SOCIAL MEDIA

Newsletter

PARTNER SITES
Select Language Select State

એર ટ્રાફિક કંટ્રોલ સિસ્ટમ 50 વર્ષ જુની, સિસ્ટમ અપગ્રેડ કરવા કોંગ્રેસએ ફંડ આપવાની જરૂર: ડોનાલ્ડ ટ્રંપ

US Air Traffic Control: અમેરિકામાં એર ટ્રાફિક કંટ્રોલ સિસ્ટમ ઠપ્પ થતા દેશની હજારો ફ્લાઈટ્સને અસર થઈ હતી જેના કારણે લોકોને પણ હાલાકીનો સામનો કરવો પડ્યો છે. આ સમસ્યા અંગે રાષ્ટ્રપતિ ટ્રંપ એ પ્રતિક્રિયા આપી છે.

Written By Krupa Shah
Published: Nov 16, 2026, 08:10 AM IST | Updated: Nov 16, 2026, 08:13 AM IST
Join

US Air Traffic Control: શુક્રવારે અમેરિકામાં અચાનક જ હજારો ફ્લાઇટને ગ્રાઉન્ડ સ્ટોપના આદેશ આપી દેવામાં આવ્યા હતા. જેના કારણે હવાઈ મુસાફરી પ્રભાવિત થઈ હતી અને અનેક લોકો એરપોર્ટ પર ફસાયા હતા. આ પહેલી વખત હતું જ્યારે વર્ષો પછી અમેરિકામાં દેશવ્યાપી ગ્રાઉન્ડ સ્ટોપના આદેશ અપાયા હોય. આ સમસ્યા શા માટે થઈ અને હવે શું કરવું જોઈએ તેને લઈને રાષ્ટ્રપતિ ડોનાલ્ડ ટ્રમ્પે પ્રતિક્રિયા આપી છે. સાથે જ રાષ્ટ્રપતિ ડોનાલ્ડ ટ્રમ્પે કોંગ્રેસ પાસેથી વધારાના ફંડની માંગ પણ કરી લીધી છે.

આ પણ વાંચો: SpaceX: સ્પેસએક્સને મળી મોટી સફળતા, અંતરિક્ષમાંથી પરત ફરેલું સ્પેસક્રાફ્ટ લોન્ચ ટાવરમાં થયું લેન્ડ, જુઓ Video

અમેરિકામાં સર્જાયેલી એર ટ્રાફિક સિસ્ટમની સમસ્યા અંગે રાષ્ટ્રપતિ ડોનાલ્ડ ટ્રમ્પનું કહેવું છે કે હાલ અમેરિકામાં જે એર ટ્રાફિક કંટ્રોલ સિસ્ટમ છે તે 50 વર્ષ જૂની છે. જે ઘટના તાજેતરમાં બની તેના પછી સ્પષ્ટ થઈ ગયું છે કે આ સિસ્ટમને હવે ઝડપથી અપડેટ કરવાની જરૂર છે. જણાવી દઈએ કે શુક્રવારે બપોરે અમેરિકામાં દેશવ્યાપી ગ્રાઉન્ડ સ્ટોપના આદેશ અપાયા હતા એટલે કે કોઈપણ ફ્લાઈટ ટેક ઓફ કરી શકે નહીં. આ આદેશ પછી હજારો યાત્રીઓ એરપોર્ટ પર ફસાઈ ગયા હતા અને તેમને હાલાકીનો સામનો કરવો પડ્યો હતો. આ ઘટના પછી સોમવારે રાષ્ટ્રપતિ ડોનાલ્ડ ટ્રમ્પની પ્રતિક્રિયા સામે આવી.

ડોનાલ્ડ ટ્રમ્પે સોશિયલ મીડિયા પ્લેટફોર્મ પર એક પોસ્ટ કરી અને જણાવ્યું કે એર ટ્રાફિક કંટ્રોલ સિસ્ટમને અપગ્રેડ કરવાનું કામ શરૂ થઈ ગયું છે. સાથે જ તેમણે કોંગ્રેસ પાસેથી વધારાનો ફંડની માંગ પણ કરી છે. તેમણે પોસ્ટમાં લખ્યું છે કે જો કોંગ્રેસ એર ટ્રાફિક કંટ્રોલ માટે અત્યંત જરૂરી ફંડને મંજૂરી આપે છે તો ઝડપથી નવી સિસ્ટમ તૈયાર થઈ જશે. જો નવી સિસ્ટમ મળે તો અમેરિકા પાસે સૌથી શ્રેષ્ઠ સિસ્ટમ હશે. અત્યારે અમેરિકાની જે એર કંટ્રોલ સિસ્ટમ છે તે 50 વર્ષે જૂની છે જે હાસ્યસ્પદ ગણાય.

આ પણ વાંચો: Strait of Hormuz: હોર્મુઝમાંથી પસાર થતાં 3 જહાજ સળગ્યા, જહાજ લેન્ડમાઇન્સ સાથે ટકરાયાનો ઈરાની સેનાનો દાવો

એર ટ્રાફિક કંટ્રોલ સિસ્ટમમાં જે ખરાબી સર્જાઈ હતી તેનું ઠીકરું રાષ્ટ્રપતિ ટ્રમ્પે પૂર્વ રાષ્ટ્રપતિ જો બાઈડન પર પણ ફોડ્યું હતું. ડોનાલ્ડ ટ્રમ્પે પોસ્ટમાં લખ્યું કે જો બાઈડન સરકારે એફએએ અને એર ટ્રાફિક કંટ્રોલ સિસ્ટમની યોગ્ય રીતે જાળવણી કરી નહીં. સિસ્ટમ પહેલાથી જ ખરાબ હતી અને જો બાઈડનના પ્રશાસનમાં તેની સ્થિતિ વધારે ખરાબ થઈ ગઈ.

ઉલ્લેખનીય છે કે ગ્રાઉન્ડ સ્ટોપના આદેશ પછી હવાઈ પરિવહન શરુ કરવામાં આવ્યું છે પણ હજુ પણ ઘણી ફ્લાઈ્ટસના સંચાલનમાં સમસ્યા છે. અનેક ફ્લાઈટ્સ નિર્ધારિત સમય કરતાં મોડી થઈ રહી હોવાનું જાણવા મળે છે.
 

Add Zee News as a Preferred Source
TAGS:

About the Author

કૃપા શાહ સબ એડિટર તરીકે Zee 24 કલાક સાથે કાર્યરત. દેશ-વિદેશના સમાચારો સાથે ધાર્મિક, સ્વાસ્થ્ય, મનોરંજન, લાઈફસ્ટાઈલ જેવા વિષયો પર ઊંડાણપૂર્વક માહિતી આપતી સ્ટોરીઓમાં રસ છે. 13 વર્ષથી પત્રકારત્વનો અનુભવ છે. બી એ બાદ સૌરાષ્ટ્ર યુનિવર્સિટીમાંથી MJMC ડીગ્રી મેળવી છે. અગાઉ સંદેશ, આજકાલ, અબતક, ગુજરાત સમાચાર સાથે કામ કર્યું છે. વર્ષ 2022 થી ઝી મીડિયા સાથે જોડાયેલા છે.
Read More

ZEENEWS TRENDING STORIES