• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Gujarati
  • ન્યૂઝ
  • વીડિયો
  • ફોટો
  • ટૂંકા વીડિયો
Add Zee Business As A Preferred Source
App
  • Live TV
  • ગુજરાત
  • રાષ્ટ્રીય
  • આંતરરાષ્ટ્રીય
  • વેપાર
  • બોલીવુડ
  • સ્પોર્ટ્સ
  • લાઇફસ્ટાઇલ
  • ધાર્મિક
  • ઉપયોગિતા
  • કારકિર્દી
  • ઝી ન્યૂઝ ગુજરાતી
  • /ગુજરાત
  • /'મોરબીવાળી' થવાની બીકે ભાજપના દિગ્ગજ નેતાઓ બેકફૂટ પર! જૂથવાદના કારણે સૌરાષ્ટ્રના 6 મોટા યાર્ડની ચૂંટણી ટલ્લે ચડી!!

'મોરબીવાળી' થવાની બીકે ભાજપના દિગ્ગજ નેતાઓ બેકફૂટ પર! જૂથવાદના કારણે સૌરાષ્ટ્રના 6 મોટા યાર્ડની ચૂંટણી ટલ્લે ચડી!!

Rajkot News: રાજકોટ જિલ્લા ભાજપમાં જબરી ખેંચતાણ અને જૂથવાદના કારણે સહકારી ક્ષેત્રની ચૂંટણીઓ ટલ્લે ચડી ગઈ હોય તેવો સિનારિયો સર્જાયો છે. એક જૂથ બીજા જૂથને નબળું પાડવામાં પડયું છે, ત્યારે ખેડૂતોના હિતની વાત કરનારું કોઈ રહ્યું નથી. સહકારી ક્ષેત્ર એ ખેડૂતોનો આધાર છે, પણ તેને રાજકીય અખાડો બનાવી દેવામાં આવ્યો છે. ત્યારે રાજકોટના 6 મુખ્ય માર્કેટિંગ યાર્ડની મુદત ડિસેમ્બરમાં પૂર્ણ થવા જઈ રહી છે, પરંતુ હજુ યાર્ડમાં ચૂંટણીના કોઈ અણસાર મળી રહ્યા નથી.

Written ByKinjal Patel
Published: Nov 20, 2026, 11:56 IST|Updated: Nov 20, 2026, 12:01 IST
joinshare
'મોરબીવાળી' થવાની બીકે ભાજપના દિગ્ગજ નેતાઓ બેકફૂટ પર! જૂથવાદના કારણે સૌરાષ્ટ્રના 6 મોટા યાર્ડની ચૂંટણી ટલ્લે ચડી!!

About the Author

Kinjal Patel

Kinjal Patel

કિંજલકુમાર પટેલ ZEE 24 કલાકમાં સિનિયર સબ એડિટર છે. પત્રકાર ક્ષેત્રમાં 10 વર્ષથી વધુનો અનુભવ છે. હાલ ગુજરાતના સ્થાનિક સમાચાર, ગુજરાતના ક્રાઈમ સમાચાર, કરન્ટ અફેર્સ, ગુજરાતની રાજનીતિ, દેશ-વિદેશમાં બનતી સાંપ્રત ઘટનાઓથી લોકોને રૂબરૂ કરાવવા ઉપરાંત લોકોની સમસ્યાઓને વાચા આપતી સ્ટોરીઓ પર મુખ્ય ફોકસ કરે છે. સંદેશ ન્યૂઝ ડિજિટલ સાથે તેમણે પત્રકારત્વ કારકિર્દીની શરૂઆત કરી હતી. ZEE 24 કલાક (ડિજિટલ) સાથે 3 વર્ષથી વધુ સમયથી જોડાયેલા છે. આ સિવાય તેમણે Sandesh ન્યૂઝ, ABP અસ્મિતા, ETV ભારતમાં કામ કર્યું છે. અમદાવાદની હિરામણી મીડિયા ઈન્સ્ટ્યૂટ્યૂટ (ગુજરાત યુનિવર્સિટી)માંથી માસ કોમ્યુનિકેશન એન્ડ જર્નાલિઝમનો અભ્યાસ કર્યો છે.
Read More

ટ્રેન્ડિંગ

  • ન્યૂઝ
  • ફોટો
  • વીડિયો
ભાજપે ગુજરાતમાં 2027ની ચૂંટણી માટે તૈયારી કરી શરૂ! 182 બેઠકો પર સ્નેહમિલનથી PM મોદીએ આપ્યા અનેક સંદેશ, જાણો

ભાજપે ગુજરાતમાં 2027ની ચૂંટણી માટે તૈયારી કરી શરૂ! 182 બેઠકો પર સ્નેહમિલનથી PM મોદીએ આપ્યા અનેક સંદેશ, જાણો

2

Video: સ્ટેજ પર એક વિદેશી મહિલા ફેને દિલજીત દોસાંઝને ગળે લગાવીને કરી કિસ, સિંગરે કહ્યું: "હું સુંદર છું..."

3

એલિસ હુઆંગ અને તેના પતિના એક નજીકના સહયોગીએ Nvidia ચિપ્સ મોકલી હતી ચીન, રિપોર્ટમાં ખુલાસો

4

જામનગરમાં ACBનું સફળ છટકું, રૂપિયા 8 લાખની લાંચ લેતા ક્લાસ-2 અધિકારી રંગેહાથ ઝડપાયા

5

નવસારીમાં હાઈબ્રિડ ગાંજાના હાઈપ્રોફાઈલ નેટવર્કનો પર્દાફાશ, બેંગકોક સુધી ફેલાયેલા છે તાર!

logo
  • contact us
  • privacy policy
  • legal
  • investor info
  • advertise with us
  • careers
© 1998-2026 Indiadotcom Digital Private Limited, All Rights Reserved.

Rajkot News: રાજકોટ જિલ્લાનું સહકારી ક્ષેત્ર છેલ્લા દોઢેક વર્ષથી અસ્તવ્યસ્ત બની ગયું છે. રાજકોટ જિલ્લાના 6 મુખ્ય માર્કેટિંગ યાર્ડની મુદત ડિસેમ્બરમાં પૂર્ણ થવા જઈ રહી છે, પરંતુ હજુ યાર્ડમાં ચૂંટણીના કોઈ અણસાર મળી રહ્યા નથી. બે મહિના અગાઉ ચૂંટણી માટે દરખાસ્ત મોકલી દેવાઈ હોવા છતાં સરકારી મંજૂરીમાં થઈ રહેલો વિલંબ અનેક સવાલો ઊભા કરી રહ્યો છે. જો સમયસર મંજૂરી નહીં મળે, તો આ યાર્ડોમાં વહીવટદાર શાસન આવવાની પૂરેપૂરી શક્યતા દેખાઈ રહી છે, જેની સીધી અસર યાર્ડના રોજિંદા કામકાજ પર પડી શકે છે અને વ્યવસ્થા બગડી શકે છે.

ભાજપના જ સૌરાષ્ટ્રના દિગ્ગજ નેતાઓના બળવાના કારણે ખેડૂતો ભુલાયા

સહકારી ક્ષેત્ર ગુજરાતના જે તે જિલ્લાના ખેડૂતોના આર્થિક હિત અને તેમની સુવિધા માટે રચવામાં આવે છે, પરંતુ છેલ્લા દોઢેક વર્ષથી રાજકોટ જિલ્લાના સહકારી ક્ષેત્રમાં રાજકીય દાવપેચ વધુ હાવી બન્યા છે. ભાજપના જ સૌરાષ્ટ્રના દિગ્ગજ નેતાઓના બળવાના કારણે સ્થાનિક નેતાઓ અને વિવિધ જૂથો વચ્ચેની ખેંચતાણમાં એકબીજાને પાછળ પાડવાની જબરદસ્ત હોડ લાગી છે. આ રાજકીય ખેલ વચ્ચે ખેડૂતોના વાસ્તવિક સવાલો અને તેમના હિતની રક્ષા કરવાની પ્રાથમિકતા પાછળ ધકેલાઈ ગઈ હોય તેવું ચિત્ર સ્પષ્ટ ઉપસી આવ્યું છે.

રાજકોટ-લોધીકા સંઘની ચૂંટણી જેવી સ્થિતિ ફરી ન સર્જાય તેની સાવચેતી

તાજેતરમાં મોરબી યાર્ડની ચૂંટણીમાં જોવા મળેલા પરિણામો અને આંતરિક બળવાના કારણે સહકારી ક્ષેત્રનું રાજકારણ વધુ સંવેદનશીલ બન્યું છે. ખાસ કરીને રાજકોટ-લોધીકા સંઘની ચૂંટણી જેવી સ્થિતિ ફરી ન સર્જાય તેની સાવચેતી પણ વરતાઈ રહી છે. જિલ્લા ભાજપ પ્રમુખ, કેબિનેટ મંત્રી, પૂર્વ મંત્રી તેમજ જામકંડોરણા, ઉપલેટા અને ગોંડલના ધારાસભ્યોના પ્રભાવવાળા વિસ્તારોમાં ચૂંટણીની સંભવિતતાને લઈને ભારે ગરમાવો છે, કારણ કે આ ચૂંટણીઓમાં સ્થાનિક નેતાગીરીની શાખ પણ જોડાયેલી છે.

6 યાર્ડની ચૂંટણી પ્રક્રિયામાં વિરોધાભાસ ઊભો થયો

રાજકોટ, ગોંડલ, જેતપુર, જામકંડોરણા, ઉપલેટા અને ધોરાજી યાર્ડની મુદત ડિસેમ્બર મહિનામાં પૂરી થાય છે, તેમ છતાં 6 યાર્ડની ચૂંટણી પ્રક્રિયામાં વિરોધાભાસ ઊભો થયો છે. ડિસેમ્બર પહેલાં સરકાર ચૂંટણીને લીલી ઝંડી આપે છે કે પછી આ 6 મહત્વપૂર્ણ યાર્ડ વહીવટદારોના હવાલે જાય છે, તે સવાલો લટકતો જોવા મળી રહ્યો છે. સરકારની આ ઢીલી નીતિના કારણે જ સહકારી સંસ્થાઓમાં અનિશ્ચિતતા વધી છે.

ઉલ્લેખનીય છે કે, સહકારી આગેવાનોનું માનવું છે કે, જો સરકાર સમયસર ચૂંટણીની મંજૂરી નહીં આપે તો યાર્ડમાં વહીવટદાર શાસન આવશે. સરકાર એક બાજુ સહકારી ક્ષેત્રને મજબૂત કરવાની વાતો કરે છે, પણ મેદાન પર તેનાથી વિપરીત ચિત્ર દેખાય છે.

Add Zee News as a Preferred Source
TAGS:
Gujarat News