હાર્દિકને ફરી નહીં મળે ટિકિટ? કોંગ્રેસમાંથી ભાજપમાં ગયેલા નેતાઓ પર શંકરસિંહ વાઘેલાનો સણસણતો કટાક્ષ
former Gujarat CM Shankersinh Vaghela: Zee 24 Kalak ના પોડકાસ્ટ શો 'બ્લેક કૉફી' માં ગુજરાતના પૂર્વ મુખ્યમંત્રી શંકરસિંહ વાઘેલા સાથે ખાસ વાતચીત કરવામાં આવી છે. જેમાં હાર્દિક એન્ડ કંપની વિશે પુછવામાં આવેલા એક સવાલના જવાબમાં તેમણે કોંગ્રેસમાંથી ભાજપમાં ગયેલા નેતાઓ પર શંકરસિંહ વાઘેલાએ કટાક્ષ કરતા જણાવ્યું હતું કે વિધાનસભા ચૂંટણી પછી અનેક લોકો નવરા થઈ જશે. હાર્દિક એન્ડ કંપનીને ટિકિટ મળવા પર બાપુએ શંકા વ્યક્ત કરી હતી.
former Gujarat CM Shankersinh Vaghela: ગુજરાતના રાજકારણમાં નિડર ગણાતા સ્પષ્ટવક્તા શૈલી માટે જાણીતા પૂર્વ મુખ્યમંત્રી શંકરસિંહ વાઘેલાએ ફરી એકવાર ગુજરાતની રાજનીતિમાં ગરમાવો લાવી દીધો છે. Zee 24 Kalak ના પોડકાસ્ટ શો 'બ્લેક કૉફી' માં એડિટર દીક્ષિત સોની સાથેની ખાસ વાતચીત દરમિયાન બાપુએ કોંગ્રેસ છોડીને ભાજપમાં ગયેલા નેતાઓ અને આગામી વિધાનસભા ચૂંટણીને લઈને મોટું નિવેદન આપ્યું છે.
વિધાનસભા ચૂંટણી પછી અનેક લોકો થઈ જશે નવરા: બાપુ
Zee 24 Kalak ના પોડકાસ્ટ શો 'બ્લેક કૉફી' માં સવાલોના જવાબો આપતા શંકરસિંહ વાઘેલાએ પક્ષપલટો કરનારા નેતાઓ પર જોરદાર પ્રહાર કર્યા હતા. તેમણે કટાક્ષ કરતા જણાવ્યું હતું કે, આગામી વિધાનસભા ચૂંટણી પૂરી થયા પછી અનેક નેતાઓ નવરા થઈ જશે. તેમણે સ્પષ્ટ કર્યું હતું કે જે લોકો નવરા પડવાના છે, તે મૂળ કોંગ્રેસમાંથી ભાજપમાં ગયેલા લોકો જ હશે.
હાર્દિક એન્ડ કંપનીને ફરી ટિકિટ મળવા પર બાપુએ વ્યક્ત કરી શંકા...
કોંગ્રેસમાંથી ભાજપમાં જોડાનારા હાર્દિક પટેલ અને તેમની સાથેના નેતાઓ ("હાર્દિક એન્ડ કંપની") અંગે વાત કરતા બાપુએ શંકા વ્યક્ત કરી હતી. તેમણે કહ્યું કે, "હાર્દિક એન્ડ કંપનીને ફરી ટિકિટ મળવા પર ડાઉટ છે. ભાજપમાં જોડાયેલા પક્ષપલટુ નેતાઓને ભવિષ્યમાં ભાજપ દ્વારા ટિકિટ આપવામાં આવશે કે નહીં, તે અંગે તેમણે મોટી શંકા વ્યક્ત કરી હતી.
'જે લોકો નવરા પડશે એ કોંગ્રેસ વાળા હશે, ટિકિટ ન આપે તો કેટલાક લોકો કોંગ્રેસમાં આવી શકે'
શંકરસિંહ વાઘેલાએ આશંકા વ્યક્ત કરતા એવું પણ સંકેત આપ્યો હતો કે જો ભાજપ આ નેતાઓને ટિકિટ નહીં આપે, તો તેમાંથી કેટલાક લોકો ફરીથી કોંગ્રેસમાં પાછા આવી શકે છે. બાપુના આ નિવેદન બાદ ગુજરાતના રાજકારણમાં અને ખાસ કરીને કોંગ્રેસમાંથી ભાજપમાં ગયેલા નેતાઓમાં ભારે ચર્ચા જાગી છે.
