આખું સપ્તાહ સોનામાં જોવા મળી ઉથલપાથલ, આગામી સમયમાં ગોલ્ડ નવો રેકોર્ડ બનાવે તેવી 'ભવિષ્યવાણી'

સપ્તાહના છેલ્લા કારોબારી દિવસે IBJA પર સોનાના ભાવ વધારા સાથે ખુલ્યા અને ઘટાડા સાથે બંધ થયા. જ્યારે ચાંદીમાં વધારો જોવા મળ્યો. એની સામે MCX પર સોનું અને ચાંદી બંને લીલા નિશાનમાં બંધ થયેલા જોવા મળ્યા. અઠવાડિયામાં સતત ભાવમાં ઘટાડા બાદ તેજીનો માહોલ જોવા મળ્યો. આ બધા વચ્ચે એક રિપોર્ટમાં એવો દાવો કરાયો છે કે વૈશ્વિક પરિબળોને પરિણામે સોનાના ભાવમાં આગામી બે વર્ષોમાં નવો રેકોર્ડ બની શકે છે.

સોના ચાંદીના લેટેસ્ટ ભાવ
IBJAના સપ્તાહના  છેલ્લા કારોબારી દિવસ શુક્રવારના બંધ ભાવ જોઈએ તો 88 રૂપિયા તૂટીને 146426 રૂપિયા પર બંધ થયો. તે પહેલા સવારે ભાવ વધારા સાથે ખુલ્યો હતો. એની સામે એક કિલો ચાંદીના ભાવમાં 606 રૂપિયાનો ઉછાળો નોંધાયો અને ભાવ 210312 રૂપિયા પર બંધ થયો. આ ભાવમાં મેકિંગ ચાર્જ અને જીએસટી સામેલ હોતા નથી.

એસોસિએશન શનિવારે અને રવિવારે તથા જાહેર રજાઓના દિવસે નવા ભાવ જાહેર કરતું નથી. એટલે અઠવાડિયામાં શુક્રવાર છેલ્લો કારોબારી દિવસ ગણાય છે અને ત્યારબાદ શનિવારે તથા રવિવારે ભાવ જાહેર થતા નથી.

વાયદા બજારમાં શું ભાવ
MCX પર સપ્તાહના છેલ્લા કારોબારી દિવસે 4 ડિસેમ્બરના વાયદાવાળું 10 ગ્રામ સોનું 0.35 ટકાના વધારા સાથે 148000 રૂપિયા પર બંધ થયો હતું. જ્યારે એક 4 ડિસેમ્બરના વાયદાવાળી એક કિલો ચાંદી 0.36 ટકાના વધારા સાથે 211418 રૂપિયાની સપાટીએ બંધ થઈ હતી.

ઓલટાઈમ હાઈ ભાવ

રિટેલ બજારના ઓલટાઈમ હાઈ ભાવ (29-1-2026)

• 24 કેરેટ સોનું - 1,76,121 રૂપિયા
• એક કિલો ચાંદી- 3,85,933 રૂપિયા

વાયદા બજારના ઓલટાઈમ હાઈ ભાવ (29-1-2026)

• સોનું- 180779 રૂપિયા
• ચાંદી- 420000 રૂપિયા

આગામી સમય માટે શું કહે છે સંકેતો?
ફાઈનાન્શિયલ ટાઈમ્સના રિપોર્ટમાં એવો દાવો કરાયો છે કે કેન્દ્રીય બેંકો જે રીતે સોનાની ખરીદી કરી રહી છે, વૈશ્વિક પરિબળો જેમ કે જિયો પોલિટિકલ તણાવ, વધતા સરકારી બોન્ડ અને અર્થવ્યવસ્થાના ઉતાર ચડાવને પગલે સુરક્ષિત રોકાણ ગણાતા સોનાના ભાવ આગામી બે વર્ષમાં નવો ઓલટાઈમ હાઈ બનાવી શકે છે. સોનાના ભાવ વધવાની આ ભવિષ્યવાણી પાછળ કેટલાક કારણો જવાબદાર છે. તે પણ જાણીએ.

સોનામાં આવી શકે તેજી

• રિપોર્ટ મુજબ એવી ધારણા છે કે સરકારી બોન્ડ, રૂપિયાની નબળી સ્થિતિથી પેદા થતી ચિંતાઓને પગલે લાંબા ગાળે સુરક્ષિત રોકાણની માંગ વધી શકે છે જે ભાવ પર અસર કરે. 
• અનેક દેશોની કેન્દ્રીય બેંકો જે રીતે ખરીદી કરી રહી છે તે પણ કિમતી ધાતુના ભવિષ્યના દ્રષ્ટિકોણથી જોઈએ તો મહત્વપૂર્ણ કારણ રહી શકે છે. 
• રિપોર્ટ મુજબ બુધવારે સોનાના ભાવમાં 2 ટકાનો વધારો થયો અને તે 4075 ડોલર પ્રતિ ઔંસ પર પહોંચ્યો હતો. તેની પાછળ કારણ એ હતું કે રોકાણકારોએ ધારી લીધુ હતું કે અમેરિકાની કેન્દ્રીય બેંક ફેડ રિઝર્વ વ્યાજ દરોમાં ફરીથી વધારો કરશે. 
• રિપોર્ટમાં વર્લ્ડ  ગોલ્ડ કાઉન્સિલના ફાઈનલ આંકડાઓથી જાણવા મળે છે કે કેન્દ્રીય બેંકોએ સપ્ટેમ્બરમાં આશરે 63 ટન જેટલી ખરીદી કરી. જે નવેમ્બર 2024 બાદ સૌથી માસિક ખરીદી છે. આ આંકડા  કેન્દ્રીય બેંક અને ઈન્ટરનેશનલ મોનિટરી ફંડના આંકડાઓનો ઉપયોગ કરીને ભેગા કરાયા હતા. 
• જાન્યુઆરીમાં તેજીના  કારણે સોનાનો ભાવ 5500 ડોલર પ્રતિ ઔંસ પાર પહોંચ્યો હતો. જો કે ત્યારબાદ ભાવ ઘટ્યા અને સતત ઉતાર ચડાવ ચાલુ છે. 
• આ બધા વચ્ચે એકવાર ફરીથી સોનાના ભાવ ઐતિહાસિક સપાટીએ  પહોંચે એવું અનુમાન કરાયું છે. 
• આ અનુમાન જોઈએ તો ભારતીય બજારોની રીતે જોઈએ તો સોનાના ભાવ 2 લાખ રૂપિયા પ્રતિ 10 ગ્રામ પાર જઈ શકે છે.

વૈશ્વિક બજારમાં શું છે ભાવ

• શુક્રવારે 16 ઓક્ટોબરના રોજ કોમેક્સ ગોલ્ડ ફ્યૂચર્સ 0.18 ટકાના વધારા સાથે 4177.50 ડોલર પ્રતિ ઔંસ જોવા મળ્યો. 
• જ્યારે સિલ્વર ફ્યૂચર્સ 0.48 ટકા વધીને 57.43 ડોલર પ્રતિ ઔંસ પર પહોંચ્યો હતો. 
• તેનાથી ઉલ્ટું ઘર આંગણે સોના અને ચાંદીમાં ભારે ઉતારચડાવ જોવા મળી રહ્યા છે. મજબૂત રૂપિયો અને માંગમાં ઘટાડાની અસર ભારતીય બજારોમાં જોવા મળી રહી છે.