લિવ-ઈન રિલેશનનો કરૂણ અંજામ! હવે ગમે તે થાય મનીષાનો ખેલ પાડી દેવો, શંકાના વહેમમાં પ્રેમનો અંત

ચિરાગ જોષી, વડોદરા : ગુજરાત સહિત ભારત ભરમાં આજકાલ પોતાના સંબંધો ઉપર શક કરવો એ હવે આદત બની ગઈ છે. સોશિયલ મીડિયાના આ આધુનિક જમાનામાં પવિત્ર સંબંધોમાં પણ હવે વિશ્વાસ નથી રહ્યો તેવી સ્થિતિના કિસ્સાઓ અવાર-નવાર સામે આવી રહ્યા છે, ત્યારે વડોદરા જિલ્લાના શિનોર તાલુકાના છાણભોઈ ગામે પણ એક કાળજું કંપાવી દેનારો લોહિયાળ કિસ્સો બનવા પામ્યો છે.

42 વર્ષીય મનીષાબેન વસાવાના પતિનું 10 વર્ષ પૂર્વે અવસાન થયું હતું ત્યારબાદ ઘરનો સહારો મેળવવા અને જિંદગીનું ગુજરાન ચલાવવા માટે મનીષાબેને છાણભોઈ ગામના જ સતીશ વસાવા સાથે મૈત્રી કરાર કરીને લિવ-ઈન રિલેશનમાં રહેવાનું શરૂ કર્યું હતું. આ મૈત્રી કરાર છેલ્લા બે વર્ષથી ચાલતો હતો. શરૂઆતમાં તો બંને ખુશ-ખુશાલ રહેતા હતા, પરંતુ સમય જતાં જ આરોપી સતીશ વસાવાના મગજ પર શંકાનું ભૂત સવાર થઈ ગયું! તે અવાર-નવાર મનીષાને શંકાની નજરે જોતો હતો અને આ જ વહેમ ઘરમાં છાસવારે થતા ભારે ઝઘડાનું મુખ્ય કારણ બની ગયો હતો.

• લિવ-ઈન રિલેશનનો કરૂણ અંજામ
• શંકા એવી કે...સંબંધ બન્યો મોતનું કારણ!
• 42 વર્ષની મહિલા બની શંકાનો શિકાર

ગત તારીખ 03 ઓક્ટોબરના દિવસે પણ કંઈક એવું જ થયું. સાંજના સુમારમાં મનીષાના ચરિત્ર પર શંકા રાખીને આવેલા સતીશ વસાવાએ જોરદાર ઝઘડો શરૂ કર્યો હતો, જે ઝઘડો આખરે મોતનું કારણ બની ગયો! રાત્રિના સમયે શરૂ થયેલો આ વિવાદ છેક સવાર સુધી ચાલ્યો. ગુસ્સામાં અંધ બનેલા આરોપી સતીશ વસાવાએ રાત્રે જ મનમાં નક્કી કરી લીધું હતું કે હવે ગમે તે થાય, મનીષાનો ખેલ પાડી દેવો છે.

• લિવ-ઈન રિલેશનનો કરૂણ અંજામ
• શંકાએ સંબંધને બનાવ્યો લોહિયાળ
• 42 વર્ષની મહિલાનો લેવાયો જીવ
• શંકાના વહેમમાં પ્રેમનો અંત
• સૂતી મહિલા પર કુહાડીથી હુમલો

માથાના ભાગમાં ઉપરા-છાપરી કુહાડીના જીવલેણ ઘા ઝીંકી દીધા!

અને તારીખ 04 ઓક્ટોબરની સવારે એ કાળમુખો દિવસ ઉગ્યો. સવારે અંદાજે 8:00 વાગ્યાના સુમારમાં જ્યારે મનીષા વસાવા ઘરમાં બેફિકર થઈને સુઈ રહી હતી, બરાબર એ જ સમયે ઘાતકી બનેલા આરોપી સતીશ વસાવાએ તેના માથાના ભાગમાં ઉપરા-છાપરી કુહાડીના જીવલેણ ઘા ઝીંકી દીધા! માથાના ભાગે ગંભીર ઈજાઓ થતાં મનીષાબેન ઘટનાસ્થળે જ લોહીના ખાબોચિયામાં ઢળી પડ્યા અને દમ તોડી દીધો. સમગ્ર ઘટનાની જાણ આજુબાજુના લોકોને થતાં જ તાત્કાલિક અસરથી પોલીસને જાણ કરવામાં આવી હતી...

શંકાની આગમાં તેણે આ કરપીણ હત્યાને અંજામ આપ્યો 
શિનોર પોલીસે ઘટનાસ્થળે પહોંચી તપાસનો ધમધમાટ શરૂ કર્યો હતો. પોલીસને જાણવા મળ્યું કે મનીષા અને સતીશ છેલ્લા બે વર્ષથી નવીનગરીમાં સાથે રહેતા હતા. પોલીસે ગણતરીના કલાકોમાં જ હત્યારા સતીશ વસાવાની કિલ્લેબંધી કરી તેને ઝડપી લીધો હતો. પોલીસની કડક પૂછપરછમાં પાપી પ્રેમીએ કબૂલાત કરી હતી કે, તેને મનીષા ઉપર વહેમ હતો અને એ જ શંકાની આગમાં તેણે આ કરપીણ હત્યાને અંજામ આપ્યો છે. પોલીસે આરોપીની ધરપકડ કરી જેલના સળિયા પાછળ ધકેલી દીધો છે...

જેની સાથે જીવવા-મરવાના કરાર કર્યા...

અહીં સૌથી મોટો સવાલ એ ઊભો થાય છે કે, સંબંધોમાં વધતો જતો આ અવિશ્વાસ માણસને આટલો નિર્દય કેમ બનાવી રહ્યો છે? સોશિયલ મીડિયાના આ યુગમાં લોકોના મગજ એટલા કેમ ભ્રષ્ટ થઈ રહ્યા છે કે જેની સાથે જીવવા-મરવાના કરાર કર્યા હોય, એ જ પાર્ટનર પર કુહાડી ઉઠાવતા પહેલા કાળજું કેમ નથી કંપતું?

વિશ્વાસ... પ્રેમ... અને મૈત્રી કરાર! જ્યારે કોઈ સ્ત્રી પોતાના એકલવાયા જીવનમાં આશરા માટે કોઈના પર આંખો બંધ કરીને ભરોસો કરે છે, ત્યારે તેને ક્યાં ખબર હોય છે કે જેની સાથે તે નવો સંસાર માંડીને બેઠી છે, એ જ વ્યક્તિ એક દિવસ તેનો કાળ બનીને સામે આવી જશે!...