આવતા અઠવાડિયે પણ 3 દિવસ બંધ રહેશે બેંકો! જાણો RBIએ કેમ આપી રજા

Bank Holiday Next Week: જો આવતા અઠવાડિયે તમારે બેંક શાખામાં કોઈ તાત્કાલિક કામ હોય, તો ઘરેથી નીકળતા પહેલા રજાઓની યાદી ચોક્કસ તપાસી લો. દેશના કેટલાક શહેરોમાં 16થી 22 નવેમ્બર વચ્ચે બેંકો બંધ રહેશે. આ સમયગાળા દરમિયાન જાહેર અને ખાનગી ક્ષેત્રની બેંકો જેમ કે SBI, HDFC બેંક, ICICI બેંક, એક્સિસ બેંક, PNB અને કેનેરા બેંકની શાખાઓ બંધ રહેશે.

મોંઘવારીનો વધુ એક માર! CNGના ભાવમાં પ્રતિ કિલો 1.50 રૂપિયાનો વધારો, જાણો ક્યાં વધ્યા ભાવ

જોકે, એ નોંધવું જરૂરી છે કે દરેક રાજ્ય કે શહેરમાં બેંકો એક જ દિવસે બંધ નથી હોતી. ઘણી રજાઓ સ્થાનિક તહેવારો કે પ્રાદેશિક કાર્યક્રમો સાથે જોડાયેલી હોય છે. તેથી, તમારા ચોક્કસ શહેરમાં બેંકો ખુલ્લી છે કે બંધ, તે તપાસી લેવું હિતાવહ છે.

આવતા અઠવાડિયે બેંકો ક્યારે બંધ રહેશે?

RBIના બેંક રજાઓના કેલેન્ડર મુજબ, 16થી 22 નવેમ્બર વચ્ચે વિવિધ કારણોસર બેંકો ત્રણ દિવસ બંધ રહેશે.

16 નવેમ્બર: છઠ પૂજાની રજા

16 નવેમ્બરે છઠ પૂજાના અવસરે પટના અને રાંચીમાં બેંક શાખાઓ બંધ રહેશે. અન્ય શહેરોમાં બેંકો સામાન્ય દિવસોની જેમ ખુલ્લી રહી શકે છે.

20 નવેમ્બર: ઈગાસ-બગવાલની રજા

20 નવેમ્બરે, ઈગાસ-બગવાલ તહેવાર નિમિત્તે દેહરાદૂનમાં બેંકો બંધ રહેશે. આ રજા માત્ર સંબંધિત પ્રદેશની બેંક શાખાઓને જ લાગુ પડે છે.

22 નવેમ્બર: રવિવારની રજા

22 નવેમ્બરે રવિવાર હોવાથી દેશભરમાં બેંક શાખાઓ બંધ રહેશે.

નવેમ્બરમાં કુલ કેટલા દિવસ બેંકો બંધ રહેશે?

નવેમ્બરમાં બેંકની રજાઓની સંખ્યા દરેક રાજ્યમાં અલગ-અલગ હોઈ શકે છે. રવિવાર અને મહિનાના બીજા તથા ચોથા શનિવાર ઉપરાંત, વિવિધ પ્રાદેશિક તહેવારોને કારણે પણ બેંકો બંધ રહે છે. તેથી જો તમારે કોઈ તાત્કાલિક કામ પતાવવાનું હોય, તો તમારી સ્થાનિક બેંક શાખામાં જઈને રજા અંગેની સ્થિતિની ખાતરી કરી લેવી સૌથી યોગ્ય રહેશે.

બેંકો બંધ હોય ત્યારે આ સેવાઓ ચાલુ રહેશે

બેંક શાખા બંધ હોવાનો અર્થ એ નથી કે તમારી તમામ બેંકિંગ પ્રવૃત્તિઓ અટકી જશે. મોટાભાગની ડિજિટલ બેંકિંગ સેવાઓ રજાઓ અને વીકએન્ડમાં પણ ઉપલબ્ધ રહે છે. પૈસા મોકલવા અને મેળવવા માટે UPIનો ઉપયોગ 24/7 કરી શકાય છે. બેંક એપ્સ અને અન્ય પેમેન્ટ એપ્લિકેશન્સ સામાન્ય રીતે કાર્યરત રહે છે, જોકે ટેકનિકલ જાળવણી દરમિયાન સેવાઓ ક્યારેક પ્રભાવિત થઈ શકે છે.