વડોદરામાં PNG ગેસ કનેક્શન માટે ‘મહામારી’; 6થી 8 મહિનાનું વેઇટિંગ, હજારો અરજીઓ વચ્ચે લાગી લાંબો કતારો!
Vadodara Gas: વડોદરામાં ગેસ લાઇન માટે 6 થી 8 મહીનાનું વેઈટિંગ ચાલી રહ્યું છે. નવા ગેસ કનેક્શન મેળવવા વડોદરાવાસીઓ વલખાં મારી રહ્યા છે. અમેરિકા ઈરાન વચ્ચે યુદ્ધ બાદ ગેસ લાઈનની માંગ વધી. છેલ્લા એક વર્ષથી હજારો અરજીઓ હાલમાં પેન્ડિંગ છે. હાલમાં શહેરમાં 3 લાખ લોકો પાઈપલાઈનથી ગેસ મેળવી રહ્યા છે. હાલમાં વડોદરા ગેસ લિમિટેડ કંપની 10 એજન્સી દ્વારા રોજ 250 જેટલા કનેક્શન આપી રહી છે. ગ્રાહકોએ વહેલીતકે ગેસ કનેક્શન આપવા અને કામગીરી ઝડપી કરવા માંગ કરી.
રવિ અગ્રવાલ/વડોદરા: વડોદરાના દાંડિયાબજાર સ્થિત VGL ઓફિસ બહાર આજકાલ રોજ સવારે નવા કનેક્શન માટે લાંબી કતારો જોવા મળે છે. અમેરિકા અને ઈરાન વચ્ચેના તણાવ અને યુદ્ધની સ્થિતિ બાદ એલપીજી સિલિન્ડરના વિકલ્પ તરીકે પાઈપલાઈન ગેસની માંગ અચાનક વધી ગઈ છે. માત્ર રહેણાંક જ નહીં, પરંતુ કોમર્શિયલ ગેસ કનેક્શનો માટે પણ પડાપડી થઈ રહી છે.
સાબરમતી જેલમાં લોરેન્સ પર '200 ખોલી' વાળો પહેરો: 7.5x11ની કાલકોઠડીમાં પુરાયો ગૅંગસ્ટર, જેલમાં બંધ છતાં કેવી રીતે ચાલે છે નેટવર્ક?
6થી 8 મહિનાનું વેઇટિંગ, હજારો અરજીઓ અટવાઈ!
હાલ વડોદરા શહેરમાં અંદાજે 3 લાખ લોકો પાઈપલાઈન દ્વારા ગેસ મેળવી રહ્યા છે. વડોદરા ગેસ લિમિટેડ કંપની દ્વારા 10 એજન્સીઓની મદદથી રોજના અંદાજે 250 નવા કનેક્શન આપવામાં આવી રહ્યા છે, જે વધતી જતી માંગ સામે ખૂબ જ ઓછા છે. છેલ્લા એક વર્ષથી હજારો અરજીઓ પેન્ડિંગ હોવાથી નાગરિકોમાં રોષ જોવા મળી રહ્યો છે.
જ્યાંથી દેશમાં ગેસ લાઈન શરૂ થઈ ત્યાં જ તંગી!
ઉલ્લેખનીય છે કે, દેશમાં સૌપ્રથમવાર વડોદરા શહેરમાં જ પાઈપલાઈનથી ગેસ કનેક્શન આપવાની શરૂઆત થઈ હતી. તેમ છતાં, વર્તમાન સમયમાં તંત્રની ગોકળગાય ગતિએ ચાલતી કામગીરીના કારણે શહેરીજનો સમયસર ગેસ કનેક્શન મેળવી શકતા નથી. PNG ગેસના ભાવમાં વધારો થયો હોવા છતાં લોકોની ડિમાન્ડ અટકવાનું નામ નથી લઈ રહી. VGL કંપનીના અધિકારી કહી રહ્યા છે કે લોકોને ઝડપથી નવા ગેસ કનેક્શન મળી જાય તે માટે કામગીરી કરાઈ રહી છે.
અમદાવાદની શાળાઓને ફરી મળી બોમ્બથી ઉડાવવાની ધમકી: પોલીસ-બોમ્બ સ્ક્વોડ એલર્ટ, બાળકોને સુરક્ષિત ઘરે મોકલાયા
VGL ઓફિસ બહાર ગ્રાહકોનો ભારે રોષ
ગ્રાહકોની સ્પષ્ટ માંગ છે કે VGL કંપની દ્વારા કામગીરી વધુ ઝડપી બનાવવામાં આવે અને વેઇટિંગ પિરિયડ ઘટાડીને વહેલી તકે કનેક્શન ફાળવવામાં આવે, જેથી સામાન્ય જનતાને પડી રહેલી હાલાકીમાંથી રાહત મળી શકે. હાલમાં હજારો નવા ગેસ કનેક્શનની અરજી પેન્ડિંગ છે ત્યારે કેટલા સમય સુધી લોકોને હજી PNG ગેસ માટે રાહ જોવી પડશે તે સવાલ ઉઠી રહ્યો છે.
સમાચારના અંશો:-
- VGLની ગોકળગાય ગતિથી વડોદરાવાસીઓ પરેશાન!
- વડોદરામાં ગેસ કનેક્શન માટે લાગી લાંબી કતારો
- PNG ગેસના ભાવ વધ્યા છતાં માંગમાં મોટો ઉછાળો
- VGL ઓફિસ બહાર ગ્રાહકોનો ભારે રોષ
- LPG કરતા PNG તરફ વળ્યા વડોદરાવાસીઓ
