ભારતની ટોપ 3 સસ્તી CNG ઓટોમેટિક SUV, લિસ્ટમાં ટાટા અને હોન્ડાની કાર પણ સામેલ
જો તમે એવી સીએનજી એસયુવી શોધી રહ્યાં છો જે ઓટોમેટિક ગિયરબોક્સની સાથે આવતી હોય, તો અમે તમને ત્રણ શાનદાર વિકલ્પ વિશે જણાવી રહ્યાં છીએ. અમારા આ લિસ્ટમાં ટાટા અને હોન્ડાની એસયુવી પણ સામેલ છે. આવો જાણીએ આ એસયુવી વિશે.
સીએનજી એસયુવી ખરીદનાર ગ્રાહકોને ઓછા ખર્ચમાં વધુ માઇલેજનો બેનિફિટ મળે છે, પરંતુ મોટા ભાગના સીએનજી મોડલમાં મેન્યુઅલ ગિયરબોક્સ જ ઓફર કરવામાં આવશે. વધતા શહેરી ટ્રાફિકમાં વારંવાર ગિયર બદલવો પરેશાન કરનાર અનુભવ થઈ રહ્યો છે. તેવામાં ગ્રાહકોનો ઓટોમેટિક ગિયરબોક્સવાળી સીએનજી ગાડીઓ ખુબ પસંદ કરવામાં આવી રહી છે. જો તમે પણ આવી સીએનજી એસયુવી શોધી રહ્યાં છો, જે ઓટોમેટિક ગિયરબોક્સની સાથે આવે છે, તો અમે તમને ત્રણ શાનદાર વિકલ્પ વિશે જણાવી રહ્યાં છીએ. આ લિસ્ટમાં ટાટા અને હોન્ડાની એસયુવી પણ સામેલ છે.
નિસાન મેગ્નાઇટ CNG AMT
નિસાન મેગ્નાઇટ આ લિસ્ટમાં સૌથી સસ્તી સીએનજી ઓટોમેટિક એસયુવી છે. પરંતુ તેમાં સીએનજી કિટ કંપની તરફથી ફેક્ટરીમાં લગાવવામાં આવતી નથી. આ ડીલ ર દ્વારા બાદમાં ફિટ કરાવવામાં આવે છે. તેમાં 1.0-લીટર નેચરલી એસ્પિરેટેડ પેટ્રોલ એન્જિનની સાથે AMT ગિયરબોક્સ મળે છે. તેની બ્લેમ્ડ માઇલેજ 24.09 km/kg છે. મુંબઈમાં તેની ઓન-રોડ કિંમત 7.87 લાખ રૂપિયાથી 11.25 લાખ રૂપિયા વચ્ચે છે. ઓછા બજેટમાં સીએનજી અને ઓટોમેટિક ગિયરબોક્સની ઈચ્છા રાખનાર ગ્રાહકો માટે આ એક સારો વિકલ્પ છે.
આ પણ વાંચોઃ કાર હવે જાતે જ બ્રેક મારશે! ઓક્ટોબર 2030થી તમામ નવી કારોમાં 'AEBS' સિસ્ટમ ફરજિયાત
ટાટા પંચ iCNG AMT
ટાટા પંચ દેશની એકમાત્ર એસયુવી છે, જેમાં ફેક્ટરી-ફિટેડ સીએનજી કિટની સાથે ઓટોમેટિક ગિયરબોક્સ મળે છે. તેમાં 1.2-લીટર નેચરલી એસ્પિરેટેડ પેટ્રોલ એન્જિન અને એએમટી ગિયરબોક્સ આપવામાં આવ્યું છે. કંપની પ્રમાણે તેની માઇલેજ 26.99 km/kg છે, જે આ લિસ્ટમાં સૌથી વધુ છે. પંચમાં ટાટાની ટ્વિન-સિલિન્ડર iCNG સેટઅપ મળે છે. તેમાં બે નાના સિલિન્ડર બૂટની નીચે લગાવવામાં આવ્યા છે, જેનાથી સામાન રાખવા માટે વધુ સ્પેસ મળે છે. મુંબઈમાં પંચ સીએનજી ઓટોમેટિકની ઓન-રોડ કિંમત 9.74 લાખ રૂપિયાથી 12.17 લાખ રૂપિયા વચ્ચે છે. આ મેગ્નાઇટથી મોંઘી છે, પરંતુ ફેક્ટરી ફિટેડ સીએનજી કિટ તેનો મોટો પ્લસ પોઈન્ટ છે.
હોન્ડા CNG CVT
હોંડા એલિવેટ આ લિસ્ટની સૌથી મોટી અને મોંઘી એસયુવી છે. મેગ્નાઇટની જેમ તેમાં પણ સીએનજી કિટ ડીલર દ્વારા લગાવવામાં આવે છે. તેમાં 1.5-લીટર નેચરલી એસ્પિરેટેડ પેટ્રોલ એન્જિનની સાથે CVT ઓટોમેટિક ગિયરબોક્સનો વિકલ્પ મળે છે. સીએનજી પર તેની માઇલેજ આશરે 15થી 16 કિમી પ્રતિ કિલો હોઈ શકે છે. સીએનજી કિટ લગાવવા પર પસંદગીની કિંમતમાં આશરે 80થી 90 હજારનો વધારો થઈ શકે છે. તેની સટીક કિંમત અને ઉપલબ્ધતા માટે નજીકના હોન્ડા ડીલરશિપનો સંપર્ક કરવો પડશે.
