ઝી ન્યૂઝ ગુજરાતી
/ગુજરાત
/ગાંધીનગર
/એક તરફ ૨૫૦ કરોડની સંપત્તિ, તો બીજી તરફ કાચું મકાન : ગાંધીનગર ચૂંટણીમાં ભાજપના આ બે ઉમેદવારો બન્યા ચર્ચાનો વિષય!

એક તરફ ૨૫૦ કરોડની સંપત્તિ, તો બીજી તરફ કાચું મકાન : ગાંધીનગર ચૂંટણીમાં ભાજપના આ બે ઉમેદવારો બન્યા ચર્ચાનો વિષય!

ગાંધીનગર કોર્પોરેશનની ચૂંટણીનો જંગ જામ્યો છે. તમામ રાજકીય પક્ષોએ પ્રચારના શ્રી ગણેશ કરી દીધા છે પરંતુ આ ચૂંટણીમાં ભાજપના બે ઉમેદવારોની કહાની ખાસ ચર્ચામાં છે. એક તરફ કરોડોની સંપત્તિ ધરાવતા જશવંત પટેલ તો બીજી તરફ ઝૂંપડપટ્ટી વિસ્તારમાં રહેતા અને ગૃહિણી તરીકે પરિવાર સંભાળતા લીલાબેન ચારેલ. બંને ભાજપના ઉમેદવાર. પરંતુ બંનેની જીવનશૈલી અને આર્થિક પૃષ્ઠભૂમિ એકબીજાથી સાવ અલગ. જુઓ આ ખાસ અહેવાલ.

Written ByKaran Rajput

Published: Oct 01, 2026, 06:00 PM IST|Updated: Oct 01, 2026, 06:29 PM IST

join share

એક તરફ ૨૫૦ કરોડની સંપત્તિ, તો બીજી તરફ કાચું મકાન : ગાંધીનગર ચૂંટણીમાં ભાજપના આ બે ઉમેદવારો બન્યા ચર્ચાનો વિષય!

Image Credit: Gandhinagar Corporation Election

હિતલ પારેખ / Gandhinagar Corporation Election : ગાંધીનગર કોર્પોરેશનની ચૂંટણીમાં રાજકીય માહોલ ગરમાયો છે. વોર્ડ નંબર 11માંથી ભાજપે ફરી એકવાર જશવંત પટેલ પર વિશ્વાસ વ્યક્ત કર્યો છે. ગત ટર્મમાં સ્ટેન્ડિંગ કમિટીના ચેરમેન રહેલા જશવંત પટેલની ચૂંટણી એફિડેવિટ મુજબ 250 કરોડની સંપત્તિ છે પરંતુ સંપત્તિની સાથે તેમની ઓળખ તેમના પરિવાર અને ગામ સાથેના જોડાણની પણ છે. ગાંધીનગર કોર્પોરેશનની ચૂંટણીમાં ભાજપના આ બે ઉમેદવાર સૌથી વધુ ચર્ચામાં છે. એક છે જેમની પાસે કરોડની સંપત્તિ છે. જ્યારે ભાજપના જ બીજા ઉમેદવાર પાસે રહેવાની સારી છત પણ નથી.

ભાજપના ઉમેદવાર જશવંત પટેલ	250 કરોડના માલિક
ભાજપના ઉમેદવાર લીલા ચારેલ	પાકુ મકાન પણ નથી

રાજકારણ સાથેનું જોડાણ બાળપણથી જ રહ્યું

જશવંત પટેલના જીવનમાં તેમની વયોવૃદ્ધ માતાનું પણ આગવું સ્થાન છે. ચૂંટણીના પ્રચાર વચ્ચે પણ માતા સાથે ચર્ચા અને દિવસભરની કામગીરી અંગે વાતચીત. પરિવારમાં રાજકીય વાતાવરણ તેમને વારસામાં મળ્યું છે. તેમના પિતા ભાટ ગામના સરપંચ રહી ચૂક્યા છે એટલે રાજકારણ સાથેનું જોડાણ બાળપણથી જ રહ્યું. BE સિવિલ સુધીનો અભ્યાસ કરનાર અને સામાજિક સંસ્થાઓ સાથે જોડાયેલા જશવંત પટેલ પાસે ₹244 કરોડની સંપત્તિ ઉપરાંત 75 તોલા સોનું પણ છે.

પિતા ભાટ ગામના સરપંચ રહી ચૂક્યા છે
રોજ સવારે પૂજા અને પરિવાર સાથે ચા-નાસ્તો કર્યા બાદ જશવંત પટેલ પ્રચાર માટે નીકળી પડે છે અને ફરી એકવાર ચૂંટણીમાં જીતનો વિશ્વાસ વ્યક્ત કરી રહ્યા છે. હવે વાત કરીએ ભાજપના જ બીજા ઉમેદવારની. વોર્ડ નંબર 6માંથી લીલાબેન ચારેલ. એક સામાન્ય પરિવારની ગૃહિણી. લીલાબેન ઝૂંપડપટ્ટી વિસ્તારમાં કાચા મકાનમાં રહે છે. પોતાના નામે પાકું મકાન નથી. તેમના પતિ નાની કરિયાણાની દુકાન ચલાવી પરિવારનું ગુજરાન ચલાવે છે.

ભાજપમાં કરોડપતિ ઉમેદવારોની બોલબાલા

રાજકારણના મોટા નામો વચ્ચે લીલાબેનની ઓળખ એક સામાન્ય કાર્યકર્તા તરીકે રહી છે પરંતુ પાર્ટીએ તેમના સંગઠન સાથેના જોડાણ અને કામગીરીને ધ્યાનમાં લઈને તેમને ચૂંટણી મેદાનમાં ઉતાર્યા છે. ભાજપમાંથી ટિકિટ મળતા પરિવાર અને સમર્થકોમાં પણ ખુશીનો માહોલ જોવા મળ્યો. ભાજપના જ અન્ય એક ઉમેદવાર મહેશ ચૌધરી (બિલ્ડર) પાસે ₹29.04 કરોડની સંપત્તિ અને 97 તોલા સોનું છે, જ્યારે વોર્ડ નંબર 10 ના ઉમેદવાર ગૌરાંગ પટેલ પાસે ₹14.81 કરોડની સંપત્તિ અને લક્ઝુરિયસ ગાડીઓનું કલેક્શન છે. ભાજપના મહિલા ઉમેદવાર દિપ્તીબેન પટેલ પણ કરોડપતિઓમાં સામેલ છે, જેમણે 12.35 કરોડ રૂપિયાની સંપત્તિ જાહેર કરી છે.

બંનેની જીવનશૈલી અલગ... સંઘર્ષ અલગ...

હવે સામાન્ય પરિવારની આ મહિલા ઉમેદવાર માટે ચૂંટણી માત્ર રાજકીય મુકાબલો નથી પરંતુ પોતાના વિસ્તારમાંથી કોર્પોરેશન સુધી પહોંચવાની તક પણ છે. લીલાબેન પણ ચૂંટણીમાં જીતનો વિશ્વાસ વ્યક્ત કરી રહ્યાં છે. એક જ પાર્ટીના બે ઉમેદવાર. એક તરફ કરોડોની સંપત્તિ ધરાવતા જશવંત પટેલ...તો બીજી તરફ સામાન્ય પરિવારની ગૃહિણી લીલાબેન ચારેલ. બંનેની જીવનશૈલી અલગ... સંઘર્ષ અલગ... પરંતુ ચૂંટણીનું મેદાન એક. હવે મતદારો કોને કેટલો જનસમર્થન આપે છે તેનો નિર્ણય ચૂંટણી પરિણામમાં થશે.

Add Zee News as a Preferred Source

TAGS:

Gujarati News

About the Author

Karan Rajput

કરણ રાજપૂત ગુજરાતના અગ્રણી અને પ્રતિષ્ઠિત પત્રકારો તથા ડિજિટલ મીડિયા લીડર્સમાં ગણાય છે. પત્રકારત્વ ક્ષેત્રે તેમને ૨3 વર્ષોથી વધુનો સમૃદ્ધ અને દીર્ઘ અનુભવ છે. પોતાની લાંબી અને સફળ કારકિર્દી દરમિયાન તેમણે પ્રિન્ટ અને ડિજિટલ એમ બંને માધ્યમોમાં મહત્વપૂર્ણ ભૂમિકાઓ ભજવી છે.વર્તમાનમાં તેઓ Zee 24 Kalak માં ડિજિટલ લીડ (Digital Lead) તરીકે સેવા આપી રહ્યા છે. આ પદ પર રહીને તેઓ ડિજિટલ કન્ટેન્ટ સ્ટ્રેટેજી, ન્યૂઝરૂમના ડિજિટલ ટ્રાન્સફોર્મેશન અને હાયપર-લોકલ ટ્રાફિકને નોંધપાત્ર રીતે વધારવાની રણનીતિનું સફળ નેતૃત્વ કરી રહ્યા છે. ડેટા-ડ્રિવન કન્ટેન્ટ અને આધુનિક ટેકનોલોજીના પ્રયોગો દ્વારા ન્યૂઝરૂમને નવી ઊંચાઈઓ પર લઈ જવામાં તેમને વિશેષ મહારત છે. મર્યાદિત અને ઓછા સ્ટાફ સાથે પણ શ્રેષ્ઠ પરિણામો આપવાની તેમની ક્ષમતા તેમને એક સક્ષમ સંપાદક બનાવે છે. ગુજરાતના અગ્રણી અખબારો જેમ કે ગુજરાત સમાચાર, સંદેશ અને દિવ્ય ભાસ્કરમાં મહત્વપૂર્ણ જવાબદારીઓ સંભાળી છે. આ સિવાય તેઓ ગુજરાત સમાચારની ચેનલ GSTVના તેઓ ડિજિટલ એડિટર રહી ચૂકયા છે.એગ્રીકલ્ચર (કૃષિ) ક્ષેત્રે ઉત્કૃષ્ટ પત્રકારત્વ માટે તેમને બે રાષ્ટ્રીય પુરસ્કારોથી સન્માનિત કરવામાં આવ્યા છે. પડકારોને તકમાં બદલવાની સૂઝબૂઝ, સાહસિક નિર્ણયો અને સતત નવીન કન્ટેન્ટ પ્રયોગો (Content Experiments) થકી તેમણે મીડિયા જગતમાં એક આગવી અને મજબૂત ઓળખ બનાવી છે.

News
Photos
Videos

ઓક્ટોબરમાં આ 4 રાશિના જાતકોને થશે જબરદસ્ત કમાણી, ડગલેને પગલે ભાગ્ય આપશે સાથ!

IND vs WI: BCCIએ T20 ટીમમાં અચાનક કર્યો મોટો ફેરફાર, વોશિંગ્ટન સુંદરના સ્થાને આ ખેલાડીની એન્ટ્રી

જૂનાગઢમાં શિક્ષણના નામે લાંછન! અસાઇનમેન્ટ અધૂરું રહેતાં ધોરણ-12ના વિદ્યાર્થીને ૩૦૦ ઉઠક-બેઠકની ક્રૂર સજા, વિદ્યાર્થી ICUમાં

તેને ચાકુથી મારા પર અનેક વાર કર્યા.... સામે આવ્યો ગંભીર રીતે ઘાયલ થયેલા કેપ્ટન સ્મિતનો પહેલો વીડિયો

Maruti ની આ કાર ખરીદવા લોકોની પડાપડી! 30 દિવસમાં 2.36 લાખ ગાડીઓ વેચાઈ

ભાજપના ઉમેદવાર જશવંત પટેલ	250 કરોડના માલિક
ભાજપના ઉમેદવાર લીલા ચારેલ	પાકુ મકાન પણ નથી