"25-50 લાખ વાપરું તો ચૂંટણી બિનહરીફ થઈ જાય", પબુભા માણેકનો કથિત વિડિયો વાયરલ, ગુજરાતના રાજકારણમાં ગરમાવો
MLA Pabubha Manek Viral Video: દ્વારકા વિધાનસભા બેઠકના સિનિયર ધારાસભ્ય પબુભા માણેકનો એક કથિત વાયરલ વીડિયો હાલ રાજકીય વર્તુળોમાં ભારે ચર્ચાનો વિષય બન્યો છે. વીડિયોમાં તેઓ ચૂંટણીનો માહોલ બનાવવાની વાત કરવાની સાથે, રૂ. 25 થી 50 લાખ વાપરીને ચૂંટણી બિનહરીફ કરાવવા તેમજ નાણાં આપીને ઉમેદવારો પાસે ફોર્મ ભરાવવાનું વિવાદાસ્પદ નિવેદન આપતા સાંભળવા મળે છે.
જયદીપ લાખાણી/દેવભૂમિ દ્વારકા: દ્વારકા વિધાનસભા બેઠકના સિનિયર ધારાસભ્ય પબુભા માણેકનું એક કથિત નિવેદન આપતો વિડિયો હાલ સોશિયલ મીડિયા પર આગની જેમ વાયરલ થઈ રહ્યો છે. આ વિડિયોમાં ચૂંટણીના માહોલ, ઉમેદવારો અને ચૂંટણી ખર્ચ અંગે કરાયેલી ટિપ્પણીઓને કારણે રાજકીય વર્તુળોમાં ભારે ચકચાર મચી ગઈ છે.
ગોઝારો બુધવાર! ગીર સોમનાથ નજીક ST બસ અને ટ્રક વચ્ચે ભયાનક અકસ્માત: 2નાં મોત, 16 ઈજાગ્રસ્ત
"ચૂંટણીનો માહોલ આપણે જ બનાવવો પડશે, હવે ચૂંટણી જેવું કઈ છે જ નહીં."
સોશિયલ મીડિયામાં વાયરલ થયેલા વિડિયોમાં પબુભા માણેક એવું કહેતા સાંભળવા મળે છે કે, "ચૂંટણીનો માહોલ આપણે જ બનાવવો પડશે, હવે ચૂંટણી જેવું કઈ છે જ નહીં." આ સાથે ઓખામાં સ્થાનિક ચૂંટણી કે ઉમેદવારી સંદર્ભે વાત કરતા તેમણે ઉમેદવાર ન મળવાની સ્થિતિમાં પોતે ઉમેદવાર શોધી આપવાની વાત પણ કરી હતી.
"હું ખાલી ધારી લઉં અને પચીસ-પચાસ લાખ રૂપિયા વાપરું તો ચૂંટણી બિનહરીફ થઈ જાય."
વિડિયોમાં વધુમાં વિવાદાસ્પદ નિવેદન આપતા તેમણે નાણાકીય બાબતોનો ઉલ્લેખ કર્યો હતો કે, "બે-પાંચ જણાને દસ-દસ હજાર દઈને ફોર્મ ભરાવીએ." એટલું જ નહીં, તેમણે દાવો કર્યો હતો કે, "હું ખાલી ધારી લઉં અને પચીસ-પચાસ લાખ રૂપિયા વાપરું તો ચૂંટણી બિનહરીફ થઈ જાય.
આમ આદમી પાર્ટી બનાવવાની જરૂર કેમ પડી? અરવિંદ કેજરીવાલે હવે કર્યો મોટો ખુલાસો
