અમદાવાદમાં બ્રિજ બન્યા કે ટ્રાફિક જામના નવા અડ્ડા? આ 3 ફ્લાયઓવરની 'ફોલ્ટી ડિઝાઇન'થી વાહનચાલકો પરેશાન

અર્પણ કાયદાવાલા/અમદાવાદ: શહેરમાં ટ્રાફિકની સમસ્યા હળવી કરવા માટે મ્યુનિસિપલ કોર્પોરેશન દ્વારા કરોડો રૂપિયાના ખર્ચે બ્રિજ બનાવવામાં આવી રહ્યા છે, પરંતુ તેની ક્ષતિગ્રસ્ત ડિઝાઇનને કારણે ઘણીવાર વિવાદો સર્જાય છે. નવનિર્મિત મકરબા બ્રિજની ડિઝાઇનને લઇને પણ આવો જ મોટો વિવાદ સામે આવ્યો છે. આ બ્રિજ પ્રહલાદનગર તરફ ઉતારવામાં આવ્યો છે ત્યાં જ ચાર રસ્તા આવેલા છે. તંત્ર દ્વારા જંક્શનથી દૂર બ્રિજ ઉતારવાના બદલે બરાબર ચાર રસ્તા પાસે જ બ્રિજ પૂરો કરી દેવામાં આવતાં AMC ના આયોજન સામે ફરી એકવાર ગંભીર પ્રશ્નાર્થ ચિહ્નો ઉભા થયા છે.

લોકેશનઃ જગતપુર ફ્લાયઓવર
શહેરના ગોતા વિસ્તારમાં આવેલો આ જગતપુર ફ્લાયઓવર પણ તેના લોકાપર્ણ સમય બાદથી વિવાદમાં છે. મકરબા ફ્લાયઓવરની જેમ જ જગતપુર ફ્લાયઓવરનો પણ ગોદરેજ ગાર્ડન સીટી તરફનો એક છેડો ચાર રસ્તા પર જ પુરો થાય છે, પરીણામે જ્યારે રેડ સિગ્નલ હોય તેવા સમયે સેંકડો વાહનોને ફ્લાયઓવર પર રોકાઇ જવાની ફરજ પડે છે....

લોકેશનઃ વેજલપુર ફ્લાયઓવર
આનંદનગરથી વસ્ત્રાપુર રેલ્વે સ્ટેશન ક્રોસીંગ માર્ગે વેજલપુરના બુટભવાની મંદીર તરફ બની રહેલો ફ્લાયઓવર પણ ભવિષ્યમાં ક્યાક મુશ્કેલી બની શકે છે. આ ફ્લાયઓવરનો એક છેડો આનંદનગર તરફના ટ્રાફીકથી ધમધમતા મુખ્ય ચાર રસ્તા તરફ નિકળે છે. ત્યારે લોકાપર્ણ થાય તે બાદ અહીયા પણ ટ્રાફીકની મોટી સમસ્યા સર્જાઇ શકે છે.

લોકેશનઃ મકરબા ફ્લાયઓવર
મુખ્યમંત્રીના હસ્તે લોકાપર્ણ 23 સપ્ટેમ્બરે લોકાપર્ણ થયા બાદ તુરંત જ આ ફ્લાયઓવર પર ચારેય તરફ અતિ ભારે ટ્રાફીક જામ સર્જાવા લાગ્યો હતો. જે બાદ મ્યુનિસિપલ કોર્પોરેશન અને ટ્રાફીક પોલીસમાં દોડધામ મચી ગઇ હતી. જેના તાત્કાલીક ઉકેલ રૂપે આ ચાર રસ્તા પર કેપ્યુલ ફોર્મ્યુલા અમલમાં મૂકી દેવાઇ છે. જેથી લોકોને ખુબ જ લાંબુ અંતર કાપવુ પડી રહ્યુ છે.. 
બાઇટઃ ગઇકાલે દર્શલે આપેલી પબ્લીક બાઇટ લેવી....

નોંધનીય છેકે આ બ્રીજની કામગીરી માટે 30-9-22 એ વર્ક ઓર્ડર આપવામાં આવ્યો હતો. જે બાદ રેલ્વે, બ્રીજ સ્થળે ડ્રેનેજ-પાણીની લાઇન મળવા સહીતના કારણોને લીધે ધીમી ગતીએ કામગીરી ચાલુ થઇ હતી. દરમ્યાન નવેમ્બર 2024 માજ ઝી 24 કલાકે આ બ્રીજની ફોલ્ટી ડિઝાઇનના કારણે ભવિષ્યમાં ટ્રાફીકની ગંભીર સ્થીતી સર્જાશે તે અંગેની વાસ્તવીકતા દર્શાવતો અહેવાલ દર્શાવ્યો હતો. પરંતુ એએમસી તંત્રએ તે વાતની હળવાશથી લીધી હતી. આખરે વાસ્તવીકતા સૌની સામે છે.

નોંધનીય છે કે આ બ્રીજની ડિઝાઇન તૈયાર કરવાનુ કામ ડેલ્ફ કન્સલટીંગ કંપની દ્વારા કરાયુ છે, અને પ્રોજેક્ટ મેનેજમેન્ટ કન્સલટન્સી તરીકે કસાડ એજન્સીએ પોતાની ભૂમિકા ભજવી છે. ત્યારે આ બન્ને ખાનગી એજન્સીઓના રીપોર્ટના આધારે જ એએમસી દ્વારા કામ કરવામાં આવ્યુ છે.