રેલવેમાં 1,265 સ્ટેશન માસ્ટરની જગ્યાઓ પર ભરતી: અરજી પ્રક્રિયા શરૂ, જાણો લાયકાત અને વિગત

રેલવેમાં સરકારી નોકરીની તૈયારી કરી રહેલા યુવાઓ માટે સારા સમાચાર સામે આવ્યા છે. રેલવે ભરતી બોર્ડ (RRB) એ સ્ટેશન માસ્ટરની જગ્યા ભરવા માટે અરજી પ્રક્રિયા 27 ઓક્ટોબર 2026થી શરૂ થઈ ગઈ છે. ઇચ્છુક અને યોગ્ય ઉમેદવાર ઓનલાઈન અરજી કરી શકશે. આ ભરતી માટે અરજી કરવાની છેલ્લી તારીખ 25 નવેમ્બર 2026 છે.

કેટલી જગ્યા પર થશે ભરતી?

સ્ટેશન માસ્ટર ભરતી માટે જારી રિપોર્ટોમાં જગ્યાની સંખ્યા અલગ-અલગ દર્શાવવામાં આવી છે. કેટલાક રિપોર્ટોમાં 1250 જ્યારે અન્યમાં 1265 પદનો ઉલ્લેખ છે. તેથી અરજી કરતા પહેલા સંબંધિત RRB ની સત્તાવાર સૂચનામાં કુલ પદોની સંખ્યા અને ઝોન અનુસાર ખાલી જગ્યાની જાણકારી મેળવી લેવી. ભરતીના નોટિફિકેશન પ્રમાણે સ્ટેશન માસ્ટર માટે ઉમેદવારની પાસે સ્નાતકની ડિગ્રી હોવી જરૂરી છે.

કઈ રીતે થશે પસંદગી?

સ્ટેશન માસ્ટર પદ પર પસંદગી માટે કમ્પ્યુટર આધારિત પરીક્ષા (CBT), કમ્પ્યુટર આધારિત એપ્ટીટ્યૂડ ટેસ્ટ (CBAT), ડોક્યુમેન્ટ વેરિફિકેશન અને મેડિકલ પરીક્ષા જેવી પ્રક્રિયાઓ સામેલ છે.

કઈ રીતે કરશો અરજી?

સૌથી પહેલા સત્તાવાર વેબસાઇટ rrbapply.gov.in  ઓપન કરો.

હોમપેજ પર ભરતી લિંકને ખોલો.

ત્યારબાદ લોગઇન કરો અને અરજી ફોર્મમાં માંગવામાં આવેલી તમામ જાણકારી અને ડોક્યુમેન્ટ અપલોડ કરો.

પરીક્ષાનું શહેર પસંદ કરો અને પછી ફી ભરો.

છેલ્લે બધુ ચેક કરી સબમિટ કરી દો.

https://www.rrbapply.gov.in/assets/forms/CEN_08_2026_StationMaster.pdf

કેટલી છે પરીક્ષા ફી?

RRB સ્ટેશન માસ્ટર 2026 માટે અરજી કરનાર સામાન્ય વર્ગના ઉમેદવારોએ 500 રૂપિયા ફી ભરવી પડશે. તો અનામત વર્ગના ઉમેદવારો માટે ફી 250 રૂપિયા છે. રજીસ્ટ્રેશન ફી જમા કરવાની છેલ્લી તારીખ 27 નવેમ્બર 2026 છે.

કેટલો મળશે પગાર?

રેલવે સ્ટેશન માસ્ટર પદ પર નોકરી મળ્યા બાદ પે લેવલ-6 હેઠળ પગાર આપવામાં આવે છે. તેમાં 35400 રૂપિયા મહિના પ્રમાણે બેઝિક પગાર અને 4200 ગ્રેડ પે મળે છે. આ સિવાય અન્ય ભથ્થા અને સુવિધા મળે છે.