અદ્રશ્ય જેલ અને ₹8 કરોડની લૂંટ! અમદાવાદમાં ડિજિટલ અરેસ્ટનો ભયાનક ખેલ, સુરતથી માસ્ટરમાઈન્ડ ઝડપાયો
Digital Arrest Scam : વિચારો...તમે તમારા જ ઘરમાં સુરક્ષિત બેઠા છો, અચાનક એક વીડિયો કોલ આવે છે અને તમારું આખું ઘર એક અદ્રશ્ય જેલની કોટડીમાં ફેરવાઈ જાય છે! એક-બે કલાક નહીં. પૂરા 12 દિવસ સુધી તમે તમારા જ બેડરૂમમાં બંધક બની જાઓ છો! કોઈ હથિયાર વગર, કોઈ અપહરણ વગર. માત્ર એક ડિજિટલ સ્ક્રીનના જોરે દેશના એક પ્રતિષ્ઠિત ડૉક્ટરની આજીવન કમાણી લૂંટી લેવામાં આવે છે.
ઉદય રંજન, અમદાવાદ / 12 દિવસ...288 કલાક અને પળેપળ સાયબર જલ્લાદોનું ટોર્ચર! અમદાવાદમાં ડિજિટલ અરેસ્ટના નામે આતંકનો એવો ભયાનક ખેલ ખેલાયો જે સાંભળીને રૂવાંડા ઊભા થઈ જશે. એક સિનિયર સિટીઝન ડૉક્ટરને ડિજિટલ હથિયારના જોરે તેમના જ ઘરમાં બંધક બનાવી દેવાયા!.
બહાર ન નીકળવાની ધમકી, કોઈને ન કહેવાનો ખોટો ડર! ડૉક્ટર પોતાના જ આલીશાન ઘરમાં લાચાર બની ગયા પણ આ આખા ષડયંત્રનો માસ્ટરમાઈન્ડ, બોગસ બેંક એકાઉન્ટ્સ ચલાવનારો અલ્તાફ ઉર્ફે મેમણ પીઠડીયા હવે સુરતથી ઝડપાઈ ગયો છે. માત્ર 2 ટકા કમિશનની લાલચમાં આ આરોપીએ સિનિયર સિટિઝન તબીબની આજીવન કમાણી લૂંટી લીધી!.
- 12 દિવસ ડિજિટલ કેદ...8 કરોડની લૂંટ
- સુપ્રીમ કોર્ટના નામે સાયબર મહાઠગાઈ
- ઘરમાં કેદ ડૉક્ટર...કરોડોનો ખેલ
- 2 ટકા કમિશન...8 કરોડની ઠગાઈ
- એક સાગરીત ઝડપાયો
સુપ્રીમ કોર્ટના ફેક લેટર્સ, EDની નકલી ધમકીઓ અને એક જ ઝાટકે 8 કરોડ રૂપિયાનું સ્કેમ!. હરિયાણાથી ગુજરાત સુધી નેટવર્ક ધરાવતા અલ્તાફના રિમાન્ડ દરમિયાન હજુ કેટલાય ચોંકાવનારા ખુલાસા થશે. ક્રાઈમ બ્રાન્ચે શિકાર શરૂ કરી દીધો છે, હવે વારો આખી ગેંગનો છે!.
- 12 દિવસ ડિજિટલ કેદ
- ઘરમાં જ બંધક બન્યા ડૉક્ટર!
- સુપ્રીમ કોર્ટના નામે 8 કરોડનો ખેલ!
પકડાયેલો આરોપી અલ્તાફ પીઠડીયા તો માત્ર એક મહોરું છે, આ આખા ખેલના અસલી સુત્રધારો હજુ પણ પડદા પાછળ છે. અગાઉ આસિફ શાહ, વિકાસકુમાર, પપ્પુસિંગ અને સોહીબસા જેવા ચાર સાગરીતો જેલના સળિયા ગણી રહ્યા છે, ત્યારે અલ્તાફની ધરપકડથી આ નેશનલ સાયબર સિન્ડિકેટના મૂળ સુધી પહોંચવામાં અમદાવાદ ક્રાઇમ બ્રાન્ચને મોટી સફળતા મળી છે.
એક શંકા અને સાત મહિનાનું લગ્નજીવન હોમાયું: જેતપુરમાં પતિએ પત્નીને પથ્થર મારી પતાવી દઈ રેલવે ટ્રેક પર ફેંકી
પોલીસની આ કડક કાર્યવાહીથી સાયબર ઠગોમાં ફફડાટ તો વ્યાપી ગયો છે, પણ આ કિસ્સો દેશના દરેક નાગરિક અને ખાસ કરીને સિનિયર સિટીઝન્સ માટે લાલબત્તી સમાન છે. કોઈપણ કાયદાકીય એજન્સી ક્યારેય ફોન કે વીડિયો કોલ પર કોઈને 'ડિજિટલ અરેસ્ટ' કરતી નથી.
