- અમેરિકાની જનતા ટ્રમ્પ પાસે માંગે છે હિસાબ
- ઈરાન યુદ્ધથી અમેરિકાને શું મળ્યું?
- મિડટર્મ ચૂંટણી પહેલાં ટ્રમ્પની મુશ્કેલી વધી
પરંતુ ટ્રમ્પ માટે આ હારના અર્થ અલગ હોઈ શકે છે. કારણ કે ટ્રમ્પના કાર્યકાળ દરમિયાન દુનિયામાં યુદ્ધનું જોખમ વધ્યું હોવાની ચર્ચા થઈ રહી છે...એટલું જ નહીં, અમેરિકાના લોકોમાં એવી ધારણા પણ બની છે કે ટ્રમ્પે અમેરિકાની સમગ્ર વિદેશનીતિને નુકસાન પહોંચાડ્યું છે..
