હિન્દુસ્તાન એરોનોટિક્સ લિમિટેડમાં નોકરીની તક, 1.20 લાખ સુધી મળશે પગાર

એન્જિનિયરિંગ કરી ચુકેલા યુવાઓ માટે હિન્દુસ્તાન એયરોનોટિક્સ લિમિટેડમાં નોકરીની તક આવી છે. HAL એ જુનિયર એક્ઝિક્યુટિવની 150 જગ્યા ભરવા માટે નોટિફિકેશન જાહેર કર્યું છે. આ ભરતી શોર્ટ ટર્મ બેસિસ પર કરવામાં આવશે. અરજી પ્રક્રિયા શરૂ થઈ ગઈ છે અને ઈચ્છુક ઉમેદવાર 17 ઓક્ટોબર બપોરે 12 કલાક સુધી અરજી કરી શકે છે. ભરતી માટે ઉમેદવારની પસંદગી ઈન્ટરવ્યુના આધાર પર કરવામાં આવશે. પસંદ થયેલા ઈમેદવારોને ઈ0 પે સ્કેલ હેઠળ પગાર આપવામાં આવશે.

HAL ની આ ભરતી હેઠળ એન્જિનિયરિંગ જે અલગ-અલગ શાખાઓમાં જુનિયર એક્ઝિક્યુટિવની જગ્યા ભરવામાં આવશે. તેમાં સૌથી વધુ 78 પદ મિકેનિકલ એન્જિનિયરિંગ માટે છે. ઈલેક્ટ્રિકલ એન્જિનિયર માટે 25, ઈલેક્ટ્રોનિક્સના 21, સિવિલના 7, કમ્પ્યુટર સાયન્સના 6, પ્રોડક્શનના 6, મેટલર્જીના ત્રણ અને એયરોનોટિકલ તથા કેમિકલ એન્જિનિયરિંગના બે-બે પદ છે.

શું છે આ ભરતી માટે યોગ્યતા?
જુનિયર એક્ઝિક્યુટિવ પદ માટે ઉમેદવારની પાસે સંબંધિત એન્જિનિયરિંગ કે ટેક્નોલોજી બ્રાન્ચમાં રેગ્યુલર કે ફુટ ટાઈમ ડિગ્રી હોવી જોઈએ. ડિગ્રી ભારતમાં માન્યતા પ્રાપ્ત યુનિવર્સિટીની હોવી જોઈએ. તો  10+2+4 કે લેટરલ એન્ટ્રીના મામલામાં 10+3+3  પેટર્નની ડિગ્રી પણ માન્ય છે. સામાન્ય, ઓબીસી, એનસીએલ અને EWS ઉમેદવારો માટે એન્જિનિયરિંગની ડિગ્રીમાં ઓછામાં ઓછા 60 ટકા જરૂરી છે. તો એસસી, એસટી અને PWD ઉમેદવારો માટે 50 ટકા નક્કી કરવામાં આવ્યા છે.

આ પણ વાંચોઃ દેશની દરિયાઈ સીમાઓની સુરક્ષા કરવાની તક! કોસ્ટ ગાર્ડમાં 365 પદો પર નીકળી ભરતી

ઉંમર મર્યાદા અને પસંદગીની પ્રક્રિયા
આ ભરતી માટે ઉમેદવારની મહત્તમ ઉંમર 17 ઓક્ટોબર 2026ના 28 વર્ષથી વધુ ન હોવી જોઈએ. એસસી-એસટી ઉમેદવારોને 5 વર્ષ અને ઓબીસી એનસીએલ ઉમેદવારોને ત્રણ વર્ષની છૂટ આપવામાં આવશે. PWBD ઉમેદવારોને નિયમાનુસાર ઉંમરમાં છૂટછાટ મળશે. તો HAL જુનિયર એક્ઝિક્યુટિવમાં ઉમેદવારોની પસંદગી ઈન્ટરવ્યુના આધારે કરવામાં આવશે. ઈન્ટરવ્યુ નવેમ્બરમાં યોજાવાની સંભાવના છે. આ ભરતી 3 વર્ષના સમયગાળા માટે થશે.

1.20 લાખ રૂપિયા સુધી છે પગાર
જુનિયર એક્ઝિક્યુટિવ પદ માટે ઈ0 પે સ્કેલ 30,000 થી 1,20,000 રૂપિયા નક્કી કરવામાં આવ્યા છે. શરૂઆતી બેઝિક પે 30,000 રૂપિયા પ્રતિ માસ હશે. આ સિવાય ઉમેદવારોને મોંઘવારી ભથ્થું, એચઆરએ અને બેઝિક પેના 35 ટકા સુધી કેફેટેરિયા એલાઉન્સ મળશે. બીજા અને ત્રીજા વર્ષમાં બેઝિક પે પર 3 ટકાના વધારાની જોગવાઈ પણ છે. આ સિવાય મેડિકલ વીમો, પીએફ, ગ્રેચ્યુઇટી, લીવ એનકેશમેન્ટ, વર્ધી અને જૂતા ભથ્થા તથા નિયમાનુસાર ટીએ-ડીએ જેવી સુવિધા મળશે.

કેવી રીતે કરશો અરજી? 
- આ ભરતી માટે ઉમેદવાર સૌથી પહેલા HAL ની સત્તાવાર વેબસાઈટ ખોલે..
- અહીં જુનિયર એક્ઝિક્યુટિવ ભરતી અરજી લિંક પર ક્લિક કરો.
- ત્યારબાદ વ્યક્તિગત અને શૈક્ષણિક જાણકારી ભરી ફોટો અને સહી અપલોડ કરો.
- ત્યારબાદ ફી ફરો અને ફોર્મ ચેક કરી સબમિટ કરી દો.