ઝી ન્યૂઝ ગુજરાતી
/ગુજરાત
/સુરત
/કાળી કરતૂત! ગર્ભવતી મહિલાની લાચારીની મજબૂરીનો ફાયદો ઉઠાવનાર હવે જેલભેગો, નોકરી પણ જશે

કાળી કરતૂત! ગર્ભવતી મહિલાની લાચારીની મજબૂરીનો ફાયદો ઉઠાવનાર હવે જેલભેગો, નોકરી પણ જશે

એક ગર્ભવતી મહિલા, જે શારીરિક પીડામાં છે. એક લાચાર પતિ.. જે પોતાની પત્નીની સારવાર માટે હોસ્પિટલ જવા આજીજી કરી રહ્યો છે અને બીજી તરફ, સત્તાના નશામાં ચૂર એક એવો સરકારી અધિકારી, જેનામાં રહેલી માનવતા સાવ મરી પરવારી છે!. તમે અનેક લાંચકાંડ સાંભળ્યા હશે, પરંતુ સુરત મહાનગરપાલિકામાંથી જે કિસ્સો સામે આવ્યો છે, તે સાંભળીને ભલભલા ભ્રષ્ટાચારીઓ પણ શરમાઈ જશે.

Written ByKaran Rajput

Published: Sep 29, 2026, 02:45 PM IST|Updated: Sep 29, 2026, 04:21 PM IST

join share

કાળી કરતૂત! ગર્ભવતી મહિલાની લાચારીની મજબૂરીનો ફાયદો ઉઠાવનાર હવે જેલભેગો, નોકરી પણ જશે

Image Credit: SMC Security Officer

Surat Municipal Corporation : સુરત મહાનગરપાલિકામાં માનવતાને શરમાવે તેવી એક કાળી કરતૂત સામે આવી છે, જ્યાં એક લાંચિયા અધિકારીની સંવેદનહીનતા પરાકાષ્ઠાએ પહોંચી ગઈ!. જી હા તાપીપુરા વોચ એન્ડ વોર્ડ વિભાગના સિક્યુરિટી ઓફિસર શૈલેષ મણીલાલ પારેખે સરકારી નોકરીના પાવરમાં માનવતાને નેવે મૂકી દીધી હતી.

SMCમાં લાંચકાંડ
લાંચિયો શૈલેષ રંગેહાથ ઝડપાયો
25 હજારની લાંચ પડી ભારે

શૈલેષ પારેખે સીધી 25 હજારની લાંચ માંગી લીધી

ફરિયાદી કર્મચારીની પત્ની સગર્ભા હતી. ગર્ભવતી પત્નીની સારવાર માટે પતિને અવારનવાર હોસ્પિટલ જવું પડતું હતું. આવી ગંભીર અને નાજુક પરિસ્થિતિમાં પણ આ લાંચિયા અધિકારીનું દિલ ન પીગળ્યું. ફરજ દરમિયાન સારવાર માટે જવા દેવા, ગેરહાજર ન દર્શાવવા અને મેમો ન આપવાના બદલામાં શૈલેષ પારેખે સીધી 25 હજારની લાંચ માંગી લીધી! એક ગર્ભવતી મહિલાની લાચારી પર તરાપ મારતા આ અધિકારીને સહેજ પણ શરમ ન આવી.

ACBની ટીમે તાત્કાલિક છટકું ગોઠવ્યું

પરંતુ, આ પાપના ઘડાનો અંત નિશ્ચિત હતો. ફરિયાદી કર્મચારી લાંચ આપવા બિલકુલ ઈચ્છતો નહોતો. તેણે હિંમત બતાવી સુરત ACBનો સંપર્ક કર્યો. ACBની ટીમે તાત્કાલિક છટકું ગોઠવ્યું અને જેવો જ શૈલેષ પારેખ પોતાની જ સિક્યુરિટી ઓફિસરની ચેમ્બરમાં ફરિયાદી પાસેથી 25,000ની કડકડીતી નોટો સ્વીકારવા ગયો, ત્યાં જ છુપાઈને બેઠેલી ACBની ટીમે તેના પર તરાપ મારી!.

SMCમાં લાંચકાંડ
સિક્યુરિટી ઓફિસર ACBના સકંજામાં
25 હજારની લાંચ લેતા ઝડપાયો
મેમોથી બચવા માંગી લાંચ
ACBના ટ્રેપમાં રંગેહાથ ઝડપાયો

લાંચિયા શૈલેષ પારેખની રંગેહાથ ધરપકડ કરવામાં આવી છે અને લાંચની પૂરેપૂરી રકમ રિકવર કરી લેવાઈ છે. ક્લાસ-3ના આ અધિકારીના પાપે આખા સુરત મનપા વર્તુળમાં ચકચાર મચાવી દીધી છે. જે પાવરના જોરે તે લાંચ માંગતો હતો, તે જ પાવર હવે ACBએ જેલના સળિયા પાછળ ધકેલી દીધો છે...

આવા સંવેદનહીન અધિકારીઓ સમાજ અને સરકારી તંત્ર પર કલંક સમાન છે, જેમને હવે ACBએ કાયદાનો બરાબર પાઠ ભણાવ્યો છે.

પાવર અને હોદ્દાના નશામાં ચૂર

સુરત મનપાનો આ કિસ્સો તમામ સરકારી બાબુઓ માટે લાલબત્તી સમાન છે...પાવર અને હોદ્દાના નશામાં ચૂર થઈને જેઓ ગરીબ અને લાચાર પ્રજાના લોહી-પરસેવાના પૈસા પર નજર બગાડે છે, તેમણે હવે સુધરી જવાની જરૂર છે. ગર્ભવતી મહિલાની લાચારીની મજબૂરીનો ફાયદો ઉઠાવનારા આ શૈલેષ પારેખ જેવા ભ્રષ્ટ અધિકારીઓ સરકારી તંત્રની છબી ખરડી રહ્યા છે, પણ તેઓ ભૂલી જાય છે કે કાયદાના હાથ બહુ લાંબા છે.

Add Zee News as a Preferred Source

TAGS:

Gujarati News

About the Author

Karan Rajput

કરણ રાજપૂત ગુજરાતના અગ્રણી અને પ્રતિષ્ઠિત પત્રકારો તથા ડિજિટલ મીડિયા લીડર્સમાં ગણાય છે. પત્રકારત્વ ક્ષેત્રે તેમને ૨3 વર્ષોથી વધુનો સમૃદ્ધ અને દીર્ઘ અનુભવ છે. પોતાની લાંબી અને સફળ કારકિર્દી દરમિયાન તેમણે પ્રિન્ટ અને ડિજિટલ એમ બંને માધ્યમોમાં મહત્વપૂર્ણ ભૂમિકાઓ ભજવી છે.વર્તમાનમાં તેઓ Zee 24 Kalak માં ડિજિટલ લીડ (Digital Lead) તરીકે સેવા આપી રહ્યા છે. આ પદ પર રહીને તેઓ ડિજિટલ કન્ટેન્ટ સ્ટ્રેટેજી, ન્યૂઝરૂમના ડિજિટલ ટ્રાન્સફોર્મેશન અને હાયપર-લોકલ ટ્રાફિકને નોંધપાત્ર રીતે વધારવાની રણનીતિનું સફળ નેતૃત્વ કરી રહ્યા છે. ડેટા-ડ્રિવન કન્ટેન્ટ અને આધુનિક ટેકનોલોજીના પ્રયોગો દ્વારા ન્યૂઝરૂમને નવી ઊંચાઈઓ પર લઈ જવામાં તેમને વિશેષ મહારત છે. મર્યાદિત અને ઓછા સ્ટાફ સાથે પણ શ્રેષ્ઠ પરિણામો આપવાની તેમની ક્ષમતા તેમને એક સક્ષમ સંપાદક બનાવે છે. ગુજરાતના અગ્રણી અખબારો જેમ કે ગુજરાત સમાચાર, સંદેશ અને દિવ્ય ભાસ્કરમાં મહત્વપૂર્ણ જવાબદારીઓ સંભાળી છે. આ સિવાય તેઓ ગુજરાત સમાચારની ચેનલ GSTVના તેઓ ડિજિટલ એડિટર રહી ચૂકયા છે.એગ્રીકલ્ચર (કૃષિ) ક્ષેત્રે ઉત્કૃષ્ટ પત્રકારત્વ માટે તેમને બે રાષ્ટ્રીય પુરસ્કારોથી સન્માનિત કરવામાં આવ્યા છે. પડકારોને તકમાં બદલવાની સૂઝબૂઝ, સાહસિક નિર્ણયો અને સતત નવીન કન્ટેન્ટ પ્રયોગો (Content Experiments) થકી તેમણે મીડિયા જગતમાં એક આગવી અને મજબૂત ઓળખ બનાવી છે.