બાપ જેવો જ દીકરો! 23 વર્ષની નજમેહ અમીનીને ફાંસીનો આદેશ, જાણો કોણ છે આ છોકરી

Najmeh Amini : 23 વર્ષીય નજમેહ અમીની ઈરાનની સત્તા સામે અવાજ ઉઠાવનાર એવી યુવતી છે, જેણે સુપ્રીમ લીડર આયાતુલ્લાહ ખામેનેઈ જીવિત હતા ત્યારે સરકારનો વિરોધ કર્યો હતો પરંતુ તેને મોતની સજા સંભળાવવામાં આવી છે ઈરાનના ત્રીજા સુપ્રીમ લીડર મોજતબા ખામેનેઈના શાસનકાળમાં. જો કે, મોજતબા ખામેનેઈ પોતે ક્યાં છે અને કઈ સ્થિતિમાં છે, તે અંગે પણ સ્પષ્ટ માહિતી નથી.

• ઈરાનમાં યુવતીને ફાંસીની સજા
• નજમેહ અમીનીના કેસથી ઈરાનમાં ખળભળાટ
• સરકાર વિરોધી પોસ્ટ બદલ મોતની સજા
• 23 વર્ષીય વિદ્યાર્થિની પર ગંભીર આરોપ
• સુપ્રીમ કોર્ટમાં અપીલનો વિકલ્પ હજુ ખુલ્લો

પરંતુ નજમેહ અમીનીને ફાંસીની સજા સંભળાવ્યા બાદ ઈરાનમાં ફરી એકવાર ખળભળાટ મચી ગયો છે...

યુદ્ધ શરૂ થવાના બરાબર પહેલાં પણ આવી જ સ્થિતિ સર્જાઈ હતી. જ્યારે હજારો લોકો ઈરાનની કટ્ટરપંથી સત્તા સામે પોતાની ફરિયાદો લઈને રસ્તા પર ઊતરી આવ્યા હતા. ઈરાન સરકારે આ પ્રદર્શનોને દબાવવાનો પ્રયાસ કર્યો હતો. આ દરમિયાન અમેરિકાએ ઈરાન પર હુમલો કર્યો હતો.

હાલમાં અમેરિકા સાથેનું યુદ્ધ અટક્યું છે પરંતુ ઈરાનના કટ્ટર ઇસ્લામિક શાસન દ્વારા નજમેહ અમીની જેવી વિરોધીઓ સામેની કાર્યવાહી ચાલુ છે. 7 ઑક્ટોબરે ઈશ્વરની નિંદા કરવાના આરોપસર અમીનીને ફાંસીની સજા સંભળાવવામાં આવી હતી.

નજમેહને શા માટે સંભળાવવામાં આવી મોતની સજા?        

• અમીની ઈરાનની 23 વર્ષીય એકાઉન્ટિંગની વિદ્યાર્થીની છે
• જાન્યુઆરી 2026માં સરકાર વિરોધી પ્રદર્શનો દરમિયાન તેની અટકાયત કરવામાં આવી હતી
• ફેબ્રુઆરીમાં ઑનલાઇન પ્રવૃત્તિઓને કારણે તેની ફરી ધરપકડ કરવામાં આવી હતી
• અમીની પર ઈરાન સરકાર વિરુદ્ધ દુષ્પ્રચાર કરવાનો અને ઈશ્વરની નિંદા કરવાનો આરોપ છે
• ઈરાનની ઈસ્લામિક દંડ સંહિતાની કલમ 262 હેઠળ મોતની સજાની જોગવાઈ છે
• પયગંબર મુહમ્મદ અથવા શિયા ધર્મની આદરણીય હસ્તીઓનું અપમાન કરવા બદલ આ સજા થઈ શકે છે

કોઈનું અપમાન કરવાનો ઈરાદો નહોતો

ઈરાની અખબાર 'ખોરાસાન'ના અહેવાલ મુજબ, અમીનીએ પોતાના બચાવમાં એમ પણ કહ્યું હતું કે તેણે મિત્રો સાથે સાઇકેડેલિક મશરૂમ્સ લીધા હતા. ઈરાનમાં આને નશાકારક મશરૂમ્સ તરીકે ઓળખવામાં આવે છે. તેનું સેવન કર્યા બાદ તે ભ્રમની સ્થિતિમાં હતી અને તે દરમિયાન તેણે કેટલીક પોસ્ટ કરી હતી. તેનો કોઈનું અપમાન કરવાનો ઈરાદો નહોતો. તેણે આંતરરાષ્ટ્રીય સંગઠનોને કરેલી અપીલમાં પણ આ વાત જણાવી છે..

અમીનીને સંભળાવવામાં આવેલી મોતની સજા હજુ અંતિમ નથી અને તેની વિરુદ્ધ ઈરાનની સુપ્રીમ કોર્ટમાં અપીલ કરી શકાય છે. જો કે, અમીનીને સજા સંભળાવવાના સમાચાર એવા સમયે સામે આવ્યા છે, જ્યારે ઈરાનમાં ફાંસીની સજાના ઉપયોગને લઈને આંતરરાષ્ટ્રીય સ્તરે ચિંતા વ્યક્ત કરવામાં આવી રહી છે.