કેનેડામાં રોડ અકસ્માતમાં ગાંધીનગરના યુવક સહિત 4નાં મોત; મૃતદેહ વતન લાવવા પિતાની સરકારને કરૂણ અપીલ

Hiren Asodiya Death Canada Accident: કેનેડામાં એક અકસ્માતમાં ગાંધીનગરના દશેલા ગામના યુવક સહિત 4 ભારતીયોના કરૂણ મોત નીપજ્યા છે. ગાંધીનગરનો હિરેન આસોડિયા છેલ્લા 5 વર્ષથી અભ્યાસ કરવા માટે કેનેડા ગયો હતો. એટલું જ નહીં, અકસ્માત થયો તેના પહેલાં જ તેણે પોતાની માતા સાથે છેલ્લી વાતચીત કરી હતી અને ત્યારબાદ મિત્રની બર્થ-ડે પાર્ટીમાં જવા નીકળ્યો હતો, જ્યાં આ ગમખ્વાર દુર્ઘટના ઘટી હતી. આજે આ ઘટનાને એક અઠવાડિયાથી વધુ સમય વીતી ગયો હોવા છતાં મૃતદેહ વતન ન પહોંચતા પરિવાર ભારે આઘાત અને ચિંતામાં ગરકાવ થઈ ગયો છે.

તબાહી મચાવવા તૈયાર છે ખૂંખાર વાવાઝોડું 'અર્નબ', દેશના 4 રાજ્યોમાં મોટો ખતરો, શું ગુજરાતમાં વરસાદ પડશે?

મર્સિડીઝ અને ટો ટ્રક વચ્ચે ગમખ્વાર ટક્કર
આ ઘટના વિશે જણાવીએ કે કેનેડામાં 18 ઓક્ટોબરના રોજ આ દુર્ઘટના બની હતી, જેમાં એક મર્સિડીઝ પેસેન્જર વાન અને ટો ટ્રક વચ્ચે સામસામે જોરદાર ટક્કર થઈ હતી. પોલીસ તપાસના પ્રાથમિક અહેવાલ મુજબ, પશ્ચિમ તરફ જઈ રહેલી મર્સિડીઝ વાન સામેથી આવીને ટ્રક સ્ટોપ તરફ ડાબી બાજુ વળી રહેલા ટો ટ્રક સાથે અથડાઈ હતી. ઘટનાની ગંભીરતાને ધ્યાનમાં રાખીને રોયલ કેનેડિયન માઉન્ટેડ પોલીસ (RCMP)ના એક્સિડન્ટ ઇન્વેસ્ટિગેશન યુનિટે ઘટનાસ્થળે પહોંચી ઊંડાણપૂર્વક તપાસ હાથ ધરી છે.

દીકરાના મોતના સમાચારથી ભાંગી પડેલા પરિવારની પીડા છલકાઈ
આ ઘટનાને એક અઠવાડિયાથી વધારેનો સમય વીતી ગયો છે, છતાં કેનેડામાં કાયદાકીય અને વહીવટી પ્રક્રિયાના કારણે ગાંધીનગરના હિરેનનો મૃતદેહ ભારત લાવી શકાયો નથી. દીકરાના મોતના સમાચારથી ભાંગી પડેલા પરિવારની પીડા અને ચિંતામાં મૃતદેહ મેળવવામાં થઈ રહેલા વિલંબને કારણે સતત વધારો થઈ રહ્યો છે.

Gujarat News Live: અમદાવાદ-રાજકોટમાં ભાજપની પદયાત્રા, 25 કરોડના ડ્રગ્સ કેસના આરોપી પર ફાયરિંગ, અમદાવાદમાં દુર્ઘટનામાં 2નાં મોત

હિરેનના પિતા બાબુભાઈ પરમારે ભારત સરકાર સમક્ષ ભારે હૈયે મદદની કરી અપીલ
હિરેનના પિતા બાબુભાઈ પરમારે ભારત સરકાર સમક્ષ ભારે હૈયે મદદની અપીલ કરી છે. તેમણે માંગ કરી છે કે કેનેડા સ્થિત ભારતીય દૂતાવાસ અને સ્થાનિક અધિકારીઓ સાથે તાત્કાલિક ધોરણે ઉચ્ચ સ્તરીય વાતચીત કરી જરૂરી પ્રક્રિયા ઝડપી બનાવવામાં આવે.

સમગ્ર દશેલા ગામમાં ઘેરા શોકની કાલિમા છવાઈ ગઈ, અંતિમ દર્શન માટે રાહ જોતો પરિવાર
હિરેનના મોટા મમ્મી પુષ્પાબેને જણાવ્યું હતું કે, "ગત 17 ઓક્ટોબરના રોજ હિરેન સાથે વાત થઈ હતી. તેમણે જણાવ્યું હતું કે તે પોતાના મિત્રની બર્થ-ડે પાર્ટીમાં જઈ રહ્યો છે. પરંતુ તે પછી તેના અકસ્માતના આઘાતજનક સમાચાર મળ્યા હતા. હાલમાં સમગ્ર દશેલા ગામમાં ઘેરા શોકની કાલિમા છવાઈ ગઈ છે અને પરિવાર પોતાના દીકરાના પાર્થિવ દેહના અંતિમ દર્શન અને તેની અંતિમવિધિ કરવા માટે અધીરો બન્યો છે. પિતા સહિત સમગ્ર પરિવાર સરકાર પાસે મદદની આશ લગાવીને બેઠો છે.

અમદાવાદમાં ફિલ્મી ઢબે ફાયરિંગ! 25 કરોડના ડ્રગ્સ કેસના આરોપીના પગમાં વાગી ગોળી

સમાચારના મુખ્ય અંશ:-

• કેનેડામાં અકસ્માતમાં ગાંધીનગરના યુવક સહિત 4નાં મોત  --
• ગમખ્વાર અકસ્માતમાં 4 ભારતીયોના થયા હતા મોત  --
• 18 ઓક્ટોબરે બ્રિટિશ કોલંબિયામાં સર્જાયો હતો અકસ્માત  --
• અકસ્માતમાં દશેલાના હિરેન આસોડિયાનું થયું હતું મોત  --
• હિરેન છેલ્લા 5 વર્ષથી અભ્યાસ માટે કેનેડામાં રહેતો હતો  --
• યુવકનો મૃતદેહ વતન પરત ન આવતાં પરિવાર ચિંતિત  --
• અઠવાડિયાથી વધુ સમય થયો છતાં મૃતદેહ ન પહોંચતા પરિવાર ચિંતિત --
• હિરેનના પિતાએ ભારત સરકાર સમક્ષ મદદની અપીલ કરી  --
• હિરેનનો મૃતદેહ વહેલી તકે ભારતમાં લાવવમાં આવે તેવી માગ  --
• હિરેનના મોતથી દશેલા ગામમાં શોકનો માહોલ  --