Gold Rate Today: શેર બજારમાં મોટા કડાકા વચ્ચે સોનું અને ચાંદી પણ પછડાયા, ભાવ ઘટ્યા બાદ ગોલ્ડ-સિલ્વરના લેટેસ્ટ રેટ જાણો

સોના અને ચાંદીના ભાવ આજે ફરીથી ગગડ્યા છે. સપ્તાહની શરૂઆત ભાવ ઘટાડાથી થઈ હતી જે આજે પણ ચાલુ જોવા મળ્યો. IBJA પર 24 કેરેટ સોનાના ભાવમાં આજે 304 રૂપિયા ગગડી છે જ્યારે એક કિલો ચાંદી 2821 રૂપિયા તૂટી છે. વાયદા બજારમાં જો કે સ્થિતિ અલગ જોવા મળી રહી છે. જો તમે પણ સોનું અને ચાંદી લેવાનું વિચારતા હોવ તો આજનો રેટ  ખાસ ચેક કરો.

આજનો સોના અને ચાંદીનો ભાવ
IBJAની વેબસાઈટ પર દર્શાવેલા ભાવ મુજબ આજે 10 ગ્રામ 24 કેરેટ સોનું 304 રૂપિયા તૂટીને 147463 રૂપિયાની સપાટી પર ખુલ્યું છે. જે કાલે 147767 રૂપિયા પર બંધ થયું હતું. જ્યારે એક કિલો ચાંદીના ભાવમાં આજે 2821 રૂપિયા ઘટ્યા છે અને ભાવ 218045 રૂપિયા પ્રતિ કિલો પર પહોંચ્યો જે કાલે 220866 રૂપિયાના સ્તરે બંધ થયો હતો.

આ ભાવમાં મેકિંગ ચાર્જ અને જીએસટી સામેલ હોતા નથી. એસોસિએશનના ભાવ દિવસમાં બેવાર જાહેર થાય છે. ખુલતા ભાવ અને સાંજે બંધ ભાવ. શનિવારે અને રવિવારે તથા જાહેર રજાઓના દિવસે નવા ભાવ જાહેર કરવામાં આવતા નથી.

કેરેટ પ્રમાણે ભાવ

વાયદા બજારના ભાવ
ભારતીય વાયદા બજાર (MCX) પર આજે બપોરે 2 વાગ્યાની આસપાસ 4 ડિસેમ્બરના વાયદાવાળું 10 ગ્રામ સોનું 0.17 ટકાના વધારા સાથે 149353 રૂપિયાના સ્તરે છે. જ્યારે 4 ડિસેમ્બરના વાયદાવાળી એક કિલો ચાંદી 1.07 ટકાના ઘટાડા સાથે 221163 રૂપિયાની સપાટીએ જોવા મળી છે.

શેર બજારમાં પણ જોવા મળી ભારે તબાહી
મામૂલી ઘટાડા સાથે બજાર ખુલ્યા બાદ આજે અચાનક સેન્સેક્સ અને નિફ્ટી ધડામ થવાના ચાલુ થઈ ગયેલા જોવા મળ્યા. જેમ જેમ ટ્રેડિંગ વધતું ગયું ત્યારબાદ તો બંને ઈન્ડેક્સ ક્રેશ થઈ ગયા. લેટેસ્ટ સ્થિતિ મુજબ બપોરે 2 વાગ્યાની આસપાસ પણ બીએસઈનો સેન્સેક્સ 1109.57 પોઈન્ટ તૂટીને 71529 પોઈન્ટ પર જોવા મળ્યો છે. જ્યારે એનએસઈનો નિફ્ટી 50 સૂચકઆંક 381 પોઈન્ટ ગગડીને 22222.05 પોઈન્ટ પર જોવા મળ્યો છે.

કયા સ્ટોક્સ ધડામ થયા
બજારમાં આવેલા આ ભૂકંપના કારણે મોટા મોટા શેર પ્રભાવિત થયા છે. ટોપ લૂઝર્સમાં અદાણી એન્ટરપ્રાઈઝ, જેએસડબલ્યુ સ્ટીલ, આઈટીસી, અદાણી પોર્ટ્સ, મેક્સ હેલ્થકેર સામેલ છે. જો કે આ તબાહીમાં પણ આઈટી કંપનીઓના શેર ટકી રહ્યા છે. ટોપ ગેઈનર્સમાં ટીસીએસ, ઈન્ફોસેસ, ટેક મહિન્દ્રા, એચસીએલ ટેક, નેસલેના શેર સામેલ છે.

શેર બજારમાં ભૂકંપ આવવાનું કારણ

• મોટા કારણોની વાત કરીએ તો સૌથી પહેલા તો ક્રૂડ ઓઈલના ભાવમાં ફરીથી જે ઉછાળો જોવા મળ્યો છે તે કારણભૂત હોઈ શકે છે. વૈશ્વિક બજારમાં બ્રેન્ટ ક્રૂડ ઓઈલનો ભાવ લગબગ 2 ટકાથી વધુના ઉછાળા સાથે ફરીથી 103 ડોલર પ્રતિ બેરલ નજીક પહોંચી ગયો છે. ઓઈલમાં આવેલા આ ઉછાળાથી મોંઘવારીનું જોખમ વધી રહ્યું છે. જેના કારણે બજારના સેન્ટીમેન્ટ બગડ્યા છે. 
• બીજું મોટું કારણ આરબીઆઈ રેપો રેટ માં થયેલો ફેરફાર હોઈ શકે છે. ત્યારબાદ અનેક બેંકોએ પોતાની લોન મોંઘી કરી છે. પીએનબી, બેંક ઓફ બરોડાથી માંડીને ઈન્ડિયન બેંક સુદ્ધાએ ગ્રાહકોને ઝટકો આપ્યો છે. રેપોરેટ 5.25 ટકાથી 25 બેસિસ પોઈન્ટ વધીને 5.50 ટકા કરવામાં આવ્યો. આ ઉપરાંત આરબીઆઈએ આગળ પણ રેટ વધે તેવા સંકેત આપ્યા છે જેનાથી બજારનો મૂડ ખરાબ જણાય છે. 
• અન્ય કારણોમાં વિદેશી રોકાણકારો દ્વારા થઈ રહેલી વેચવાલીની અસર પણ જોવા મળી રહી છે.