કરોડો SBI યુઝર્સ માટે મોટું એલર્ટ: કાલે 45 મિનિટ સુધી ડાઉન રહેશે સર્વર, નહીં થાય UPI પેમેન્ટ
જો તમારૂ ખાતુ એસબીઆઈ બેંકમાં છે તો આ સમાચાર તમારા માટે કામના છે. કારણ કે કાલ એટલે કે 19 નવેમ્બરે સ્ટેટ બેંક ઓફ ઈન્ડિયાની થોડા સમય માટે યુપીઆઈ સર્વિસ બંધ રહેવાની છે. જાણો કેમ...
દેશની સૌથી મોટી સરકારી બેંક ભારતીય સ્ટેટ બેંક ઓફ ઈન્ડિયાનું સર્વર 19 નવેમ્બરે ડાઉન રહેવાનું છે. તેની જાણકારી ખુદ બેંક તરફથી આપવામાં આવી છે. બેંક તરફથી જણાવવામાં આવ્યું કે મેન્ટેનન્સને કારણે 19 નવેમ્બરે SBI દ્વારા થનાર યુપીઆઈ સર્વિસ આશરે 45 મિનિટ સુધી બંધ રહેવાની છે.
હકીકતમાં 19 નવેમ્બર 2026ના 1 કલાક 45 મિનિટથી બપોરે 2 કલાક સુધી એસબીઆઈ બેંકની UPI સર્વિસ ઠપ્પ રહેવાની છે. આવું એટલા માટે કારણ કે બેંકની સુવિધાઓનું મેન્ટેનન્સ કરવામાં આવશે. SBI દ્વારા સોશિયલ મીડિયા પર આ જાણકારી આપવામાં આવી છે.
સોશિયલ મીડિયા પર આપી માહિતી
બેંક તરફથી પોતાના સત્તાવાર X એકાઉન્ટ દ્વારા એક પોસ્ટ શેર કરવામાં આવી છે, આ પોસ્ટમાં લખ્યું છે 'નક્કી મેન્ટેનન્સ કામગીરીને કારણે 19 નવેમ્બર 2026ના 1.15થી 2 કલાક સુધી એસબીઆઈની યુપીઆઈ સેવાઓ અસ્થાયી રૂપે ઉપલબ્ધ રહેશે નહીં. પરંતુ આ કામ સમય પહેલા પૂરુ થઈ શકે છે. ગ્રાહક કોઈ સમસ્યા વગર સેવા મેળવવા માટે યુપીઆઈ લાઈટ સેવાનો ઉપયોગ યથાવત રાખી શકે છે. ગ્રાહકોને થનારી અસુવિધા માટે અમને ખેદ છે.'
UPI લાઇટની સેવાઓ યથાવત રહેશે
આ પોસ્ટ દ્વારા બેંકએ જણાવ્યું કે માત્ર યુપીઆઈ એપ્સ દ્વારા થનાર પેમેન્ટ કરવા પર પ્રતિબંધ રહેશે. પરંતુ ગ્રાહક યુપીઆઈ લાઈટનો ઉપયોગ કરી શકે છે. યુપીઆઈ લાઇટને સ્મોલ પેમેન્ટ મોડલના રૂપમાં ડિઝાઇન કરવામાં આવી છે. યુઝર તેના દ્વારા પોતાની કોઈપણ બેંક ખાતામાંથી પૈસા કાઢી સપોર્ટ કરનાર એપની વોલેટમાં નાખી શકે છે. વોલેટમાં પૈસા આવ્યા બાદ યુઝર ખરીદી માટે પોતાનો UPI PIN નાખ્યા વગર તે બેલેન્સમાંથી ચુકવણી કરી શકે છે.
આ પણ વાંચોઃ Gold Price Today: સોના-ચાંદીમાં ભારે અફરાતફરી, ભાવમાં જબરસ્ત મોટો ઘટાડો
મહત્વનું છે કે રિઝર્વ બેંકના ફ્રેમવર્ક પ્રમાણે યુપીઆઈ લાઈટ પેમેન્ટ માટે દરેક ટ્રાન્ઝેક્શનની મહત્તમ મર્યાદા હજાર રૂપિયા અને વોલેટમાં કોઈપણ સમયે મહત્તમ 5 હજાર રૂપિયા રાખી શકાય છે. RBI એ ડિસેમ્બર 2024મા આ લિમિટેને 500 રૂપિયા અને 2000 રૂપિયાથી વધારી દીધી હતી. જોકે એસબીઆઈ દ્વારા માત્ર 45 મિનિટ સુધી સેવામાં સમસ્યા આવી શકે છે. ત્યારબાદ તમે યુપીઆઈ પેમેન્ટ કરી શકશો.