અમિતાભથી લઈ અક્ષય સાથે સંબંધોની ચર્ચા, લગ્નને લઈને પણ સવાલો, છતાં એકલવાયું જીવન જીવે છે રેખા

Rekha 72 Birthday: અભિનેત્રી રેખા 10 ઓક્ટોબરે તેનો 72 મો જન્મ દિવસ ઉજવી રહી છે. ખૂબ જ નાની ઉંમરમાં રેખાએ એક્ટિંગની શરૂઆત કરી દીધી હતી. અભિનેત્રી રેખા ભારતીય હિન્દી સિનેમાના ઇતિહાસની સૌથી શ્રેષ્ઠ અભિનેત્રીઓમાંથી એક છે. રેખા એકમાત્ર એવી અભિનેત્રી છે જેની પ્રોફેશનલ લાઇફની સાથે પર્સનલ લાઇફ પણ ચર્ચામાં રહી છે. તેમ છતાં 72 વર્ષે રેખા એકલવાયું જીવન જીવે છે.

રેખા ના પ્રેમ સંબંધની વાત હોય તો અમિતાભ બચ્ચનનું નામ સૌથી પહેલા આવે છે. પરંતુ અમિતાભ બચ્ચન એકમાત્ર હીરો નથી તેમના પછી રેખાની લાઈફમાં અન્ય એક્ટર્સની એન્ટ્રી પણ થઈ હતી. જો કે આ સંબંધોની ક્યારેય પુષ્ટિ થઈ નથી. આ વાતો બોલીવુડમાં હંમેશા ચર્ચામાં રહી છે.

આ પણ વાંચો: Tanushree Dutta: અભિનેત્રી તનુશ્રી દત્તા થઈ ટ્રોલ, નાના પાટેકરના નિધન પર બોલ્યા હતા એલફેલ શબ્દો

અમિતાભ બચ્ચન અને રેખા

રેખાની લાઇફમાં સૌથી પહેલા અમિતાભ બચ્ચનની એન્ટ્રી થઈ હતી. કહેવામાં આવે છે કે દો અંજાને સેટ પર રેખા અને અમિતાભ બચ્ચન વચ્ચે પ્રેમ સંબંધની શરૂઆત થઈ. ત્યાર પછી 1981 માં સિલસિલા ફિલ્મ સમયે તેમના સંબંધો તૂટી ગયા. સિલસિલા ફિલ્મ છેલ્લી ફિલ્મ હતી જેમાં બંને એકસાથે કામ કર્યું.. 1976 થી 1981 સુધી રેખા અને અમિતાભ બચ્ચનના સંબંધોની ચર્ચા સૌથી વધુ થઈ હતી ત્યાર પછી રેખાને સમજાઈ ગયું કે અમિતાભ બચ્ચન પરણિત છે અને તેની સાથે તેના સંબંધનું કોઈ ભવિષ્ય નથી જેને લઈને બંને કલાકારો અલગ થઈ ગયા.

વિનોદ મહેરા અને રેખાના લગ્ન

અમિતાભ બચ્ચન સાથેના સંબંધો પૂરા થયા પછી રેખાના જીવનમાં એક્ટર વિનોદ મહેરાની એન્ટ્રી થઈ. વિનોદ મહેરા સાથે રેખાએ ઘણી ફિલ્મોમાં કામ કર્યું. કહેવાય છે કે બંનેએ લગ્ન પણ કરી લીધા હતા પરંતુ વિનોદ મહેરા ના પરિવાર એ રેખાને સ્વીકાર ન કરી. જોકે વર્ષો પછી 2004માં રેખાએ સીમી ગરેવાલને એક ઇન્ટરવ્યૂ દરમિયાન એવું કહ્યું હતું કે તેણે વિનોદ મહેરા સાથે લગ્ન કર્યા ન હતા તે બંને સારા મિત્ર હતા.

આ પણ વાંચો: Nana Patekar Web Series: નાના પાટેકરની છેલ્લી વેબ સીરીઝ છે સંકલ્પ, નાનાની દમદાર એક્ટિંગ પર થઈ જશો ફીદા

બિઝનેસમેન મુકેશ અગ્રવાલ સાથે લગ્ન

રેખાએ 1990 માં મુકેશ અગ્રવાલ નામના બિઝનેસમેન સાથે લગ્ન કરી લીધા હતા. રેખા અને મુકેશ અગ્રવાલના લગ્ન એક વર્ષમાં જ તૂટી ગયા. લગ્ન કર્યાના એક વર્ષમાં જ રેખા અને મુકેશ અગ્રવાલ ના ડિવોર્સ થઈ ગયા. ડિવોર્સ પછી મુકેશ અગ્રવાલ બિઝનેસ સંબંધિત પરેશાનીના કારણે ડિપ્રેશનમાં સરી પડ્યો અને તેણે આત્મહત્યા કરી હતી.

સંજય દત્ત અને રેખા

રેખાનું નામ બોલિવૂડના ખલનાયક એટલે કે સંજય દત્ત સાથે પણ જોડાયું હતું. રેખા કે સંજય દત્તે આ મામલે ક્યારેય કોઈ વાત કરી નથી પરંતુ કહેવાય છે કે 80ના દાયકામાં સંજય દત્ત અને રેખા એકબીજાની નજીક આવ્યા હતા. રેખા અને સંજય દતે 1984 માં જમીન આસમાન નામની ફિલ્મમાં કામ કર્યું હતું. ત્યાર પછી તેમના અફેરની ચર્ચાઓ થઈ હતી.

અક્ષય કુમાર અને રેખા

રેખાનું નામ બોલીવુડના સુપરસ્ટાર અક્ષય કુમાર સાથે પણ જોડાયું હતું. અક્ષય કુમાર અને રેખાના અફેરની ચર્ચા સૌથી વધારે થઈ હતી. 1996 માં રેખા અને અક્ષય કુમાર એ ખેલાડીઓ કા ખિલાડી ફિલ્મ સાથે કરી હતી. આ ફિલ્મમાં રેખા અને અક્ષય કુમાર ઈન્ટીમેટ સીન પણ આપ્યા હતા. ત્યાર પછી એવી ચર્ચાઓ શરૂ થઈ હતી કે રેખા અને અક્ષય કુમાર એકબીજાની નજીક આવ્યા હતા. રેખા અને અક્ષય કુમારની ચર્ચા એટલા માટે વધારે થઈ રહી હતી કે રેખા કરતા અક્ષય કુમાર 13 વર્ષ નાનો હતો.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)