મિશન 2027: 40 બેઠકોનું ગણિત સાધવા ગુજરાત સરકારનો 'જનજાતિ ગૌરવ' માસ્ટરસ્ટ્રોક, વિપક્ષે ઉઠાવ્યા સવાલ!

birsa adivasi yatra: 2027 પહેલા ભાજપનો 'આદિવાસી' દાવ! 2027ના ચૂંટણી જંગ પહેલા ગુજરાતના રાજકારણમાં મોટી હલચલ શરૂ થઈ ગઈ છે. આ વખતે તમામ રાજકીય પક્ષોના રડાર પર છે અંબાજીથી ઉમરગામ સુધીનો આદિવાસી બેલ્ટ. 2022નો રેકોર્ડ જાળવી રાખવા ભાજપ સરકારે હવે આદિવાસી વોટબેંકને સાધવા માટે માસ્ટરસ્ટ્રોક માર્યો છે.

ગુજરાતની રાજનીતિમાં 'આદિવાસી ફેક્ટર' કોની બાજી પલટશે? અધિકારોની લડાઈ વચ્ચે શું બદલાશે સત્તાના સમીકરણો?

ભગવાન બિરસા મુંડાની જયંતી નિમિત્તે ગુજરાત સરકારે 12 થી 18 નવેમ્બર સુધી ભવ્ય ઉજવણીનું એલાન કર્યું છે. સરકારના આ મેગા પ્લાન મુજબ, 14 આદિજાતિ જિલ્લાની 55 વિધાનસભા બેઠકો પર 49 કાર્યક્રમો યોજાશે. આ ઉપરાંત 20 બિન-આદિજાતિ જિલ્લાઓમાં પણ આયોજન કરાયું છે. 15 નવેમ્બરે જનજાતિ ગૌરવ દિવસે 89 હજાર 837 લાભાર્થીઓને 24 કરોડ 45 લાખ રૂપિયાના લાભ અપાશે. એટલું જ નહીં, આદિવાસી વિસ્તારોમાં 'જોહાર કેફે' શરૂ કરવાની પણ જાહેરાત કરાઈ છે.

શું કરી સરકારે જાહેરાત?

• 12 થી 18 નવેમ્બર: જનજાતિ ગૌરવ દિવસ
• 14 આદિજાતિ જિલ્લા, 55 બેઠકો પર 49 કાર્યક્રમો
• 20 બિન-આદિજાતિ જિલ્લાઓમાં પણ ઉજવણી
• 89,837 લાભાર્થીઓને 24.45 કરોડના લાભ
• આદિવાસી જિલ્લાઓમાં શરૂ થશે 'જોહાર કેફે'

સવાલ એ છે કે સરકાર આટલી મહેનત કેમ કરી રહી છે? જવાબ છે આંકડાઓનું ગણિત. ગુજરાતની કુલ વસ્તીમાં આદિવાસી સમાજનો હિસ્સો અંદાજે 15 ટકા છે. વિધાનસભાની 27 બેઠકો ST માટે અનામત છે, પરંતુ અંબાજીથી ઉમરગામ સુધીની અંદાજે 40 બેઠકો પર આદિવાસી મતદારો હાર-જીત નક્કી કરે છે. 2022માં આ જ બેલ્ટે ભાજપને ઐતિહાસિક જીત અપાવી હતી અને કોંગ્રેસનો સફાયો બોલાવ્યો હતો.

સોશિયલ મીડિયાની તાકાત: એક ટ્વીટથી ગુજરાતના આ ગામડાને મળી 15 લાખની ગ્રાન્ટ, આદિવાસી યુવાનોના સપના થશે સાકાર!

• કુલ વસ્તીમાં આદિવાસી હિસ્સો: 15 ટકા
• ST અનામત બેઠકો: 27
• નિર્ણાયક પ્રભાવ: 40 બેઠકો પર

સરકારની ઉજવણી પર કોંગ્રેસના આકરા પ્રહાર

બીજી તરફ, આદિવાસી મતો પર પોતાનો પરંપરાગત હક માનતી કોંગ્રેસ પણ મેદાનમાં છે. અગાઉ ખુદ રાહુલ ગાંધી આદિવાસીઓ વચ્ચે જઈ નૃત્ય કરતા જોવા મળ્યા હતા. હવે ભાજપના આયોજન પર કોંગ્રેસે સીધો પ્રહાર કર્યો છે. વિપક્ષનો આક્ષેપ છે કે ચૂંટણી નજીક આવતા ભાજપને આદિવાસીઓ યાદ આવ્યા છે, જ્યારે સાગબારા જંગલ જમીન વિવાદ, વન અધિકાર અને રોજગારી જેવા સળગતા પ્રશ્નો આજે પણ અધ્ધરતાલ છે....

એક તરફ ભાજપનું 'જોહાર કેફે' અને કરોડોના લાભનું કાર્ડ છે, તો બીજી તરફ કોંગ્રેસ પાસે જળ, જંગલ અને જમીનના મુદ્દા છે. હવે જોવાનું એ રહેશે કે 2027ના જંગમાં આદિવાસી મતદાર સરકારની ઉજવણીથી ખુશ થાય છે કે પછી જમીની હકીકત પર મત આપે છે.

અંબાલાલ પટેલની આગાહી: 18 નવેમ્બરે બનશે વાવાઝોડું, ગુજરાતના આ જિલ્લાઓમાં 21 થી 27 નવેમ્બર સુધી માવઠાની શક્યતા

• 2027 પહેલાં ભાજપે ખેલ્યું આદિવાસી કાર્ડ!
• આદિવાસી વોટબેંક પર ભાજપની નજર!
• આદિવાસી બેલ્ટમાં રાજકીય જંગ થયો તેજ!
• ભગવાન બિરસા મુંડાજીની જન્મજયંતિની ઉજવણી
• આદિવાસી પટ્ટો બનશે સત્તાની ચાવી!