શું ફ્લાઇટમાં પાવર બેંક વાપરી કે ચાર્જ કરી શકાય? મુસાફરી કરતા પહેલા જાણી લો એરલાઈન્સના નિયમો

આજના સમયમાં પાવર બેંક ટ્રાવેલનો મુખ્ય હિસ્સો બની ગઈ છે. લાંબી ટ્રિપ દરમિયાન ફોનને ચાર્જ રાખવામાં પાવર બેંક મદદરૂપ થાય છે. તેથી દરેક તેને સાખે રાખવાનું પસંદ કરે છે. પરંતુ જ્યારે વાત હવાઈ યાત્રાની આવે છે ત્યારે પાવર બેંકને સાથે લઈ જવા કે તેના ઉપયોગ કરવા સાથે જોડાયેલા કેટલાક નિયમ છે.

પ્લેનમાં ટ્રાવેલ કરવા સમયે તમને આ નિયમો વિશે જાણકારી હોવી જોઈએ, બાકી નુકસાન થઈ શકે છે. આવો જાણીએ પ્લેનમાં પાવર બેંક લઈ જવા અને ઉપયોગ કરવાના નિયમ શું છે.

શું પ્લેનમાં પાવર બેંક લઈ જઈ શકાય છે?
જી હાં, તમે પ્લેનમાં પાવર બેંકને સાથે લઈ ટ્રાવેલ કરી શકો છો, પરંતુ માત્ર કેબિન બેગમાં. ચેક-ઇન બેગમાં પાવર બેંક રાખવાની મનાઈ છે. તેથી તમે તેને તમારી હેંડ બેગમાં રાખી શકો છો. પરંતુ તે માટે કેટલાક નિયમ છે. પાવર બેંકની ક્ષમતા  100Wh થી ઓછી હોવી જોઈએ. તેનાથી વધુ પાવરની પાવર બેંક પ્લાનમાં લઈને જઈ શકાય નહીં.

પ્લેનમાં પાવર બેંકનો ઉપયોગ કરી શકાય?
ઘણા લોકો માને છે કે જ્યારે પાવર બેંક સાથે લઈ જઈ શકીએ તો પ્લેનમાં તેનો ઉપયોગ કરી શકાય, પરંતુ તેવું નથી. પ્લેનની અંદર તમે પાવર બેંકનો ઉપયોગ ન કરી શકો. યાત્રા દરમિયાન તમારે પાવર બેંક બંધ રાખવી પડશે. કેબિનની અંદર તમે તેનાથી તમારો ફોન ચાર્જ ન કરી શકો.

શું પ્લેનમાં પાવર બેંક ચાર્જ કરી શકાય?
આજકાલ ઘમા વિમાનોમાં સીટની પાસે યુએસબી ચાર્જિંગ પોર્ટ બનેલા હોય છે, પરંતુ તે માત્ર લેપટોપ કે ફોનને સીધો ચાર્જ કરવા માટે હોય છે, ન કે પાવર બેંકને ચાર્જ કરવા માટે. પાવર બેંકને પ્લેનમાં ચાર્જ કરવી ખતરનાક સાબિત થઈ શકે છે, કારણ કે તેમાં આગ લાગી શકે છે. તેથી પ્લેનની અંદર પાવર બેંક ચાર્જ કરવાની મનાઈ હોય છે.

કેમ પાવર બેંકના ઉપયોગ કરવા પર પ્રતિબંધ છે?
હકીકતમાં પાવર બેંકમાં લિથિયમ-આયન બેટરીનો ઉપયોગ થાય છે .આ બેટરીઓ નાના આકારની હોય છે, પરંતુ મોટી માત્રામાં એનર્જી સ્ટોર કર છે. તેથી તેમાં આગ લાગવાનો ખતરો રહે છે. આ સિવાય થર્મલ રનવેનો પણ ખતરો રહે છે. જો કોઈ લિથિયમ-આયન બેટરી ડેમેજ થઈ જાય કે વધુ ગરમ થઈ જાય તો તેમાં શોર્ટ-સર્કિટ થઈ જાય તો તેનાથી લાગ લાગી શકે છે કે તે ફાટી શકે છે. પ્લેનમાં તે ખતરનાક સ્થિતિ પેદા કરી શકે છે. તેથી પ્લેનની અંદર તેના ઉપયોગ કે ચાર્જિંગની ખતમ મનાઈ છે.