નસીબ આને કહેવાય! અમેરિકાનો ભંગારનો વેપારી રાતો રાત બની ગયો કરોડપતિ, જાણો શું હાથ લાગ્યો ખજાનો

Imperial Faberge egg scrap dealer : અમેરિકાના એક ભંગારના વેપારીના હાથમાં એવો ખજાનો લાગ્યો. જેણે તેની કિસ્મત જ બદલી નાખી. આ વેપારી રાતોરાત કરોડપતિ બની ગયો. આ તસવીરો જુઓ.વેપારીની કિસ્મત બદલનાર આ જ એ ઈંડું છે!

• ભંગારમાંથી મળ્યું 312 કરોડનું શાહી ઈંડું
• માત્ર એક ઈંડાએ કિસ્મત બદલી નાખી
• 13 લાખનું ઈંડું 312 કરોડમાં વેચાયુ
• ભંગારમાંથી નીકળ્યો કરોડોનો ખજાનો
• ભંગારનો વેપારી બની ગયો કરોડપતિ

આ કહાની શરૂ થાય છે અમેરિકાના મિડવેસ્ટ વિસ્તારના એક નાના શહેરથી. જ્યાં ભંગારનો વ્યવસાય કરતો એક સામાન્ય માણસ રોજની જેમ ભંગાર શોધી રહ્યો હતો. એ દરમિયાન સ્થાનિક બજારમાં તેની નજર સોનાના એક નાના ઈંડા પર પડી. વેપારીને લાગ્યું કે આ સોનાનું બનેલું કોઈ જૂનું શણગારનું સાધન છે. તેણે વિચાર્યું કે જો આ ઈંડાને ઓગાળીને વેચી દેવામાં આવે, તો થોડો નફો મળી શકે!

આશરે 13 લાખ રૂપિયામાં ખરીદી લીધું.

વેપારીએ જરાય મોડું કર્યા વિના એ ઈંડું માત્ર 14 હજાર ડોલર એટલે કે આશરે 13 લાખ રૂપિયામાં ખરીદી લીધું. તેનો પ્લાન એકદમ સ્પષ્ટ હતો. ઈંડાને ભઠ્ઠીમાં ઓગાળવું, સોનું અલગ કરવું અને બજારમાં વેચીને થોડા પૈસા કમાઈ લેવા પરંતુ કિસ્મતને કંઈક અલગ જ મંજૂર હતું!

બજારમાં તેને સોનાની યોગ્ય કિંમત મળી રહી નહોતી. જેના કારણે એ ઈંડું ઘણા દિવસો સુધી તેની પાસે જ પડ્યું રહ્યું. એક દિવસ વેપારીએ ઈન્ટરનેટ પર ઈંડાની અંદર આવેલી ઘડિયાળ પર લખેલું નામ સર્ચ કર્યું અને ત્યારે જે હકીકત સામે આવી, તે જાણીને તેના હોશ ઊડી ગયા!

 3.3 કરોડ ડોલર એટલે કે લગભગ 312 કરોડ રૂપિયામાં વેચ્યું

આ ઈંડું રશિયાના શાસક ઝાર એલેક્ઝાન્ડર ત્રીજાએ વર્ષ 1887માં ઈસ્ટરના તહેવાર પર પોતાની પત્નીને ભેટમાં આપેલું 'ત્રીજું શાહી ઈસ્ટર ઈંડું' હતું, જે દાયકાઓ પહેલાં ગુમ થઈ ગયું હતું! આ ઐતિહાસિક ઈંડાની ઓળખ થયા બાદ એક પ્રાચીન વસ્તુઓના સંગ્રાહકે તેને આશરે 3.3 કરોડ ડોલર એટલે કે લગભગ 312 કરોડ રૂપિયામાં ખરીદી લીધું અને આ રીતે ભંગારના વેપારીની કિસ્મત રાતોરાત ચમકી ઊઠી!

આ ઈંડું સોના, કિંમતી હીરા અને નીલમથી બનેલું છે અને તેની અંદર એક પ્રતિષ્ઠિત ઘડિયાળ છુપાયેલી છે! ભંગારના વેપારીની કિસ્મત સંપૂર્ણપણે બદલાઈ ચૂકી હતી.જે માણસ ગઈકાલ સુધી બીજા લોકો દ્વારા ફેંકી દેવામાં આવેલી વસ્તુઓમાંથી પોતાનું ગુજરાન ચલાવતો હતો, તે આજે અબજોપતિઓની હરોળમાં આવી ગયો હતો!

સંજોગો બદલાતાં એક ક્ષણનો પણ સમય લાગતો નથી

આ કહાની એ વાતનો સૌથી મોટો પુરાવો છે કે જ્યારે કિસ્મત બદલાય છે, ત્યારે સંજોગો બદલાતાં એક ક્ષણનો પણ સમય લાગતો નથી! કહેવાય છે કે કિસ્મત મહેરબાન હોય તો ગધેડો પણ પહેલવાન બની જાય...પરંતુ આ કહાનીએ સાબિત કરી દીધું કે કિસ્મત મહેરબાન હોય તો ભંગાર પણ કોહિનૂર બની જાય!

રશિયાના શાહી પરિવારનું એ ખોવાયેલું ઈંડું આજે કોઈ મ્યુઝિયમ કે તિજોરીની શોભા વધારતું હશે પરંતુ એ ઈંડાએ એક સામાન્ય ભંગારના વેપારીની દુનિયા હંમેશ માટે બદલી નાખી!